Mateo 26:15 - Tayta Diosninchi Isquirbichishan

¹⁵ Chayaycur paycunata tapuran «Jesusta prësu charichiptë ¿aycatataj pägamanquiman?» nir. Niptenga quimsa chunca guellayta pägananpaj parlaran.

Mateo 26:15 ပူးပေါင်းရင်းမြစ်များ

Génesis 38:16

Warmita ricar näninpa aywaycashanpita aywaran warmi cajman. Llumchuynin cashanta mana musyashpan cayno parlaparan: «¿Gamwan cacushwanchu u manachu?» nir. Chayno niptin warmi niran: «¿Imatataj pägamanquiman gamwan cacushaga?»

Éxodo 21:32

Wäca ollgu uywayta u warmi uywayta wishtar wañuchiptin wäcata sajmaycällar wañuchinqui. Nircur wäcapa duyñunna uywaypa patrunninta päganga quimsa chunca guellayta.

Isaías 56:11

Paycunaga mana sacsaytapis atipaj yargaj guella allgucunanömi. Paycunaga imatapis mana tantiyaj uyshërucunami. Cada-ünunmi imanöpis yarpashanno goyäcun. Imatapis quiquincuna munashallantami ashircaycan.

Levítico 27:4

Chay watayojlla caycaj warmipäga päganga quimsa chunca (30) guellayta.

Mateo 10:4

«Celote» nishan Simón, y Jesusta wañuchinanpaj entregaj Judas Iscariote.

Mateo 26:16

Chay örapitaga Judas yarpachacuycaran Jesusta imay öra prësu charichinanpäpis.

Hechos 1:18

«(Judasga fiyupa mana allita rurashanpita pägashan guellaywan chacrata rantiran. Nircorga uray-senganpa yagacuran pachan pashtajpaj, llanu pachancunapis llojshejpaj.

1 Timoteo 3:3

Upyallacho, pillyallapaj ama canmanchu. Chaypa ruquenga cuyapäcunman. Allilla goyanman. Guellayllapäga ama imatapis ruranmanchu.

2 Pedro 2:3

Guellay-raycullami alli-tupayllapa engañangapaj. Ichanga paycunata Tayta Dios castigananpaj unaypita-pachanami distinasha caycan. Paycunataga ñacay shuyaraycannami.

Jueces 16:5

Chaura Filistea runacunapa mandajnincuna aywaran Dalilawan parlaj. Dalilata niran: «Engañayllapa Sansonta tapuy. Fiyupa callpan mä ¿imanöpashi yurin? Callpayoj caycajtaga ¿imanöpashi binsishwan? Musyaycorga watashallami chararäshun. Willashuptiquega nogacuna cada ünö pägashayqui waranga pachacnin (1,100) guellaytami.»

Jueces 17:10

Niptinmi Micaiaga niran: «Caycho tiyacushun ari. Nogapa cürä cay. Chaura gamnami willapämar tantiyachimanqui. Watachöga pägashayqui chunca guellayta. Jananmanpis listumi goyanqui röpapita micuypitaga.»