Mateo 26:14 - Tayta Diosninchi Isquirbichishan

¹⁴ Chaypitana Judas Iscariotega Jesuspa apostulnin caycarpis aywaran mandaj cüracunaman.

Mateo 26:14 ပူးပေါင်းရင်းမြစ်များ

Mateo 10:4

«Celote» nishan Simón, y Jesusta wañuchinanpaj entregaj Judas Iscariote.

Mateo 26:25

Chayno niptin prësu charichinanpaj caycaj Judasga niran: «Maestru, ¿nogachuraj caycä?» Niptin Jesusga niran: «Quiquiquimi willacuycanqui.»

Mateo 26:47

Chayno Jesús parlaycaptillanmi disïpulun Judas chayamuran. Paywan chayamuran achcaj runacuna sablincunawan garutincunawan. Chay runacunataga mandaj cüracunawan mayur Israel runacunami cachamusha caran Jesusta prësu charinanpaj.

Mateo 27:3

Jesusta wañuchinanpaj cashanta musyaycur prësu charichej Judasga fiyupa llaquicuran. Chaymi mandaj cüracunawan Israel mayur runacuna shuntacasha caycashanman aywaycur quimsa chunca (30) guellay pägashanta cutiycachiran.

Juan 12:4

Chaura Jesusta prësu charichinanpaj caj disïpulun Judas Iscariote niran:

Juan 13:2

Pacha tardiyaptinnaga Jesús disïpuluncunawan micunanpaj goturpaycaran. Chay öraga Simonpa wamran Judas Iscarioteta dyablu mayna yarpächisha caran Jesusta ranticunanpaj.

Juan 13:26

Chayno tapuptin Jesús niran: «Chayga caycan tantata ushmarcachir aptaparcushä cajmi.» Chayno nirmi tantata ushmarcachir macyaran Simonpa wamran Judas Iscarioteta.

Juan 13:30

Tantata chasquircur Judasga jinan öra aywacuran. Chay öraga chacayllana caran.

Juan 18:2

Jesús chayman disïpuluncunawan imaypis aywanyaptin prësu charichej Judaspis rejsiran.

Hechos 1:16

«Ermänucuna, unaymi Davidta Espíritu Santu rimachiran Judas Iscariote Jesusta prësu charichinanpaj cashanta. Judasmi runacunataga pushasha Jesusta prësu charinanpaj. Chaymi cananga Tayta Diospa palabran cumlisha.

Hechos 1:18

«(Judasga fiyupa mana allita rurashanpita pägashan guellaywan chacrata rantiran. Nircorga uray-senganpa yagacuran pachan pashtajpaj, llanu pachancunapis llojshejpaj.