Mateo 25:4 - Tayta Diosninchi Isquirbichishan

⁴ Alli yarpayniyoj caj jipashcunashi ichanga lamparinninman yapananpaj asëtita shuynipis aparan.

Mateo 25:4 ပူးပေါင်းရင်းမြစ်များ

Salmos 45:7

Alli cajtaga cuyanquimi, mana alli cajtaga chiquinquimi. Chaynöpami Tayta Dios acracushurayqui. Waquin yanasayquicunapitami acracushurayqui. Gamtaga sumaj cushicachishurayqui.

Mateo 10:16

«Gamcunataga cachaycä uyshacunata atojman gaycojnömi. Chauraga culebranöpis alcäbulla puricunqui. Uyway palumano umildilla cacunquipis.

Mateo 25:2

Pichga caj jipashcunashi caran alli yarpayniyoj; pichga cajnashi yarpayniynaj.

Mateo 25:3

Yarpayniynaj cajcunaga manashi asëtinta aparanchu lamparinninman yapananpaj.

Mateo 25:5

Casaraj mösu manashi jucllaga chayashachu. Chaura jipashcunaga shuyarpaycashancho puñucäcusha.

Mateo 7:24

«Willapashäta wiyacamaj runacunaga caycan gaga jananman sumaj simintuta ruraycur wasita jatarachej runanömi.

Juan 3:34

Jesusga Tayta Dios cachamushan carmi Tayta Diospa willacuyllanta willacun. Paytaga Espíritu Santumi yanapaycan.

Romanos 8:9

Gamcunami ichanga manana shonguyqui munashannönachu juchata rurar cawaycanqui, chaypa ruquenga Espíritu Santupa munayninchönami. Espíritu Santupa munaynincho mana carga manami Jesucristupachu canqui.

2 Corintios 1:22

Espíritu Santutapis noganchïman cachamusha señalashana cananchïpaj. Espíritu Santuta chasquishana carmi musyanchi Tayta Dios aunimashanchïta cumlimänanchïpaj cashantapis.

1 Juan 2:20

Gamcunamanga Jesucristumi Espíritu Santuta cachamusha. Chaymi tantiyanquina llutanta yachachishuptiquipis mana chasquinayquipaj.

1 Juan 2:27

Jesucristo cachamushan Espíritu Santuga gamcunawanmi caycan. Chaymi pipis yachachishunayqui mana nistacanchu. Gamcunataga Espíritu Santumi rasun cajllata yachaycächishunqui. Manami imaypis llullapäshunquichu. Chaymi Espíritu Santu yachachishushayquino, Jesucristo munashannölla caway-llapa.

Judas 1:19

Paycunami juchayoj caycan ermänucuna chiquinacur inlisyapita gargunacunanpäpis. Espíritu Santuta mana chasquisha carmi shongun munashannölla mana allicunata rurar cawan.