Mateo 18:22 - Tayta Diosninchi Isquirbichishan

²² Chaura Jesús niran: «Manami ganchis cutillaga; chaypa ruquenga imaypis. Ganchis chunca (70) cuti ganchispis perdunanqui.

Mateo 18:22 ပူးပေါင်းရင်းမြစ်များ

Génesis 4:24

Cainta pipis wañuchej caj ganchis cuti mas fiyupa castigasha cananpaj caycaptenga nogata imatapis ruramaj cäga ganchis chunca ganchisnin (77) cuti masmi castigasha canga.»

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Miqueas 7:19

Nogacunata yapay cuyapaycamay ari. Juchäcunatapis ama yarpaynachu. Nogacunapa juchätaga jitarpuy mas jundunnin lamarman.

Mateo 18:23

«Mä Tayta Diospa maquincho goyay imano cashantapis juc willapaman tincuchiypa willapäshayqui: Juc nasyunchöshi juc mandaj casha. Payshi mandäshejnincunata nisha ‹cuentata rindimay› nir.

Marcos 11:25

Mañacuycashayqui öra chiquishojcunata perdunay gamcunatapis Tayta Dios perdunashunayquipaj. [

Romanos 12:21

Mana allicunaga cuydä binsishunquiman. Chaypa ruquenga mana allita rurashuptiqui alliwan cutichiy.

Efesios 4:26

Rabyarpis jucha ruraymanga ama chayaychu. Rabyar-imarga chay junajlla ushacächinquiman.

Efesios 4:31

Amana pitapis nanaparaychu, rabyapaychu, chiquinacuychu, gayapaychu, ashlliychu. Llutancunatapis ama ruraynachu.

Colosenses 3:13

Jucniqui-jucniquipis pasinsacuy. Jagayächinacur-imarga perdunanacuy. Jesucristo perdunashushayquino perdunanacuy ari.

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.