Mateo 18:14 - Tayta Diosninchi Isquirbichishan

¹⁴ Chaynömi syëlucho caycaj Papäniquipis mana munanchu wamrano yäracuycajcuna ni jucnayllapis ogracänanta.

Mateo 18:14 ပူးပေါင်းရင်းမြစ်များ

Isaías 40:11

Payga pushaycämun juc uyshëru uyshancunata michejnömi. Uyshëruga uysha-mallwacunata margacurcurmi apan. Cuyashpanmi margasha apan. Chayraj wachashacunatapis allimi rican.

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.

Mateo 18:13

Ograshan uyshanta tariycorga fiyupami cushicun. Isgun chunca isgunwan (99) uyshan captinpis ogracasha cajta tariycorga fiyupami cushicun.

Mateo 18:15

«Yäracoj-masiqui contrayqui ruraptenga japallanwan parlanqui jucha rurashanta tantiyachinayquipaj. Tantiyachiptiqui wiyacuptenga perdunanqui. Chauraga yäracoj-masiquiwan allinami goyanquipaj.

Mateo 5:16

Runacuna ricananpaj achqui sindiraycashanno gamcunapis runacuna ricashunayquipaj allillata rurar goyay-llapa. Chayta ricacurmi runacuna alabanga syëlucho caycaj Diosninchïta.

Mateo 6:32

Tayta Diosman mana yäracojcunallami chaycunapäga yarpachacuycan. Gamcunapäga Tayta Diosninchi maynami musyaycan imata nistaycashayquitapis.

Mateo 6:9

Gamcunaga Tayta Diosta cayno mañacunqui: «Syëlucho caycaj Papänë, gamtaga pï-maypis rispitayculläshunqui.

Lucas 12:32

«Cuyashäcuna wallcajlla carpis ama manchacuychu ari. Tayta Diosninchïmi gamcunataga acrashurayqui paypa maquincho goyänayquipaj.

Juan 17:12

Cay pachacho paycunawan goyashpä allimi ricashcä. Chaymi mayganpis mana ogracashachu. Ogracänanpaj cajllami Satanás munashanta rurar ogracäcusha palabrayquicho niycashanno cumlinanpaj.

Juan 21:15

Micuyta usharcur Pedruta Jesús tapuran: «Jonaspa wamran Pedro ¿waquin caj disïpulöcuna cuyamashanpita maschu gam cuyamanqui?» nir. Tapuptin Pedro niran: «Au tayta, gam musyanquimi cuyashäta.» Jesusna niran: «Uyshäcunata sumaj ricay.»

2 Timoteo 2:10

Chaymi imano ñacarpis mana yamacaypa Jesucristupa willacuyninta willacuycä. Chaynöpami Jesucristuta chasquicuptin Tayta Diosninchi acrashan cajcunata salbangapaj.

Hebreos 12:13

Maypa aywanayquipäpis wicsu caminucunataga allchay wegrucunapis mana tuninanpaj. Chaymi Tayta Dios munashanno cawaptiquega witiycachajcunapis mana witiconganachu wegru runa tunishan-japuy. Juchaman manami tunenganachu. Man'chäga allillanami cawanga.

2 Pedro 3:9

Chayno caycaptenga ama yarpäshunchu: «Jesucristoga ¿imanirtaj mana cutimunchu?» nir. Tayta Jesucristoga shuyaraycan llapan runa arpinticunantami. Payga manami munanchu pipis juchallancho wañunanta.