Mateo 10:26 - Tayta Diosninchi Isquirbichishan

²⁶ «Chaymi cay pachacho runacuna chiquishuptiquipis ama manchacunquicunachu. Mana musyashan cajtapis Tayta Diosga musyacächengami. Pacaraycajtapis imayllaga ricacächengami.

Mateo 10:26 ပူးပေါင်းရင်းမြစ်များ

Proverbios 10:9

Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.

Proverbios 28:1

Fiyu runaga pipis mana gaticachaycaptinmi gueshpir aywacun. Juchaynaj alli runami ichanga liyunno mana manchacuypa goyäcun.

Proverbios 29:25

Runacunata manchacorga ima mana allimanpis chayanmi. Tayta Diosman yäracojcunatami ichanga imapis mana chayanchu.

Eclesiastés 12:14

Tayta Diosga allita mana allita rurashanpitapis llapanpitami runataga jusgangapaj. Pacayllapa rurashanpitapis jusgangapämi.

Isaías 41:10

Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Isaías 41:14

Jacobpita mirar aywaj Israelcuna, curunölla cashpayquipis ama manchacuychu. Nogami yanapäshayqui. Nogami gamcunapa Santo Tayta Diosniqui caycä. Nogami imapitapis jorgoj caycä.

Jeremías 1:8

Pitapis ama manchacuychu. Nogami imapitapis chapäshayqui. Noga Tayta Diosmi chayno në.»

Ezequiel 2:6

Runa, gamga ama manchacuychu paycunata. Ni imata nishuptiquipis ama manchacunquichu. Cashacunapa chaupincho caycajno carpis, alacrancunawan iwal tiyaycajno carpis ama manchacunquichu. Mana wiyacoj cayllawan fiyu ñawinpa ricapäshuptiquipis, imata nishuptiquipis ama manchacunquichu.

Mateo 10:28

Ama manchacunquichu pipis wañuchishunayquipaj jurapäshuptiqui. Wañuchishushpayquipis almayquitaga manami wañuchengapächu. Tayta Diostami ichanga manchapacunqui. Paymi munayniyoj caycan almantinta pitapis infiernuman gaycunanpaj.

Marcos 4:22

Chaynömi canan Tayta Diospa alli willacuyninpis pacaraycajno caycan. Chaypis imayllaga musyacangami. Mana musyacajcunapis imayllaga mayacangami.

Lucas 24:47

Chaycuna cumlishana captinmi runacunata willapänayqui ‹Jucha rurashayquipita arpinticur Tayta Dios munashannöna caway. Chayrämi llapan jucha rurashayquipita perdunashunqui› nir. Jerusalenpita gallaycur may-chaypapis aywar llapan runacunata willapanqui.

Lucas 8:17

Cananga Tayta Diospa alli willacuynin pacaraycajnömi caycan. Chaypis pacaraycajta imayllaga ricacächengami. Mana musyacajcunapis imayllaga mayacangami.

Hechos 1:8

Gamcunaman Espíritu Santu chayamuptinmi ichanga munayninta chasquinquipaj. Chayrämi nogapita willacunquipaj Jerusalencho, Judea probinsyacho, Samaria probinsyacho, may-chay nasyunchöpis.»

Hechos 4:13

Pedruwan Juan mana sumaj estudyasha caycarpis mana manchacuypa rimaptin autoridäcuna almiraran. Chaynöpami tantiyacuran Jesuspa apostulnincuna cashanta.

Hechos 4:19

Ollgöpaptin Pedruwan Juan niran: «Mä gamcuna nimay taytacuna. ¿Allichu canman Tayta Diosta wiyacunäpa ruquin gamcunata wiyacuptë?

1 Corintios 4:5

Chaymi manaräpis timpu chayamuptenga ama pitapis jusgaychu. Tayta Jesucristo shamurnami llapanta jusganga. Paynami runa mana alli rurayta munashancunata y rurashancuna pacaraycajta y ima yarpashantapis jorgapanga. Chaychörämi imanöpis rurashanpita Tayta Diosninchi cada runata premyuta gonga.

1 Pedro 3:14

Allita ruraycarpis ñacar-imarga cushicuy. Pitapis ama manchacuychu. Ama llaquicuychu.