Marcos 9:3 - Tayta Diosninchi Isquirbichishan

³ Röpanpis rashtano yurajman ticrar achicyaypa achicyacurcuran. May-jina tagsharpis manami pipis chaynöga yur'gächinchu.

Marcos 9:3 ပူးပေါင်းရင်းမြစ်များ

Salmos 51:7

Llapan juchäta pichaycuy ari. Chauraga limyunami cashaj. Mayllaycamay. Chauraga rashtapitapis mas yurajnami ricacushaj.

Salmos 68:14

Tayta Dios, munayniyoj raycunata gaticachashan öra gueshpejcunaga ricacuran Salmón puntaman rashta rashtaycajnömi.

Isaías 1:18

Tayta Diosmi nin: «Shamuy-llapa. Cananmi sumaj parlar alli tantiyashun. Puca fiyupa tiñicashano gamcuna juchayoj captiquipis, Nogami limyuyächishayqui rashtanöna yuraj canayquipaj. Muräduman tiñisha tëlano captiquicunapis, Nogami limyuyächishayqui merïnu millwano yuraj canayquipaj.

Daniel 7:9

«Chayno ricapaycaptillämi jamacuna silluncuna yurircuran. Chayman juc auquin jamaycuran. Paypa röpanna caran rashtano yuraj. Ajchanpis caycaran tagshasha yuraj millwanöraj. Jamacuna sillunwan ruyranga caycasha nina ratataycajmi.

Mateo 28:3

Anjilga illguynöraj achicyaycaran. Röpanna caycaran yuraj rashtano.

Marcos 9:4

Chaychömi profëta Elías y Moisés yurircur Jesuswan parlaycajta ricaran.

Lucas 9:29

Tayta Diosta mañacuycaptillan cäranpis achic-achicyaycajman ticracuriran. Röpanpis yuraj chipyaj ricacuran.

Hechos 10:30

Chaura Cornelio niran: «Chuscu junajnami cayno öra [ayunar] Tayta Diosta mañacuycaptë achicyaycachaycaj röpasha runa yuripämasha.

Apocalipsis 19:18

Chaura gamcunaga tucuy casta runacunapa aychantami micunquipaj. Nasyun mandajcunapata, suldärucunapata, suldärucunapa mandajnincunapata, muntacushan cawalluncunapa aychantapis micunquipämi. Rïcu, pobri captinpis, yachaj, mana yachaj captinpis, llapanpa aychantami micunquipaj.»

Apocalipsis 7:14

Nimaptin: «Gamchari musyanqui tayta» nirä. Niptë chay mayur runa nimaran: «Paycunaga fiyupa ñacaycunacho ñacajcunami. Cashni uysha yawarninta mashtar wañushanpitami perdunashana carcaycan. Chaymi röpancunapis yuraj caycan.

Apocalipsis 7:9

Chaypitana ricarä yupaytapis mana atipaypaj chaychica runacunata. Paycunaga caran may-chay nasyun runacunami, tucuy trïbu runacunami, tucuy marca runacunami, tucuy casta rimayta rimaj runacunami. Cashni uyshapa y Tayta Diosninchïpa ñaupanchömi caycaran yuraj röpan jatisha, palmancuna aptasha.