Marcos 7:22 - Tayta Diosninchi Isquirbichishan

²² majayoj caycar jucwan cacunanpaj, yargaj cananpaj, jucpa contran mana allita rurananpaj, engañananpaj, bisyucunallaman yarparänanpaj, jucpa imantapis munapänanpaj, washa rima cananpaj, alli-tucunanpaj, mana tantiyacoj cananpaj.

Marcos 7:22 ပူးပေါင်းရင်းမြစ်များ

2 Crónicas 32:31

Caru Babiloniapita-pacha mandajcuna cachata cachamuran Ezequiasman watucoj, Judá nasyuncho imano milagru päsashantapis musyacachaj. Ezequías imano yarpashantapis musyananpämi Tayta Diosga quiquillanta cachaycuran.

Salmos 10:4

Chay runacunaga alli-tucur nin: «Diosga manami canchu. Piräshi nogata jusgamanman imata rurashätapis» nir. Chayllatami imay örapis yarparaycan.

Salmos 119:36

Estatutuyqui nishallanta ruranäpaj yarpächimay. Ama camacächiychu suwacullar rïcuyänäpäga.

Proverbios 12:23

Yachajcunaga imano yachashantapis manami willacunchu. Mana tantiyaj runami ichanga upa cayninta juclla musyachin.

Proverbios 22:15

Wamra-mösucunaga wichaypa uraypami yarpan. Chaypis astiptenga wiyacur tantiyacunmi.

Proverbios 23:6

Micha yargaj runacunapa wasinman ama yaycunquichu. Mishqui micuynincunatapis ama munapaychu.

Proverbios 24:9

Mana tantiyacoj upaga jucha rurayllatami yarpan. Shimisapatapis llapanmi chiquipan.

Proverbios 27:22

Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

Proverbios 28:22

Yargajcunaga fiyupami munan rätu rïcuyayta. Manami musyanrächu ima-aycanpis ushacaptin jinaylla pobri ricacunantaga.

Eclesiastés 7:25

Chaymi yapay estudyarä masta yachaj canäpaj. Imapaj imacuna caycashanpäpis yarpachacurä. Chaynöpami tantiyacurä fiyu cayga mana alli cashanta, mana tantiyacoj upa cayga mana alli cashanta.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Isaías 59:7

Mana allita rurananpäga apuraypa apurarmi cörrin. Alli runata wañuchinanpaj rasyaylla aywan. Wañuchicuyllapämi yarparcaycan. Paycuna purishanpaga mana allita rurashallanmi caycan.

Jeremías 17:9

«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?

Mateo 20:15

Gamcunaga ¿ima cuentayojtaj canqui aycata pägacuptëpis? Noga alli captëpis gamcunaga yargajmi canqui.›

Mateo 6:23

Mana alli runami ichanga micha car chacäpacushano caycan. Chayno captinmi ima rurashanpis alliga mana llojshipanchu. Chauraga chacaj pachachönömi goyan.

Marcos 7:21

Shongunchömi yarpachacun juchata rurananpaj, jucwan-jucwan cacunanpaj, suwacunanpaj, runata wañuchinanpaj,

Marcos 7:23

Llapan chay mana alli ruraycunaga shonguncho llutanta yarpashanmi caycan. Chaycunami runataga juchayojyächin.»

2 Corintios 10:5

Chaynöpami conträ jatarir jitapämashancunatapis ushacächë. Llutan yachachicojcunapa yachachicuyninta manacajman churä. Llutan yarpaycunata cachaycur runacuna tantiyacur Jesucristuta chasquicunanpäpis willacuycä.

Deuteronomio 15:9

Jagacunata perdunanan wata chayamunanpaj cashantana tantiyar ama yarpanquichu manana ristanayquipaj cashanta. Mana ristaptiquega pishipacaycho caycaj runa Tayta Diosman quijacuptin juchayojmi ricacunquipaj.

Deuteronomio 28:54

Amatar alli runa cashpanpis fiyupami chiquicurconga wauguinta, amatar cuyashan warminta, manaraj micushan caj wamrancunatapis.

Deuteronomio 28:56

Amatar alli cuyacoj warmipis fiyupami chiquicurconga amatar cuyashan runanta wamrancunata.

1 Pedro 2:15

Autoridäcunata rispitar alli cawaptiquega Tayta Diosta mana wiyacojcuna manami contrayqui rimanganachu. Chayno cawanayquitami Tayta Diosninchi munan.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»