Marcos 4:39 - Tayta Diosninchi Isquirbichishan

³⁹ Chaura Jesusga jatarcur wayratawan lamar yacuta piñacur niran: «¡Chawayna! ¡Amana pullchajyaynachu!» Chaura wayrapis yacupis chawacuycuran.

Marcos 4:39 ပူးပေါင်းရင်းမြစ်များ

Job 38:11

Nircur nishcä: ‹Caycamallami chayamunqui. Caypita mastaga mananami wichanquipänachu. Wayra apamushuptiqui bötiypa-bötishayquipis cayllachömi quëdanqui.›

Salmos 107:29

Löcu wayratapis wall-wallyaycajllaman Tayta Diosga ticrachiran. Yacu löcuyaycajpis chawacäcuran.

Salmos 148:8

Tayta Diosta alabay räyu, runtu tamya. Alabay rashta, pucutay. Tayta Dios nishanta wiyacoj löcu wayra alabay.

Salmos 29:10

Löcu tamyapis Tayta Diospa munaynillanchömi caycan. Tayta Diosllami imaycamapis rayga caycan.

Salmos 65:7

Gammi chawächinqui lamar yacu wayrawan gaparar pullchajyaycajta, runacuna shanaypa shanar gaparpaycajtapis.

Salmos 89:9

Bötiypa bötiycaj lamarta gammi chawächinqui. Wayrawan pullchajyaycajtapis chawächinqui.

Éxodo 14:16

Gamnami tucruyquita janajpa jogarcur lamarman macyaranqui ishcayman lamar yacu raquicäcunanpaj. Chaura Israelcunaga lamar raquicasha chaupinpa chaqui allpapanami päsangapaj.

Éxodo 14:22

Chaura Israelcunaga chaqui allpapana päsaran washa-lädunpa cay-lädunpa yacu tapyano ichiraycaptin.

Proverbios 8:29

Allpa jananman mana llojshimunanpaj lamar yacuta camacächiptin, allpa mana cuyucunanpaj sumaj tacyachiptin

Jeremías 5:22

Noga Tayta Diosmi cayno në: ¿Gamcunaga manachu imanillarpis manchacamanqui? ¿Manachu ñaupächöga sicsicyanqui? Lamar cantucho agush caycajtapis nogami churashcä lindata. Chaymi chaypita mastaga lamar yacupis mana päsamunnachu. Wayrawan ruyrucarcur-ruyrucarcur gaparar shamurpis chay jananpaga manami päsamunnachu.

Lamentaciones 3:31

Tayta Diosga pitapis manami para-simriga gongaycunchu.

Nahúm 1:4

Lamartapis ollgöparga chaquirachinmi. Paymi camacächin llapan mayucuna chaquinanpäpis. Chaymi Basán particho, Carmelo jircacunacho jachacuna caycajpis wañuytacäcun. Libanucho caycaj waytacunapis wañuytacäcun.

Mateo 8:26

Chayno niptin Jesús niran: «¿Imanirtaj mancharircaycanqui? ¿Manachu Tayta Diosman yäracunqui?» Chayno nircorga jatarcur wayratawan yacuta piñacuran chawananpaj. Chaura wayrapis yacupis chawacäcuran.

Marcos 4:38

Chay öra Jesusga guepaman aywaycur jawanata jawanacurcur puñuycaran. Chaura disïpuluncunaga ricchachir niran: «¡Tayta, tallpucaycanchïnami! ¿Gamtaga manachu imapis gocushunqui?»

Marcos 9:25

Achca runacuna gotucaycajta ricarna dyabluta Jesús piñacuran: «Upayächej, mana rimachej dyablu, cay wamrapita yarguy. Cananpitaga imaypis amana cay wamraman cutiynachu.»

Lucas 4:35

Chaura Jesús piñacur dyabluta niran: «¡Upälla! ¡Chay runapita llojshiy!» Chayno niptin aypalla runapa chaupincho jinan öra pampaman tuniraycachir löcuyasha caycaj runata imatapis mana rurayllapa llojshir aywacuran.

Lucas 4:39

Chaura gueshyajman umpurcur Jesusga rupayta ollgöparan. Simonpa suyranga jinan öra allchacäcuran. Allchacarcurnaga paycunata juclla gararan.

Lucas 8:24

Chaura Jesusman witiycur riccharcachir niran: «¡Tayta, Tayta! ¡Tallpucaycanchïnami!» Riccharcushpan wayratawan yacuta piñacuran. Chaura wayrapis yacupis chawaran.