Marcos 4:38 - Tayta Diosninchi Isquirbichishan

³⁸ Chay öra Jesusga guepaman aywaycur jawanata jawanacurcur puñuycaran. Chaura disïpuluncunaga ricchachir niran: «¡Tayta, tallpucaycanchïnami! ¿Gamtaga manachu imapis gocushunqui?»

Marcos 4:38 ပူးပေါင်းရင်းမြစ်များ

Isaías 63:15

Tayta Dios, fiyupa rispitädu particho tiyaycashayqui syëlupita-pacha ricäramuy ari. ¿Maytaj fiyupa cuyacoj cayniquiwan munayniyoj cayniquega? ¿Imanirtaj nogacunataga mana yarpämanquinachu? ¿Nogacunataga mananachu cuyapämanqui?

Isaías 64:12

Chayno rurasha caycaptinpis ¿manachu imatapis ruranqui Tayta Dios? ¿Chayno rurasha caycaptinpis upällachuraj cacunqui? ¿Chaynöllachu imaypis fiyupa llaquicachimanqui?

Lamentaciones 3:8

Yanapämänanpaj mañacur gaparaycaptëpis ruwacushätaga manami wiyamashachu.

Mateo 22:16

Chaymi imata ninanpäpis sumaj yacharcachir fariseo runacuna cacharan disïpuluncunatawan ray Herodespa faburnin caj runacunata. Paycunami Jesusta cayno niran: «Maestru, nogacuna musyämi rasun cajllata rimashayquita. Gamga rasunpami yachachinqui Tayta Dios munashannölla. Manami runacuna gustashallantachu yachachinqui.

Mateo 8:25

Chaymi disïpuluncunaga Jesusta riccharcachir niran: «Tayta, tallpucaycanchïnami. Salbaycallämay.»

Marcos 4:37

Aywarcaycaptinna löcu-wayra gallacuycuran. Fiyupa wayrashpan lamar yacupis pullchajyashpan can'waman yaycuycaran. Chaura can'wataga yacu tallpucaycächiranna.

Marcos 4:39

Chaura Jesusga jatarcur wayratawan lamar yacuta piñacur niran: «¡Chawayna! ¡Amana pullchajyaynachu!» Chaura wayrapis yacupis chawacuycuran.

Lucas 8:24

Chaura Jesusman witiycur riccharcachir niran: «¡Tayta, Tayta! ¡Tallpucaycanchïnami!» Riccharcushpan wayratawan yacuta piñacuran. Chaura wayrapis yacupis chawaran.

Juan 4:6

Chay chacrachömi caycaran unayna Jacob uchcuchishan yacu pösu. Uticashana carmi Jesusga chay pösu cajman chayar jamacuycuran. Öraga caran las-dösinöna.

Hebreos 2:17

Chaymi payga runalla cay pachaman shamusha car cuyapäcoj mas mandaj cüranchi ricacusha. Cuyapäcoj mas mandaj cüranchi carmi cruscho wañusha Tayta Diosninchi llapan juchanchïpita perdunamänanchïpaj.

Hebreos 4:15

Noganchïta dyablu juchata rurachiyta munamashanchïnöllami Tayta Jesustapis juchata rurachiyta munaran. Chaypis Tayta Jesusga manami juchaman tuniranchu. Taytanchi Jesusga noganchïno runa cayta päsasha carmi rejsiycämanchi; cuyapämanchi.

1 Pedro 5:7

Tayta Diosninchi cuyaycäshuptiquega ima yarpachacuyniquicunatapis paypa maquinman churaycuy.