Marcos 4:28 - Tayta Diosninchi Isquirbichishan

²⁸ Allpallami pashtachimun. Yöranta wiñachin. Shicshichin. Nircur poguchin.

Marcos 4:28 ပူးပေါင်းရင်းမြစ်များ

Génesis 2:9

Chay wertachömi Tayta Dios wiñachimuran tucuy-niraj cuyayllapaj yöracunata. Chaycunapa wayuynin alli caycaran runa micunanpaj. Werta chaupinchöna caran ishcay yöracuna. Juc yörapa wayuynin caran runa micuptin imaycamapis cawachinanpaj. Jucaj yörapa wayuyninta micuptinna caran alli cajta mana alli cajtapis runa musyananpaj.

Salmos 1:3

Chay runaga caycan juc yöra mayu cantuncho alli caycajnömi, wayunan timpu chayamuptin alli wayojnömi, öjancunapis mana garwashtajnömi. ¡Chay runataga llapanpis allimi llojshipan!

Proverbios 4:18

Alli runacuna alli goyashanga caycan pacha warämur achicyajnömi.

Eclesiastés 3:1

Cay pachachöga cada cösa imay päsananpäpis caycan. Llapanpis timpuyojllami.

Eclesiastés 3:11

Tayta Diosmi llapantapis camacächiran timpuncho cananpaj. Runatapis camaran shamoj watacunacho ima päsananpaj cajtapis yarpachacunanpaj. Chaypis runa manami tantiyayta atipanchu gallarinanpita ushanancama Tayta Dios camashancunata.

Isaías 61:11

Imanömi chacracho muru pashtamun, wertachöpis imanömi lanta chillguir wiñan, chaynömi Tayta Diosga camacächenga rasun caj alli ruraytana yapay gallaycunanpaj, alabansacunatapis cantananpaj. Chaytaga llapan nasyun runacunami ricanga, wiyanga.

Oseas 6:3

Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Mateo 13:26

Rïgu wiñamur shicshiyta gallaycuptin ballicu guewapis rejsicasha.

Marcos 4:27

Murushanpita pashtamurnaga wiñan. Junajpa chacaypapis ni puñur riccharpis chay muroj runaga manami pashtachimunchu ni wiñachimunpischu. Manami musyanchu imano pashtashanta, ni imano wiñamushantapis.

Marcos 4:29

Wayuynin pogushana captenga chay runa juclla cusichaj aywan.»

Filipenses 1:6

Noga musyämi Jesucristuta chasquicushayquipita-pacha Tayta Diosninchi imaypis yanapaycäshushayquita. Chaynöllami yanapaycäshunquipaj Jesucristo cay pachaman cutimunancama.

Colosenses 1:10

Chaynami pay munashanno imaypis cawanquipaj. Gamcunaga cawanquipaj Tayta Diosta manchapacurmi, pay munashanta rurarmi.