Marcos 14:55 - Tayta Diosninchi Isquirbichishan

⁵⁵ Chaura mandaj cüracunawan mayur Israelcunaga ashiycaran testïgucunata Jesuspa contran rimaptin wañuchinanpaj. Chayno ashirpis mana tariranchu.

Marcos 14:55 ပူးပေါင်းရင်းမြစ်များ

1 Reyes 21:10

Nircur paypa ñaupanman jamachinqui ishcay llulla testïgucunata. Paycunata yachachinqui ‹Nabotga Tayta Diospa, raypapis contranmi rimasha› nir cärananpaj. Chayno cäraycuptin siudäpita jorgarcärir sajmaycällar wañuchinqui» nir.

1 Reyes 21:13

Ishcay llulla testïgucunatapis pusharan. Paycunana llapan runacunapa ñaupancho Nabotpa contran rimaran. «Rasunpami gamga rimashcanqui Tayta Diospa, raypa contran» nir cäraran Nabot-ta. Chayno cäraycuptin siudäpita jorguycur sajmaycällar wañuycärachiran.

Salmos 27:12

Chiquimajcunapa maquinmanga ama cachaycamaychu. Paycunaga nogapa conträmi parlarcaycan. Manacajta jitaparmi rabyaparcaycäman.

Salmos 35:11

Rantiy testïgucunami yurin. Paycunami tapuman mana musyashäcunata.

Daniel 6:4

Chayno yarpaptin waquin mandajcunawan prefectucunaga imanöllapapis achäquita ashiran mana alliman churananpaj. Achäquita ashirpis Daniel alli runa captin imatapis mana tariranchu.

Mateo 5:22

«Chaypis nogaga caynömi në: Pimi runa-masinta rabyapan, chay cäga jusgashami canga. Runa-masinta gayapajtaga jatun autoridächömi jusganga. Fiyupa rabyar runa-masinta ‹maldisyunädu› nejtaga Tayta Dios castigar infiernumanmi jitarponga.

Marcos 14:56

Achcaj contran rimarpis quiquin-pura apänacuran. Rimashan mana tincuranchu.

Juan 18:19

Chaypita mandaj cüraga Jesusta tapuycaran disïpuluncuna pï cashantapis, imata yachachishantapis.

Juan 18:21

¿Imanirtaj nogataga tapumanqui? Yachachishä runacunata tapuy. Paycunami musyan imata yachachishätapis. Mä paycuna willashunqui imata nishätapis.»