Marcos 12:32 - Tayta Diosninchi Isquirbichishan

³² Chaura lay yachachëga niran: «Allimi, Maestru. Rasun cajtami nishcanqui. Rasunpa jucnayllami Diosga. Paypita mas jucga manami canchu.

Marcos 12:32 ပူးပေါင်းရင်းမြစ်များ

Isaías 44:8

Ichanga balurchay, ama manchacuychu. Nogami chayno nirä. Chaycunataga unaynami willacachirä. Gamcunami testïgöpis carcaycanqui. Nogapita mas juc diosga manami canchu. Manami mas juc canchu chapäshunayquipäga. Juctaga manami rejsëchu.»

Isaías 45:14

Israelcunata Tayta Diosga caynömi nin: «Egipto runacunapis, Etiopía runacunapis, jatusaj Sabá runacunapis maquiquichömi canga. Chay runacunapis, murushan micuynincunapis, nigusyuncunapis gamcunapanami canga. Paycunaga cadinawan watashami guepayquita shamongapaj. Gamcunapa ñaupayquiman gongurpacuycurmi ruwacushunquipaj. Chaynöga ruranga ‹Rasunpa gamcunachömi Diosga caycan. Paypita mas jucga manami dios canchu› nirmi.»

Isaías 45:18

Tayta Diosmi syëluta camäga. Paymi cay pachatapis camasha. Paymi sumaj tacyachisha. Payga camasha manami chunyaj cananpächu. Chaypa ruquenga camasha chaycho cawajcuna tiyananpämi. Llapan chaycunata camacächej Tayta Diosmi cayno nin: «Nogallami Tayta Diosga cä. Manami mas juc dios canchu.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Marcos 12:29

Chaura Jesús niran: «Caymi mas alli cäga: ‹Wiyacuy Israelcuna. Tayta Diosninchëga jucnayllami.

Marcos 12:33

Llapan shongunchïwan, yarpayninchïwan, callpanchïwan Tayta Diosta cuyashun. Runa-masinchïtapis cuyashun quiquinchi alli cawayta munashanchïno. Chaycunaga uywacunata rupachishanchïpitapis, cuyachicuyninchïta Diospaj goycushanchïpitapis mas allimi caycan.»

Deuteronomio 4:35

Chayno jorgushushayquita ricarmi musyanqui Tayta Dios japallan rasunpa Dios cashanta. Paypita mas juc diosga manami canchu.

Deuteronomio 4:39

«Chaymi cananga yarpänayquipaj umayquiman churacuy. Janaj pachacho, cay pachachöpis payllami Tayta Diosga. Mas juc diosga manami canchu.

Deuteronomio 5:7

« ‹Nogapita mas juctaga ama «diosnë» ninquichu.

Deuteronomio 6:4

«Sumaj wiyacuy Israelcuna. Tayta Diosninchëga jucnayllami.