Malaquías 2:10 - Tayta Diosninchi Isquirbichishan

¹⁰ ¿Manachu llapanchïpapis jucnaylla caycan taytanchëga? ¿Manachu llapanchïtapis camamashcanchi juc Dioslla? Chayno caycaptenga ¿imanirtaj jucninchi-jucninchïpis llullapänacunchi? Chayno rurarga manami cumliycanchïchu unay caj awilunchïcunawan Tayta Dios conträtu rurashanta.

Malaquías 2:10 ပူးပေါင်းရင်းမြစ်များ

Nehemías 13:29

¡Tayta Dios, ama gongaycuychu ari cüracunata juchata rurachishanta, cüracunawan Leví runacunawan alli parlacushayquita manacajman churashanta!

Job 31:15

Tayta Diosllami ruramashcanchi mamanchïpa pachancho. Payllami cawachisha uywaycunatapis, nogatapis.

Salmos 100:3

Paylla Tayta Dios cashanta musyay-llapa. Paymi ruramashcanchi. Noganchïpis paypami canchi. ¡Pay acrashanmi canchi, tajta pampancho uyshancuna caycajnöpis!

Éxodo 19:4

‹Gamcuna ricashcanquimi Egiptucunata imano castigashätapis. Musyanquimi caycashäman imano pushamushätapis. Wawancunata anca sumaj apashannömi Egiptupita apamushcä.

Éxodo 19:5

Chaymi gamcuna wiyacamaptiqui, conträtu rurashanchïta cumliptiquega canquipaj cuyashä runacuna. Waquin runacunata cuyashäpita masmi cuyashayqui. Intëru cay pachacho tiyaj runacunata noga camasha carpis gamcunatami mas cuyashayqui.

Éxodo 24:3

Moisés cutiycur llapan Israelcunata willaparan Tayta Dios imata nishantapis, laycunata willapashantapis. Chaura runacunaga llapan nipäcuran: «Tayta Dios nishancunataga llapantami cumlishäcuna» nir.

Éxodo 24:7

Chaypitaga conträtuta rurar isquirbishan libruta liguiparan llapan runacunata. Chaura runacunanami niran: «Tayta Dios nishancunataga llapantami wiyacushaj, cumlishaj» nir.

Isaías 43:1

Cananmi ichanga Jacobpita mirar aywaj Israelcuna, camashoj Tayta Diosniqui cayno nishunqui: «Ama manchacuychu. Nogami gamtaga salbashcä. Jutiquipami gayashcä. Nogapanami canqui.

Isaías 43:15

Nogami Santo Tayta Diosniqui cä. Nogami Israel nasyunta camacächishcä. Nogami rayniqui cä.

Isaías 43:7

Nogata rispitamaj cajtaga Noga rurashä cajtaga Nogata aduramaj cajtaga llapanta cutichimushaj.

Isaías 44:2

Nogami gamcunata ruraj Tayta Diosniqui caycä. Mamayquipa pachancho yurinayquipäpis nogami camacächirä. Nogami gamcunataga yanapaycä. Jesurún, Jacobpita miraj sirbimajnëcuna, acrashä runacuna ama manchacuychu.

Isaías 51:2

Masqui yarpäriy unay awiluyqui Abrahampaj. Yarpäriy gamcunata gueshpichishoj Sarapaj. Noga gayashä öra paycunaga wamraynajllami caran. Nogami bindisyunta gorä. Paypita mirajcuna aypalla cananpaj yanaparä.

Isaías 63:16

¡Gammi canqui nogacunapa papänë! Abraham «manami wamrächu canqui» nimaptinpis, Jacob nogacunata mana yarpämaptinpis Tayta Dios, gamllami canqui nogacunapa papänëga. Imaypis nogacunata yanapämäga gamllami canqui.

Isaías 64:7

Pipis manami canchu gamta adurashöga. Pipis manami yarpachacunchu gamman yäracamunanpäga. Chaypitami nogacunapitaga pacacuycushcanqui. Jucha rurashäcunapitami cachaycamashcanquipis.

Isaías 64:8

Imano casha captëpis Tayta Dios gammi canqui nogacunapa papänëga. Nogacunaga cä mitullapitami. Gamnami canqui manca ruraj. ¡Llapanëpis cä gam ruramashallayquimi!

Jeremías 31:9

Arpinticusha carmi wagaraycar cutimonga. Noganami shogashpä chuya yacu aywaycajman pushashaj. Pampa nänillanpami pushamushaj imamanpis mana tacacänanpaj. Nogami cä Israelpa taytan. Israelga guechpa wamrämi.»

Ezequiel 33:24

«Runa, Israelcho ragällan caycaj siudäcunacho tiyaycaj runacunaga caynömi nircaycan: ‹Abrahamga caran japallanmi. Chayno caycashpanpis casha juc nasyunpa duyñunmi. Noganchi aypallaj caycashpanchëga masrächari cay nasyun intërupa duyñun cashun› nir.

Malaquías 1:6

Munayniyoj Tayta Diosga cüracunapaj nin: «Wamracunaga papäninta rispitanmi. Uyway runacunapis mandajninta rispitanmi. Noga gamcunapa papäniqui caycaptëga ¿imanirtaj mana rispitamanquichu? Gamcunapa mandajniqui caycaptëga ¿imanirtaj mana rispitamanquichu? Gamcunaga manacajmanmi churaycämanqui. Chaypis ninquiraj: ‹¿Imanöpataj manacajman churaycä?› nir.

Malaquías 2:11

Judá runacunaga manami cumlinchu Tayta Dios nishanta. Jerusalenchöwan Israelchöga fiyupa melanaypajcunatami rurarcaycan. Judá runacunaga mana rasunpa caj diosta aduraj warmicunawan majachacashpanmi Tayta Dios cuyashan Templunta manacajman churasha.

Malaquías 2:8

«Ichanga gamcuna cüracunaga alli ruray cajta cachaycärishcanquimi. Mana allita yachachishayquiwanmi achcajta llutanpa aywacunanpaj cachaycushcanqui. Chayno rurashpayquimi gamcunaga manacajman churashcanqui Leví runacunawan conträtu rurashäta.

Mateo 10:21

«Noga-janan chiquirmi wauguintapis autoridäcunaman apachenga wañuchinanpaj. Waquinnami wamranta apachenga wañuchinanpaj. Waquinnami taytantapis apachengapaj wañuchinanpaj.

Mateo 22:16

Chaymi imata ninanpäpis sumaj yacharcachir fariseo runacuna cacharan disïpuluncunatawan ray Herodespa faburnin caj runacunata. Paycunami Jesusta cayno niran: «Maestru, nogacuna musyämi rasun cajllata rimashayquita. Gamga rasunpami yachachinqui Tayta Dios munashannölla. Manami runacuna gustashallantachu yachachinqui.

Mateo 3:9

Ama yarpaynachu-llapa Abrahampita miraj cashallayquipita Tayta Dios salbashunayquipaj cashantaga. Munarga Tayta Dios cay rumicunatapis Abrahampita mirajmanga ticrarachinmanmi.

Lucas 1:73

Conträtuta rurar aunishpanmi Abrahamta musyachiran

Lucas 3:8

Rasunpa jucha rurashayquipita arpinticushayqui musyacänanpaj allita rurallarna caway. Ama yarpaynachu-llapa Abraham famillya cashallayquipita Tayta Dios salbashunayquipaj cashantaga. Munarga Tayta Dios cay rumicunatapis Abrahampa famillyanmanga ticrarachinmanmi.

Juan 8:39

Chaura paycuna niran: «¡Nogacunaga cä Abrahampita mirajmi. Paymi nogacunapa taytäga!» Jesusnami niran: «Rasunpa Abrahampa wamrancuna cashpayquega pay rurashannömi gamcunapis ruranquiman.

Juan 8:41

Chaura gamcunaga ¿imanirtaj Abrahamno allita mana ruraycanquichu? Gamcunaga taytayqui rurashannömi ruraycanqui.» Chayno niptin paycuna niran: «Nogacunapa taytäga manami jucga canchu. Tayta Diosllami nogacunapa taytäga.»

Juan 8:53

¿Gamga Abrahampita mas munayniyojchu canqui? Paypis, profëtacunapis wañushami. Chaura gamga ¿pï cashayquitataj yarpanqui?»

Juan 8:56

Unay caj awiluyqui Abrahamga cayman shamunäpaj captin fiyupami cushicuran. Shaycämojta ricamarpis fiyupami cushicusha.»

Hechos 17:24

«Paymi camasha cay pachata, llapan ima-aycatapis. Paypa maquinchömi caycan syëlupis cay pachapis. Payga manami tiyanchu runacuna rurashan capillacho.

Hechos 17:25

Paymi cawananchïpaj jämaytapis gomanchi. Cawananchïpaj nistashanchïcunatapis camaripämanchi. Manami noganchïchu payta imatapis camaripänanchi. Chaypa ruquenga paymi llapantapis camaripämanchi.

Hechos 17:26

«Juc runallata rurashanpitami achca nasyuncunaman mirashcanchi. Paymi distinamashcanchi may nasyuncho tiyananchïpaj, imaycama juc nasyun cananpaj, nasyuncunapa lindancuna may-maypa cananpäpis.

Hechos 7:2

Estebanna niran: «Wiyamay taytacuna. Unay awilunchi Abraham manaraj Haranman aywacuptillanmi munayniyoj Tayta Diosga Mesopotamiacho yuriparan.

Hechos 7:26

Egipto runata wañuchishan warannin yapay cutir Israel-masincuna quiquin-puralla pillyaycajtana tariran. Paycunata raquir niran: ‹Chay castalla caycarga ¿imanirtaj pillyanqui?›

Romanos 4:1

Cananga yarpäshun Israelcunapa awilun Abrahampa willapanta.

Romanos 9:10

Manami chayllachu. Isaacpapis warmin Rebecacho wamrancuna millish yuriran.

1 Corintios 8:6

Noganchïpämi ichanga munayniyoj Tayta Diosninchi jucnaylla. Llapantapis payllami camasha. Noganchïpis payta sirbinallanchïpämi cawanchi. Jucnayllami Taytanchi Jesucristupis. Paymi llapantapis camasha. Noganchïtapis payllami ruramashcanchi.

Efesios 4:25

Chayno caycaptenga amana llullapänacuynachu. Llapaninchïpis jucnayllanöna caycarga rasun cajllatana rimashun.

Efesios 4:6

Jucnayllami Tayta Diosninchëga. Paymi llapanchïpa taytanchi. Payga llapanchïtami maquincho chararaycämanchi. Payga llapanchïtami munashanta ruraycächimanchi. Payga llapanchïwanmi caycan.

1 Tesalonicenses 4:6

Ollgupis jucpa warminwanga y warmipis jucpa runanwanga ama cacuchunchu. Chaynöga ermänu-masiquita ama engañaychu. Gamcunata willashcänami chayno goyajcunataga Tayta Dios mana cuyapaypa castïguman gaycunanpaj cashanta.

Hebreos 12:9

Noganchïtapis llutancunata rurashaga mamanchi taytanchi piñacurmi uywamashcanchi sumaj wiyacoj cananchïpaj. Chayno piñacaycämashapis jagayänanchïpa ruquenga wiyacushcanchïmi. Chayno caycaptenga ¿imanirtaj mana wiyacushwanchu ñaupanman apamänanchïpaj Tayta Diosninchi piñacaycämashaga?

Josué 24:3

Éufrates mayu cantunpitami Abrahamtaga pushacamurä. Nircur purichirä intëru Canaán nasyunpa. Nogami aypallaman mirananpaj camacächishcä. Canaanchömi Abrahampa wamran Isaac yuriran.