Malaquías 2:1 - Tayta Diosninchi Isquirbichishan

¹ Munayniyoj Tayta Diosga cüracunata mastapis nin: «Cananga cüracuna gamcunapämi cay willacuy:

Malaquías 2:1 ပူးပေါင်းရင်းမြစ်များ

Jeremías 13:13

Chaura gamna ninqui: ‹Tayta Diosmi nimasha cay nasyuncho tiyaj runacunataga llapanta machächinanpaj cashanta. Machächenga David jamarashancho jamaraj raycunata, cüracunata, profëtacunata, Jerusalencho tiyajcunatapis llapanta.

Lamentaciones 4:13

Chaynöga llapanpis casha profëtacuna juchata rurashanpitami, cüracuna fiyupa mana allita rurashanpitami. Paycunaga jinan siudächömi alli runacunata wañuchishpan yawarninta mashtaran.

Oseas 5:1

«Cüracuna, noga nishäta sumaj wiyacuy. Israelpa mandajnincuna, wiyashpayqui sumaj tantiyacuy. Raypa famillyan cajcunapis sumaj wiyacuy: Gamcunatami jusgashayquipäga. Gamcunaga Mizpacho cashcanqui tuninanpaj wascata churashanömi. Tabor puntachöpis cashcanqui redanömi.

Malaquías 1:14

Maldisyunädumi canga allinnin caj uywanta nogata goycamänanpaj aunircur gueshyaj uywallantana pishtapämäga. Nogaga cä munayniyoj Raymi. Llapan nasyun runacunapis manchacamanmi.»

Malaquías 1:6

Munayniyoj Tayta Diosga cüracunapaj nin: «Wamracunaga papäninta rispitanmi. Uyway runacunapis mandajninta rispitanmi. Noga gamcunapa papäniqui caycaptëga ¿imanirtaj mana rispitamanquichu? Gamcunapa mandajniqui caycaptëga ¿imanirtaj mana rispitamanquichu? Gamcunaga manacajmanmi churaycämanqui. Chaypis ninquiraj: ‹¿Imanöpataj manacajman churaycä?› nir.

Malaquías 2:2

Gamcuna noga nishäta mana ruraptiquega, llapan shonguyquipa mana rispitamaptiquega maldisyunädu canayquipämi camacächishaj. Gamcunaga manami llapan shonguyquipachu rispitarcaycämanqui. Chaypitami cüra cashpayqui bindisyunta chasquishayquitapis maldisyunman ticrachishaj.