Lucas 18:30 - Tayta Diosninchi Isquirbichishan

³⁰ chay runaga mas aypallatami cay caway-bïdacho chasquenga. Tayta Diosninchïpa ñaupanchönami para-simri cawayta tarenga.»

Lucas 18:30 ပူးပေါင်းရင်းမြစ်များ

Job 42:10

Amïguncunapaj mañacushanpitaraj Jobtaga Tayta Dios yapay yanaparan unay cashanno allicho goyänanpaj. Chaymi ima-aycatapis charächiran unay charashanpitaga juc chaynöpa mastaraj.

Salmos 119:103

Shimëchöga mil-abëjapa mishquinpitapis masmi mishquëman palabrayquega.

Salmos 119:111

Estatutuyquitami erensyatano chasquicushcä. Chaymi nogataga cushicachiman.

Salmos 119:127

Nogami ichanga allinnin goripitapis masraj mandamintuyquicunata cuyä.

Salmos 119:162

Aunimashayquiman yäracurmi cushisha caycä. Pamparaycaj guellayta tariycojnörämi cushisha caycä.

Salmos 119:72

Nogapäga waranganpa guellaypitapis goripitapis mas allimi gam yachachimashayquega.

Salmos 37:16

Aypallata chararpis fiyu runa cananchïpa ruquenga pobrilla carpis alli runa caymi mas alliga.

Mateo 12:32

Destinädu Runapa contran rimaptinpis Tayta Diosga perdunangami. Espíritu Santupa contran cajtami ichanga mana perdunangachu cay bïdacho ni juc bïdachöpis.

Mateo 4:24

Siria runacunapis parlaj «Jesusga allchacächinmi gueshyajcunata» nir. Chaymi payman apapämoj llapan gueshyaycajcunatapis, tucuy-niraj gueshyawan gueshyaycajcunatapis, dyablu ñacaycächishancunatapis, wañuy gueshyawan gueshyajcunatapis, mana cuyucuypa gueshyar jitaraycajcunatapis. Chay gueshyajcunata llapanta Jesús allchacächej.

1 Timoteo 4:8

Tayta Diosninchi munashanno goyayga mas allimi caycan fïsicata rurashanchïpitapis. Fïsica rurayga cay pachacho cawashanchïcamallami alli caycan. Tayta Diosninchi munashanno goyaymi ichanga cay pachacho y syëluchöpis alli cawananchïpaj caycan.

1 Timoteo 6:6

Alli goyayga manami rïcu caychörächu caycan. Chaypa ruquenga rïcu carpis, pobri carpis Tayta Diosninchi munashanno goyaymi mas alliga.

Apocalipsis 2:10

«Gamcunaga ñacayta ama manchacuychu. Satanasmi waquinniquitaga carsilman jatichishunquipaj mayapäshunayquipaj. Chunca junajmi ñacanquipaj. Wañuchishunayquipaj caycaptinpis Tayta Diosman yäracuyta mana cachaycuptiquega mana ushacaj cawaytami goshayquipaj.

Apocalipsis 2:17

«Wiyajcunaga Espíritu Santu yachachishanta sumaj tantiyacuchun. Imano ñacarpis imaycamapis yäracamajcunataga syëlucho churaraycaj manätami garashaj. Yuraj rumicho mushoj jutin isquirbiraycajtami goshäpis. Chay jutitaga yuraj rumita chasquejcunallami musyanga.

Apocalipsis 3:21

«Imano ñacarpis imaycamapis noga nishäta wiyacojcunataga churashaj nogawan iwal mandananpämi. Tayta Dios munashanno cawashäpitami nogatapis churamasha imaycamapis mandaj canäpaj.