Levítico 26:31 - Tayta Diosninchi Isquirbichishan

³¹ Siudäniquicunatapis ragällantami cachaycushaj. Capillayquicunatapis juchurachishaj. Nogapaj alli jömuy chayamunanpaj uywacunata rupachiptiquipis manami cushicushänachu.

Levítico 26:31 ပူးပေါင်းရင်းမြစ်များ

Génesis 8:21

Chayno rupachiptinmi Tayta Dios cajman jömuynin chayaran. Chaymi pay niran: «Runaga wamra cashanpita-pachami mana allita rurar goyan. Chaypis runapa juchanpitaga allpata manami ‹maldisyunädu cachun› nishächu. Cananpitaga llapan casta animalcunatapis manami ushacächishäpänachu canan rurashänöga.

2 Reyes 22:19

llaquicushayquita, caycho tiyajcunapaj, cay partipaj illgächisha cananpaj, mana allicho cananpaj niycashäta wiyar nogaman yäracamushayquita, röpayquita rachirishayquita ricashcämi. Ricaycaptë wagashayquitapis wiyashcämi.

2 Crónicas 36:19

Tayta Diospa Templuntapis rupaycärachiran. Jerusalenpa intëru cantunpa pergarajtapis juchurgärachiran. Palasyucunatapis rupaycärachiran. Imatapis mas alli cajtaga llapanta illgächiran.

Nehemías 1:3

Chaura paycuna willamaran: «Prësu apamunanpita quëdamojcunaga intëru probinsyacho fiyupa pengaypämi ñacarcaycan. Jerusalenpapis intëru curralninmi juchusha caycan. Puncuncunapis rupashami caycan» nir.

Nehemías 2:17

Chaypitaraj paycunata nirä: «Gamcunapis musyarcaycanquimi pasaypa mana allicho marcanchi caycashantaga. Jerusalenga caycan ragällanmi; puncuncunapis rupashami. Parlacunanchïpaj witimuy-llapa llapanchi Jerusalenpa curralnin juchusha caycajta yapay jatarachinapaj. Chauraga mananami pipis asipar jamurpämäshunnachu.»

Nehemías 2:3

Nircur rayta nirä: «¡Tayta rayga imaycamapis cawachun! Awilöcuna pamparaycashan siudä pasaypa ragällan, puncuncunapis nina rupasha caycaptenga ¿imanirtaj mana llaquicömanchu ari tayta?»

Isaías 1:7

Nasyunniquipis chunyajmi quëdasha. Siudäniquicunachöpis wararaylla ninallanami rataycan. Ricaparcaycaptiquimi murupacushayquitapis chiquishojcuna micucarcärin. Chiquejcuna illgächishannömi llapan chunyaj quëdasha.

Isaías 6:11

Chayno nimaptin tapurä: «Tayta, ¿imaycamaraj chaynöga canga?» nir. Paynami nimaran: «Chaynöga canga siudäcuna ushajpaj illgänancamami, chay siudächo runacuna jucnayllapis mana tiyanancamami, wasicunapis chunyaj canancamami, chacracunapis purunyänancamami,

Isaías 63:18

¡Acrashayqui runacunaga goycushayqui nasyuncho wallca watallami tiyasha! Cananga conträcunami Templuyquita pasaypa ganraycächin.

Isaías 64:9

Tayta Dios, ama fiyupaga rabyacurcuychu ari. Juchäcunatapis ama para-simriga yarparaychu ari. ¡Nogacunaga acrashayqui runacunami cä!

Isaías 66:3

Waquin runacunami ichanga aduramashpan töruta rupachinanpaj pishtan. Runa-masintapis wañuchin. Uyshata nogapaj pishtan. Allgutapis cuncanta milluypa wañuchin. Chaqui micuy ofrendancunatapis nogapaj churan. Nircorga cuchipa yawarnintapis churan. Aduramashpan insinsutapis rupachin. Nircorga ïdulucunatapis aduran. Chayno melanaypajcunata rurananpaj acrajcunaga chaycunata rurashpan fiyupa cushicun.

Jeremías 22:5

Canan willapashäcunata mana wiyacuptiquimi ichanga palasyuyquipis juchuchir-ushasha canga. Noga Tayta Diosmi chayno në.»

Jeremías 26:6

Noga camacächishaj Silo marcacho päsashanno Templutapis päsananpämi. Chaura cay siudäga cangapaj llapan ricacunanpämi. Chayrämi intëru nasyun runacuna musyanga noga castigashäta.› »

Jeremías 26:9

¿Imanirtaj gamga Diospa jutinchöraj rimaycunquipis: ‹Silo marcacho ruracashannömi cay Templupis ruracanga. Cay siudäpis juchuchicanga. Manami ima runapis tiyangachu› nir?» Chayno nirmi llapan runacuna Templu cajcho Jeremías caycashanman juntapaycäriran.

Jeremías 4:26

Ricäriptë micuy alli wayunan chacracunapis chunyajman ticrashami caycasha. Llapan siudäcunapis illgashanami casha. Chaynöga Tayta Diosmi fiyupa rabyacurcur ruraycusha casha.

Jeremías 4:27

Tayta Diosmi cayno nin: «Cay pachacho cajtaga llapantami illgächishaj. Ichanga manami ushajpäga illgächishärächu.

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Jeremías 44:2

Chaura Jeremiasnami Judá runacunata cayno niran: «Israelcunapa munayniyoj Tayta Diosninmi cayno nin: ‹Gamcunaga ricashcanquimi fiyupa castïguta Jerusalencho tiyaj runacunaman, chayno Judächo caycaj waquin siudäcunamanpis chayachishäta. Cananga chay siudäcuna caycan chunyaj, juchusha ragällanmi.

Jeremías 44:6

Chaynöpami nogaga fiyupa rabyacurcurä. Nina ratariycajnöraj usharirä Judächo caycaj siudäcunacho, Jerusalén cällicunachöpis. Chaymi canancamapis juchusha ragällan caycan.›

Jeremías 52:13

Chayaycur rupaycachiran Templuta, palasyuta, siudächo caycaj wasicunata, mas rispitädu runacunapa wasincunatapis.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Lamentaciones 1:10

Jerusalenpa ima-aycantapis chiquejcunami apacusha. Siudächo tiyajcunaga ricashami Diosta mana rispitajcuna callpaycur Templuman yaycojta. Tayta Dios, gamga chay runacunapaj nirayqui Templuyquiman mana yaycunanpämi.

Lamentaciones 2:6

Chucllata usharejnömi Tayta Diosga Templunta usharisha. Tayta Diosmi camacächisha fistacunata, säbadu jamay junajcunatapis Sioncho gongaycärinanpäna. Fiyupa rabyacurcushpanmi camacächisha raypis ni cürapis manana cananpaj.

Lamentaciones 2:7

Tayta Diosga Templunta manami ricaytapis munannachu. Altarnintapis manacajmannami churasha. Chiquejcunapa munayninmanmi cachaycusha siudäta curalaraj pergacunatapis. Nircur Tayta Diospa Templunchöga fistacho caycaj-jinaraj talluypa-tallur gaparpaycan.

Ezequiel 12:20

Llapan siudäniquicunami illgächisha canga. Chaura intërumi chaqui jircano ricacongapaj. Chayrämi gamcuna musyanquipaj noga Tayta Diosniqui cashäta› nir.»

Ezequiel 21:15

Chayno manchachiptinmi runacunapaga balurninpis mana canganachu. Chaymi aypallanpa wañuycachenga. Llapanpa wasincunamanmi wañuchicoj sablita churashcä. Chay sabliga achicyaycachänanpämi llushwachasha caycan. Wañuchinanpämi sumaj afilasha caycan.

Ezequiel 21:7

‹¿Imapitataj wagaycanqui?› nishuptiquega gam ninqui cay nasyunman mana alli chayamunanpaj cajta mayaycur wagaycashayquita. Ninqui, chay junäga llapan callpaynajno ricacunanpaj cashanta, pipapis manana balurnin cananpaj cashanta, manchariyllawan chaquincunapis sicsicyananpaj cashanta. Chayno cananpaj caj öraga chayaycämunnami. Manapis aycällatanami canga. Noga Tayta Diosmi chayno në.»

Ezequiel 24:21

Israelcunata cayno ninäpaj: ‹Caynömi Tayta Dios nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.

Ezequiel 6:6

Gamcuna tiyashayqui siudäcunaga maychöpis illgashami canga. Nogata aduramänayquipa ruquin juccunata aduranayquipaj rurashayqui capillacunapis juchuchishami canga. Altarniquicunapis pasaypami illganga. Ïduluyquicunapis paquir-ushashami goturpanga. Insinsuta saumachinayquipaj rurashayqui altarniquicunapis juchuchishami canga. Gamcuna rurashayquega llapanmi illganga.

Daniel 2:46

Willashanta wiyaycur ray Nabucodonosorga Danielpa ñaupanman gongurpacur umpuran urcun pampaman töpanancama. Nircur uywaynincunata niran ofrendacunata churapänanpaj, insinsuta goshtachipänanpaj.

Amós 7:9

Ïduluncunata adurananpaj rurashan capillancunatapis illgächishämi. Sablëta aptacurcurmi aywashaj Jeroboampa famillyancunata illgarachinäpaj.»

Miqueas 3:12

Gamcunapa juchayquipitami Sión lömaga quëdanga yapyashano. Jerusalén siudä quëdangapaj muntuy-muntuy rumicuna goturaycajlla. Templu caycashan jircachöpis mana alli jachacunallana juntasha canga.

Sofonías 3:6

Tayta Dios caynömi nin: «Nasyuncunatami illgächishcä. Ricchacuna törricunatapis juchurgärachishcämi. Siudäcunapa cällincunatapis pasaypa chunyajtami cachaycushcä. Chaypaga manami runapis päsannachu. Cacharisha siudänincunachöga manami ni jucnayllapis tiyannachu.

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Hechos 6:14

Estebanga nisha Tayta Diospa Templunta Nazaret runa Jesús juchuchinanpaj cashantami. Yachaycächin Moisés yachachishan custumricunata rucachinanpämi.»

Hebreos 10:26

Jesucristuman yäracuycashanpita apripösu juchata ruraptenga jampi manami cannachu. Ima ofrendata churaptinpis Tayta Dios manami perdunanganachu.