Levítico 25:19 - Tayta Diosninchi Isquirbichishan

¹⁹ Chacrapis allimi wayuchenga. Wayushancunatapis sacsaj micunquipaj. Chaura cushishami goyanquipaj.

Levítico 25:19 ပူးပေါင်းရင်းမြစ်များ

1 Reyes 5:5

Chaynöpami cananga yarpashcä Tayta Diosnëpa Templunta aruchiyta. Tayta Diosmi papänë Davidta niran: ‹Ruquiqui mandananpaj wamrayquita churashärämi Templötaga aruchipämanga› nir.

Salmos 67:6

Chacrachöga allimi micuycuna wayusha. ¡Tayta Diosninchïmi bindisyunta gomashcanchi!

Salmos 85:12

Quiquin Tayta Diosmi bindisyunninta cay pachaman churamonga. Chaura chacranchïcunachöga micuycuna allimi wayonga.

Proverbios 1:33

Willapashäta chasquicojcunami ichanga cushishalla goyanga. Imapitapis mana manchacuypa goyanga.»

Isaías 1:19

Llapan nishäta wiyacorga chacrayquicho micuy wayojtapis allinnin cajtami micunquicunapaj.

Isaías 30:23

Murushayqui micuyniquicuna alli wiñamunanpämi Tayta Diosga tamyachimongapaj. Chaura chacrapis rïguyquita allimi wayuchengapaj. Chay wichanga uywayquicuna micunanpäpis achcami guewa canga.

Ezequiel 36:30

Chayno camacächishaj frütacunapis alli wayunanpaj, chacracunachöpis micuy alli wayunanpaj. Chaura gamcunataga yargay manana captin juc-lä nasyun runacuna mananami pengayman churashunquipänachu.

Joel 2:24

Chaymi rïgupis alli wayonga. Asëtipis bïnupis aypallami canga.

Joel 2:26

Gamcunaga micusha upushami goyanquipaj. Chaymi noga Tayta Diosniquita alabamanquipaj. Chaynöga ruranquipaj fiyupa almiraypajcunata gamcunapaj rurashäpitami. Acrashä runacunaga mananami yapayga pengaycho cangapänachu.

Levítico 25:18

Laynëcunata cumlinqui. Willapashäcunata wiyacunqui. Chauraga nasyunniquicho allillami cawanqui.

Levítico 25:20

«Gamcuna capas yarpachacunqui ‹Mana murupacorga, mana micuyta shuntarga ¿imataraj micushun ganchis caj wata chayamuptin?› nir.

Levítico 26:4

tamyatapis tamyachimushaj timpunchömi. Chacrapis, lanta yöracunapis allimi wayonga.

Levítico 26:5

Rïguyquipis aypangapaj übas pogumunancamami. Übasnami aypangapaj murupacunayquicama. Sumaj micushami cawanquipaj. Nasyunniquichöpis allimi goyäcunquipaj.

Levítico 26:6

Tiyashayqui nasyunchöga jaucallami goyäcunquipaj. Mishquilla puñucunquipaj. Nogami chapäshayqui micucoj animalcunapita. Wañuchinacuypis manami cangachu.

Deuteronomio 12:10

Jordán mayuta chimpaycärirmi ichanga goycushushayqui nasyunchöna tiyanquipaj. Chaychörämi jamaycärinquipaj llapan contrayquicuna tumapäshunayquipita. Mananami imapitapis manchacunquipänachu.