Levítico 25:18 - Tayta Diosninchi Isquirbichishan

¹⁸ Laynëcunata cumlinqui. Willapashäcunata wiyacunqui. Chauraga nasyunniquicho allillami cawanqui.

Levítico 25:18 ပူးပေါင်းရင်းမြစ်များ

1 Reyes 5:5

Chaynöpami cananga yarpashcä Tayta Diosnëpa Templunta aruchiyta. Tayta Diosmi papänë Davidta niran: ‹Ruquiqui mandananpaj wamrayquita churashärämi Templötaga aruchipämanga› nir.

Salmos 103:18

Tayta Diosga allimi rican parlacushanta cumlejcunata, mandamintuncunata mana gongajcunata.

Salmos 4:8

Nogaga jaucami puñucöpis. Tayta Dios gamman yäracushpämi cushishallana cawä.

Proverbios 1:33

Willapashäta chasquicojcunami ichanga cushishalla goyanga. Imapitapis mana manchacuypa goyanga.»

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Jeremías 25:5

Profëtacunaga nishurayqui: ‹Ama ruraynachu mana allicunataga. Chay llutan ruraycunataga cachaycuyna ari. Chaura gamcunaga imaycamapis tiyanquipaj unay caj awiluyquicunatawan gamcunata Tayta Dios goycushushayqui partichömi.

Jeremías 33:16

Chay wichan Judá runacunaga allinami goyangapaj. Jerusalén runacunapis allillami goyanga. Chaymi jutintaga churapangapaj ‹Tayta Diosmi alliman churamajninchi› nir.

Ezequiel 33:29

Paycuna melanaypaj juchata rurashanpitami noga camacächishcä chay nasyun chunyaj ragällan ricacunanpaj. Chayrämi paycuna musyanga Noga Tayta Dios cashäta.›

Levítico 19:19

«Llapan laynëcunata sumaj wiyacuy. Uywayquicunata juc casta uywawanga ama jaruchinquichu. Chacrayquiman ama murunquichu tacuy murutaga. Röpatapis ama jaticunquichu tucuy casta jïluta tacurcachir awashataga.

Levítico 19:37

«Llapan willapashäcunata, laynëcunata wiyacuy-llapa. Chaycunataga llapanta cumliy. Noga Tayta Diosniquimi chayno në.»

Levítico 25:19

Chacrapis allimi wayuchenga. Wayushancunatapis sacsaj micunquipaj. Chaura cushishami goyanquipaj.

Deuteronomio 12:10

Jordán mayuta chimpaycärirmi ichanga goycushushayqui nasyunchöna tiyanquipaj. Chaychörämi jamaycärinquipaj llapan contrayquicuna tumapäshunayquipita. Mananami imapitapis manchacunquipänachu.

Deuteronomio 33:12

Benjamín trïbu runacunapämi niran: «Tayta Dios cuyashancunaga mana yarpachacuypami goyanga. Paymi imaycamapis chapanga. Maquillanchömi imaypis chararanga.»

Deuteronomio 33:28

Israelcunaga Tayta Diospa munaynincho carmi alli goyäconga. Mirar aywaj wamrancunapis allimi goyäconga. Chacrancunachöpis rïguwan übasga fiyupami wayonga. Paycuna tiyashanmanga tamyapis timpunchömi tamyanga.