Levítico 19:32 - Tayta Diosninchi Isquirbichishan

³² «Chachacunataga rispitanqui, saludanqui. Chayno rurarga nogatami rispitaycämanqui. Noga Tayta Diosniquimi chayno në.

Levítico 19:32 ပူးပေါင်းရင်းမြစ်များ

Génesis 31:35

Chaura Raquel niran: «Papä ama rabyacuychu gampa ñaupayquicho mana jataricuptë. Cananga quilla gueshyäwanmi gueshyaycä» nir. Ïduluncunata intërupa ashirpis Labanga mana tariranchu.

Génesis 48:12

Israelpa gongurnincuna chaupincho caycajta wamrancunata José witichiran. Nircur quiquenga umpuran urcunpis pampaman töpanancama.

1 Reyes 2:19

Chaypita Betsabëga aywaran Adoniaspaj ray Salomonta ruwaj. Chayaptin rayga mamanpa ñaupanman umpuran. Nircorga yapay jamacuycuran. Maman jamananpäpis «sillunta apamuy» niran. Apapämuptin raypa derëchu caj-lädunman jamacuran.

2 Reyes 17:36

Noga Tayta Diosnillayquita rispitar sirbir aduramanquega. Nogami fiyupa munaynëwan jorgamurä Egipto nasyunpita. Chaymi nogallata rispitamanqui, aduramanqui. Sacrifisyucunatapis nogallapaj pishtanqui.

Job 32:4

Elihüga caran paycunapita mas mösullaraj. Chaymi shuyaraycaran quimsanraj Jobwan parlayta ushananta.

Job 32:6

rimayta gallaycuran. «Ricamashayquinöpis, nogaga cä mösullarämi, gamcunami ichanga canqui mas auquinna. Chaymi yarpaycashäta rimaytapis mana camäpacushcächu.

Proverbios 16:31

Allillata rurajcunaga chachayänancamami cawan. Sogu caynenga corönanömi cushicachin.

Proverbios 20:29

Timpu callpallancho cashpan mösucunaga cushicunmi. Ajchan soguna captinmi auquincunatapis rispitan.

Proverbios 23:22

Taytayquita wiyacunqui. Mamayqui chacwanyaptin rispitanqui.

Isaías 3:5

Chaura runacunaga rimanacullarnami goyangapaj. Chaymi jucnin-jucnin amïgu carpis jucwan-jucwan chiquinaconga, pillyanga. Mösucunapis auquincunata mana rispitar chiquicarcärenga. Pobricunapis rïcucunata chiquicarcärenga.

Lamentaciones 5:12

Mandajnëcunataga maquipitami warcurcusha. Auquincunatapis manami rispitashanachu.

Levítico 19:14

Upacunataga ama ashllinquichu. Ni gapratapis ama tunichinquichu. Chayno rurarga nogata manami rispitamanquichu. Noga Tayta Diosniquimi chayno në.

Romanos 13:7

Chaymi impuestuta päganayquipaj captenga impuestuta pägay. Purätata shuntananpaj parlacuptenga chaytapis cumliy. Pitapis rispitaypaj cajtaga rispitay. Alli ricanayquipaj cajtaga alli ricay.

1 Timoteo 5:1

Mayurcunataga ama ollgöpaychu. Chaypa ruquenga taytayquitano rispitar alli shimillayquipa tantiyachiy. Mösucunatapis wauguiquitano alli shimillayquipa tantiyachiy.

1 Pedro 2:17

Llapan runacunata rispitay. Ermänucunatapis cuyay. Tayta Diosninchïta manchapacur caway. Nasyunta mandaj runatapis rispitay.