Levítico 13:59 - Tayta Diosninchi Isquirbichishan

⁵⁹ Chaynömi lay caran röpacho, millwacho, lïnucho, awacho garachapita cajcho mupalliypa lepra yuriptin imano rurananpäpis. Imanöpis cashanta ricaycurmi limyu cashanta ganra cashantapis cüra nej.

Levítico 13:59 ပူးပေါင်းရင်းမြစ်များ

Levítico 13:47

«Lïnu röpacho, millwa röpacho,

Levítico 13:48

lïnu awacho, uysha awacho, garachacho, garachapita rurashacho carpis

Levítico 13:58

Röpacho, awacho, garachapita rurashacunacho tagshariptin mupallishan illgaptenga yapay tagshanga. Chaypitaga limyunami canga.»

Levítico 14:1

Moisesta Tayta Dios niran:

Levítico 14:2

«Leprawan gueshyajcuna allchacashanpita limyuyänanpaj cayno ruranga: Leprapita allchacäga cüraman willacachenga.

Levítico 14:32

Chaynömi lay canga leprawan gueshyashanpita pobricuna allchacar limyuyänanpaj.

Levítico 14:57

Chay laycunata wiyacurmi imanöpis cashanpita limyu cashanta ganra cashantapis nej. Chaycunami leprapaj laycuna casha.

Levítico 15:31

«Chaynömi gamcunaga Israel-masiquicunata willapanqui mana ganra cananpaj. Ganra caycar Tincuna Toldöman aywaptenga Tincuna Toldupis ganrami ricacongapaj. Chayno ganra caycar chayman aywajcunaga wañunmanmi.»

Levítico 15:32

Chaynömi laycuna caycan chiullacunanpa yuraj yacu llojshiptin ganra cajcunapaj, lëchi llojshiptin ganra cajcunapaj.

Números 30:16

Chaynömi Moisesta Tayta Dios willaparan majayoj warmi imano cananpaj, papäninpa maquillanchöraj caycaj jipash imano cananpäpis.

Números 36:13

Moab pampacho Israel runacuna caycaptinmi Moisesta Tayta Dios niran chay laycunata tantiyachinanpaj. Moab pampaga caycan Jordán mayupa jucaj läduncho, Jericöpa chimpanchömi.

Números 5:29

«Runanta ganrachir juc runawan warmi cacur ganrayaptin, runan mayapar sëlarga chaynömi ruranga.