Levítico 11:44 - Tayta Diosninchi Isquirbichishan

⁴⁴ Garachaypa purej animalcunata yataypa ama ganra ricacuychu. Nogami cä gamcunapa Tayta Diosniqui. Nogaga santumi cä. Chaymi gamcunapis nishäcunata wiyacamar santo cay-llapa.

Levítico 11:44 ပူးပေါင်းရင်းမြစ်များ

Salmos 99:5

¡Tayta Diosninchïta alabay-llapa! ¡Paypa ñaupanman llapaniqui gongurpacuy! ¡Tayta Diosga santumi!

Salmos 99:9

¡Tayta Diosninchïta alabay-llapa! ¡Paypa rispitädu jirca puntancho gongurpacuy-llapa! ¡Tayta Diosga pasaypa santumi!

Éxodo 16:12

«Israelcunata wiyashcämi washäta rimarcaycajta. Paycunata willay cayno nir: ‹Tardipa aychata micunquipaj. Tutapana tantata micunquipaj sacsanayquicama.› Chaynöpami musyanquicuna noga gamcunapa Tayta Diosniqui cashäta.»

Éxodo 19:10

Chaymi Tayta Diosga niran: «Aywar runacunata willanqui canan y wara purificacunanpaj. Röpancunatapis tagshacuchun.

Éxodo 19:6

Gamcunataga churashayqui nasyunninpa cüräcunano canayquipämi, santo car nogallata sirbimänayquipämi.› Chayno nishäta willay Israel runacunata.»

Éxodo 20:2

«Nogaga cä Tayta Diosniquimi. Egiptucho uyway car ñacarcaycajtami noga jorgamushcä.

Éxodo 22:30

Chayno nogapämi canga wäcapa, uyshapa, cabrapa rimir caj wawancunapis. Yurishanpita ganchis junajyajllami chay mallwacunaga mamanwan canga. Warannin pusaj caj junäga nogapäna apamunqui.

Éxodo 22:31

«Gamcunaga canqui nogapaj acrasha runacunami. Chaymi ama micunquichu jirca animalcuna wañuchishan uywapa aychanta. Chay aychataga allgucunata garaycunqui.

Éxodo 23:25

«Nogallami Tayta Diosniquega cä. Chaymi nogallata rispitamashpayqui aduramanqui. Chayno cawaptiquega bindisyunta goshayquipaj micuypis, yacupis mana pishëshunayquipämi, ima gueshyapis mana charishunayquipämi.

Éxodo 6:7

Israelcunaga cangapaj noga acrashä runacunami. Nogami cashaj paycunapa Diosnin. Paycunanami musyangapaj Tayta Diosnin cashäta. Egiptucuna fiyupa ñacay aruycho caycächishanpita jorgurcurmi

Isaías 43:3

Nogami cä gamcunapa Tayta Diosniqui, salbashojniqui. Gam Israelcunapa Santo Diosniquimi caycä. Gamcunata jorgamunäpäga ruquiqui churashcä Egiptutami, Etiopiatami, Sabätami.

Isaías 51:15

Nogami cä Tayta Diosniquega. Nogapa jutëga munayniyoj Tayta Diosmi. Nogami lamar yacutapis cuyurachë. Chauraga pullchajyashpan fiyupami gaparan.

Levítico 10:3

Chaypita Moisesna Aaronta niran: «Chayno päsananpaj captinmi Tayta Diosninchi niran: « ‹Ñaupäman yaycamojtaga Nogami tantiyachishaj santo captë wiyacamänanpaj. Acrashä Israelcunatami tantiyachishaj munayniyoj cashäta.› » Chayno niptin Aaronga imatapis mana rimacuranchu.

Levítico 11:43

Garachaypa purej animalcunata mayganiquipis ama yataychu. Yatarga melanaypaj ganrami ricacunquipaj.

Levítico 18:2

«Israelcunata willapanqui: Nogami gamcunapa Tayta Diosniqui cä.

Levítico 19:10

Übastapis chacrapita ashircur-ashircorga ama pallacurinquichu. Shicwajcunatapis ama shuntanquinachu. Chaycunataga cachaycunqui pobricunapaj, lagacushojcunapämi. Noga Tayta Diosniquimi chayno në.

Levítico 19:2

«Israel-masiquicunata willapanqui: «Noga Tayta Diosniquega santumi cä. Chaymi gamcunapis nishäcunata wiyacamar santo cay-llapa.

Levítico 19:3

«Jucniqui-jucniquipis mamayqui taytayquita rispitanqui. «Säbadu jamay junajchöpis rispitamar jamanqui. Noga Tayta Diosniquimi chayno në.

Levítico 19:4

«Ama ïdulucunata aduranquichu. Ni jundiypa rurarcurpis ‹diosnë› nir ama aduranquichu. Noga Tayta Diosniquimi chayno në.

Levítico 20:26

Noga Tayta Diosniquega santumi cä. Chaymi gamcunapis santo cawanayqui. Achca nasyun runacunapitapis gamcunatami raquicushcä nogapa canayquipaj.

Levítico 20:7

«Nogami Tayta Diosniqui cä. Chayno caycaptenga mana juchata ruraypa santo caway-llapa.

Levítico 21:8

Paycuna santo cashanta tantiyacur Israel runacuna rispitachun. Chayno rispitanga noga Tayta Diosniquipaj apamushanta altarcho rupachej cashanpitami, noga Tayta Dios Santo cashäpitami, gamcunatapis santo cawanayquipaj churashäpitami.

Amós 3:3

¿Manaraj alli parlacusha carga ishcaj runacuna purinmanchuraj?

Números 15:40

Chaynöpami mandamintöcunata yarpanquipaj, cumlinquipaj. Noga Tayta Diosniqui acrashäna canquipäpis.

Mateo 5:48

«Chaura gamcunaga syëlucho caycaj Tayta Diosninchi alli cashanno gamcunapis allillata rurar caway-llapa.

Deuteronomio 14:2

Gamcunaga Tayta Dios acracushan runacunami caycanqui. Paymi llapan nasyun runacunapitapis gamcunata acrasha-cashunqui cuyaynin canayquipaj.

1 Tesalonicenses 4:7

Manami juchata rurar puricunanchïpächu Tayta Dios shuntamashcanchi, chaypa ruquenga pay munashanno cawananchïpämi.

Josué 24:19

Chayno niptin Josué niran: «Gamcunaga manami Tayta Diosta sirbiyta puydinquipächu. Payga santumi. Japallanta adurananchïtami munan. Payta mana wiyacur juchata ruraptiquega manami awantashunquipächu.

1 Pedro 2:9

Gamcunami ichanga canqui Tayta Dios acracushan, sirbej cürancuna, payllapaj raquicushan nasyun runacuna, quiquin Tayta Diospa marcan runacuna. Paymi jucha ruraypitaga chacaypita-japuy achicyajmanno jorgamashcanchi. Chaymi Tayta Diosninchi almiraypajcunata rurashanta willacunayquipaj carcaycanqui.

Apocalipsis 22:11

Chayno caycaptenga mana allita rurajcuna llutanta rurar cawacuycächun. Fiyu cajcunaga fiyu cacuycächun. Alli runacunaga allita rurar cawachun. Tayta Dios munashanno cawajcunaga Tayta Dios munashanno cawacuycächun.»

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!

1 Samuel 6:20

Chaymi Bet-semes runacuna niran: «Manami pipis awantanchu santo Tayta Diospa ñaupanchöga. ¿Caypitaga mayllamanraj apaycachishwanpis?»