Lamentaciones 5:8 - Tayta Diosninchi Isquirbichishan

⁸ Cananga uywaycunapa maquinchömi caycäcuna. Paycunapa munayninpita jorgamänanpaj manami pipis canchu.

Lamentaciones 5:8 ပူးပေါင်းရင်းမြစ်များ

Génesis 9:25

Chaymi Campa wamran Canaán y paypita mirajcuna maldisyunasha cananpaj niran: «¡Canaanga maldisyunädu cachun! Payga wauguincunapa uywayninmi canga.»

Nehemías 2:19

Chayta mayaycur Horonpita caj Sanbalat, Amonpita caj mandaj Tobías, Arabiapita caj Gesem nogacunata asipämar manacajman churamar nimaran: «¿Imata ruraytataj yarparcaycanqui? ¿Raypa contran jatariytachu gamcunaga yarpaycanqui?»

Nehemías 5:15

Ñaupa caj gobernadorcunami ichanga llapan runacunapäpis fiyupa gastulla caran. Paycunaga cada junaj cobraj chuscu chunca (40) guellayta micuypäwan bïnupaj. Chay mandajcunapa yanapajnincunana runacunata amatar ñacachej. Nogaga Tayta Diosta rispitar manami chaynöga ruraränachu.

Job 10:7

Noga juchaynaj cashätaga musyaycanquimi. Gampa munayniquipita salbamänanpäga manami pipis canchu.

Job 5:4

Chay runapa wamrancunata pipis manami yanapanchu. Autoridäcunapis alliga mana arriglanchu. Pipis manami faburnin ichircunchu.

Salmos 50:22

«Nogata mana yarpämajcuna, sumaj tantiyacuy. Illajpitami gamcunataga ichic-ichicllaman rurarishayqui. Chauraga manami pipis salbashunquipächu.

Salmos 7:2

Liyuncunanömi carcaycan. Capaschari rachir-usharamanmanpis. Gam mana salbamaptiqui jucga manami salbamangachu.

Proverbios 30:22

Uyway runa mandaj cayman chayan. Mana tantiyaj upa runapa micuynin mana pishinchu.

Isaías 43:13

Imaypitapis nogallami Diosga cä. Nogapa maquëpitaga manami pipis gueshpinchu. Noga ruraptëga manami pipis chapata ruranmanchu.»

Oseas 2:10

Cuyashancuna ricapaycaptinmi garapächullata cachaycushaj. Maquëpitaga manami pipis salbangachu.

Zacarías 11:6

Nogapis yapayga manami cuyapäshänachu cay nasyuncho tiyaj runacunata. Chaypa ruquenga raypa y runa-masincunapa maquinmanmi cachaycushäpaj. Chay runacunami nasyuntaga pasaypa ushacashata cachayconga. Paycunapa maquinpitaga manami pitapis salbashäpächu. Noga Tayta Diosmi chayno në.»

Deuteronomio 28:43

Nasyunniquicho tiyaj juc-lä nasyun runacunaga munayniyojmi ricaconga. Gamcunami ichanga waranllanta-waranllanta munayniynajna canquipaj.