Lamentaciones 5:5 - Tayta Diosninchi Isquirbichishan

⁵ Gaticacharcaycämanmi. Guepäta guepätami gatimar aywarcaycämun. Uticasha caycashpäcunapis jamaytaga manami tarëchu.

Lamentaciones 5:5 ပူးပေါင်းရင်းမြစ်များ

Jeremías 27:2

niran: «Läsutawan yüguta ruracuy. Nircur matancayquiman watacuy.

Jeremías 27:8

Babiloniapa raynin Nabucodonosorpa yügunta apayta mana munaj nasyuncunataga nogami castigashaj guërrawan, muchuywan, fiyu gueshyawan. Nabucodonosorpa maquincho llapan canancamami castigashaj. Noga Tayta Diosmi chayno në.

Jeremías 28:14

Nogaga llapan nasyun runacunapa matancanman fyërru yügutami churaparcushcä llapanpis Babiloniapa raynin Nabucodonosorpa maquincho cananpaj. Llapan chucaru animalcunapis paypa munaynillanchönami canga.» Israelcunapa munayniyoj Tayta Diosninmi chayno nisha.

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Lamentaciones 1:14

«Juchäcunaga yügunömi lasaycäman. Quiquin Tayta Diosmi watarcamasha. Callpäpis ushacaycannami. Tayta Diosga cachaycamasha ichipayta mana puydishä runacunapa munayninmanmi.

Lamentaciones 1:3

Judá runacunataga juc-lämanmi prësu apasha. Chaychönami sasa aruycunacho aruchir, fiyupa ñacarcaycächin. Ñaupata paycunaga llapanpa mandajninmi caran. Cananga mananami jamaytapis tarichinnachu. Gaticachajcunaga chariycurmi llaquicachir fiyupa ñacarcaycächin.

Lamentaciones 4:19

Nogacunata gaticachämajcunaga ancacunapitapis mas fiyupa aywajmi. Jircacunapami gaticacharcaycäman. Chunyaj chaqui jircachöpis shuyarpaycämanmi.

Miqueas 2:3

Chaypitami chay runacunataga Tayta Dios cayno nin: «Nogapis paycunata imano ruraytapis yarpaycänami. Disigrasyami paycunamanga chayangapaj. Chay ñacaypitaga manami gueshpengapächu. Chauraga manami alli-tucushpan purengapänachu. Chay wichanga cangapaj fiyupa llaquicuyllami.

Mateo 11:29

Nogapa yügöta matancacuy. Nogaga cuyapäcoj, umildimi cä. Nogami yachachishayqui. Chaynöpami alli jamayta tarichishayqui.

Hechos 15:10

Chayno caycaptenga Tayta Diosta ama apärishunchu. Mana Israelcuna Jesusman yäracojcunataga ama ‹Moisespa laynincunataraj cumliy› nir obligashunchu. Laycunataga unay castanchïcunapis, noganchïpis manami cumliyta camäpacushcanchïchu.

Deuteronomio 28:48

Contrayquicunata Tayta Dios cachamuptinmi gamcunaga uywaynöna paycunata sirbinquipaj. Llapan ima-aycayquicunapis ushacaptinmi pasaypa muchoj ricacunquipaj. Chaymi micunayquipäpis ni upunayquipäpis ni jaticunayquipäpis mana canganachu. Chayno ñacanquipaj ushacänayquiyajmi.