Lamentaciones 5:21 - Tayta Diosninchi Isquirbichishan

²¹ Tayta Dios camacaycachiy yapay gamman cutimunäcunapaj. Chauraga gammannami cutimur yäracamushaj. Tayta Dios, camacaycachiy ari unay goyashäcunanöna yapay goyänäpaj.

Lamentaciones 5:21 ပူးပေါင်းရင်းမြစ်များ

1 Reyes 18:37

¡Wiyamay ari Tayta Dios, wiyamay ari, cay runacuna gam Tayta Dios rasunpa Dios cashayquita musyananpaj, yapay gamman yäracamunanpaj!» nir.

Salmos 80:19

Munayniyoj Tayta Dios, ñaupatano alli goyänäcunapaj yanapaycamay. Alli ñawillayquiwan ricäramay ari salbasha canäcunapaj.

Salmos 80:3

Tayta Dios, ñaupatano alli goyänäcunapaj yanapaycamay. Alli ñawillayquiwan ricäramay ari salbasha canäcunapaj.

Salmos 80:7

Munayniyoj Tayta Dios, ñaupatano alli goyänäcunapaj yanapaycamay ari. Alli ñawillayquipa ricäramay ari salbasha canäcunapaj.

Salmos 85:4

Nogacunata Salbamaj Tayta Dios, yapaypis salbaycamay ari. Amana rabyaynachu ari nogacunapäga.

Isaías 60:20

Noga intino captëmi mana chacanganachu. Noga quillano captëmi mana chacanganachu. Noga Tayta Diosniquimi cashaj imaycamapis achquiqui. Llaquicuyga yapay manami canganachu.

Jeremías 30:20

Israelcunaga unay cashannönami goyanga. Juc marcanöllanami nogapa ñaupächo tiyanga. Paycunata ñacachej cajtaga castigashämi.

Jeremías 31:18

Wiyashcämi acrashä runacuna llaquicur parlajta. Paycunaga nisha: ‹Nogacunaga goyäcurä manaraj aroj törunömi. Chayno caycajtami gam castigamashpayqui manshuyächimashcanqui. Yapay shuntacamay ari. Gammi canqui nogacunapa Tayta Diosnëga.

Jeremías 31:4

Cuyashä Israelcuna, yapaynami jatarachishayquipaj. Chauraga yapaymi panderëtacunawan shamunquipaj cushisha dansaraycar aduramänayquipaj.

Jeremías 33:10

Tayta Dios nin: «Gamcunaga nircaycanqui: ‹Cay partiga chunyajllanami caycan. Runapis, uywapis mananami cannachu› nir. Ichanga Judächo, siudänincunacho, Jerusalenpa cällincunacho canan chunyaj captinpis chaychöga wiyanquipämi

Jeremías 33:13

Achca puntayoj siudäcunacho, pampa siudäcunachöpis, chayno intëru Neguevpa siudänincunacho, Benjamín runacuna tiyashancho, Jerusalenpa ñaupancunacho, intëru Judá nasyuncho tiyajcunatapis yapaymi ricanquicunapaj uyshancunata yuparcaycajta. Noga Tayta Diosmi chayno në.»

Ezequiel 36:37

«Noga Tayta Dios në: Mas juctapis rurashärämi. Imata ruranäpäpis Israelcuna mañacamashanta camacächishämi. Chay particho tiyaj runacunataga uyshano mirananpämi camacächishaj.

Habacuc 3:2

Tayta Dios, intërupa rejsisha cashayquitami musyashcä. Tayta Dios, imata imano rurashayquitapis wiyarmi fiyupa almirä. Unaycuna rurashayquino ruray ari canan nogacuna caycashä wichanpis. Chaynöpanami nogacunapis rurashayquita musyashaj. Rabyashpayquipis cuyapäcoj cashayquita yarpaycuy ari.

Malaquías 3:4

Chayrämi Tayta Diosga cushiconga Judá runacuna, Jerusalén runacuna ofrendanta goycuptin unaycuna cushicushanno.