Lamentaciones 5:2 - Tayta Diosninchi Isquirbichishan

² Erensyäcunapis juc-lä nasyun runacunapa munaynillanchönami caycan. Wasëcunapis jäpa runacunapa munayninchönami.

Lamentaciones 5:2 ပူးပေါင်းရင်းမြစ်များ

Salmos 109:11

Ristajcuna ima-aycantapis guechurcur apacuchun. Jäpa runacunana guechur apacuchun ñacar arushancunatapis.

Isaías 1:7

Nasyunniquipis chunyajmi quëdasha. Siudäniquicunachöpis wararaylla ninallanami rataycan. Ricaparcaycaptiquimi murupacushayquitapis chiquishojcuna micucarcärin. Chiquejcuna illgächishannömi llapan chunyaj quëdasha.

Isaías 5:17

Llapan siudäcunami juchusha quëdanga. Chay siudäcuna cashanchönami uyshacunata cabracunata michiconga.

Isaías 63:18

¡Acrashayqui runacunaga goycushayqui nasyuncho wallca watallami tiyasha! Cananga conträcunami Templuyquita pasaypa ganraycächin.

Jeremías 17:4

Partisyun goycushä nasyuntapis cachaycärinquipämi. Quiquiquicunapis mana rejsishayqui nasyunchömi contrayquicunapa uywaynin canquipaj. Nogaga fiyupami gamcunapaj rabyasha caycä. Chaymi nina fiyupa ratarir mana upejno ushajpaj usharishayquipaj.»

Jeremías 6:12

Chacrancunapis, wasincunapis, warmincunapis jucpanami cangapaj. Cay nasyuncho tiyaj runacunataga nogami castigashaj. Noga Tayta Diosmi chayno në.

Ezequiel 7:21

Chaymi noga camacächishaj juc-lä jäpa runacuna aywaycur suwapänanpaj, fiyu runacuna aywaycushpan guechunanpaj. Chay runacunaga chay adurnucunata pasaypami ganrachenga.

Ezequiel 7:24

Nogami camacächishaj fiyu runacuna chayaycamur siudächo tiyajcunapa wasincunata guechurgärinanpaj. Chaynöpami munayniyoj Israelcunapis manana alli-tuconganachu. Nogami camacächishaj rispitädu capillancunapis manacajman churasha cananpaj.

Oseas 8:7

«Paycunaga wayratami murusha, löcu wayratana shuntangapis. Rïguncuna manami wayonganachu. Mana wayuptin jarinapis manami canganachu. Ichiclla cajllantapis juc-lä jäpa runacunami micucarcärenga.

Oseas 8:8

Israelga ushacaypanami aywaycan. Juc-lä nasyun runacunaga manacajtanöllanami rican,

Sofonías 1:13

Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»