Lamentaciones 4:20 - Tayta Diosninchi Isquirbichishan

²⁰ Tayta Dios acrashan raytapis prësumi charisha. Paymi noganchïtaga cawaycächimaranchi. Chay raypämi nogacuna nej cä: «Paypa munayninchömi tiyashun nasyuncunapa chaupincho» nir.

Lamentaciones 4:20 ပူးပေါင်းရင်းမြစ်များ

Génesis 2:7

Chaypitana Tayta Diosga runata ruraran allpapita. Nircur senganpa pücaran cawayta gallaycunanpaj. Chaura runa cawaytana gallaycuran.

Génesis 44:30

«Papänëga shullca caj wamranwan goyallarnami cawaycanpis. Canan nogacunawan wamran mana cutiptin

2 Samuel 1:14

Davidga sinchipa niran: «Gamga ¿imanirtaj wañuchishcanqui Tayta Dios acrashan rayta?»

2 Samuel 1:21

«¡Gilboa jirca, cananpitaga amana gamman imaypis tamyamuchunnachu! ¡Ni shullaypis yurichunchu! Gamga canqui wañushacuna jitaränan pampami. Chaychömi pillyay yachajcuna charashan escüdunpis lluchcar-ushasha casha. Chaychömi Saulpa chapacuna escüdunpis asëtin pishiptin mana chillapyashanachu.

2 Samuel 18:3

Chaura paycuna niran: «Ama tayta. Nogacuna gueshpiptëpis, pullannë wañuptëpis manami imapis gocongachu chiquimajninchïtaga. Paycunapäga gam caycanqui chunca waranga (10,000) suldärucunanömi. Chaymi mas alli canga cay siudällacho quëdacuptiqui, nogacunata yanapämänanpaj mas runacunata cachamunayquipaj.»

2 Samuel 19:21

Chaura Sarviapa wamran Abisaiga niran: «Simeiga wañunanmi camacan. Payga Tayta Dios acrashan raytami ashlliran, sajmaran.»

2 Crónicas 35:25

Josías wañuptin Jeremías juc cantanata yarpayninpita jorguran wañushanpita cantananpaj. Chayta wañojcunapaj cantarmi warmipis ollgupis cantajcunaga canancamapis yarpan Josías wañushanta. Chay cantanataga Israelcunacho juc custumrimanmi churasha. Chay cantanaga isquirbiraycan llaquicur cantanan cantanacuna isquirbiraycashanchömi.

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Jeremías 39:5

Ichanga Babilonia suldärucuna gatir aywashpan Jericó pampacho tariparan. Chaycho prësu chariycur ray Nabucodonosor cajman aparan. Nabucodonosorga caycaran Hamatcho caycaj Ribla marcacho. Chayachiptin Nabucodonosorna jusgaran.

Jeremías 52:8

Babilonia suldärucunaga Sedequiasta gatir aywar Jericó pampacho tariparan. Chaura Sedequiaspa suldäruncunaga japallantana cachaycur mashtaypa-mashtar gueshpir aywacuran.

Jeremías 52:9

Babilonia suldärucunaga rayta prësu charircur Babiloniapa rayninman aparan. Nabucodonosornami caycaran Hamat parti Ribla marcacho. Chaura rayga Sedequiasta imano rurananpäpis niran.

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Ezequiel 12:13

Noganami lasyaypa charishaj. Nircurmi Babilonia nasyunman prësu apashaj. Ichanga chay nasyunta manami ricangapächu. Chay nasyunllachönami wañongapis.

Ezequiel 17:18

Judäpa raynenga parlacushanta cumlinanpaj aunircurpis mana cumlirmi manacajman churasha. Chayno rurashanpitami payga wañonga.

Ezequiel 31:17

Chay jatuncaray sedrunöllami paycunapis wañushacuna chayananman chayasha. Chaychönami tincusha pillyacho wañojcunawan, chay sedrupa llantuynincho tiyajcunawan.

Daniel 4:12

Chay yörapaga öjancunapis cuyayllapämi casha. Wayuynincunapis aypallami caycasha. Wayuycasha aypallata llapan micunanpaj aypajpänömi. Llapan jirca animalcunami llantucuycasha. Pärej äbicunapis rämancunacho gueshwancunata ruraycasha. Cay pachacho cawaj cajtaga llapantami chay yöralla cawaycächisha.

Oseas 13:10

Cananga ¿maytaj chay llapan siudäniquicho salbashoj rayniqui? ¿Maychötaj caycan mandajniquicuna: ‹rayta, mandajcunata churapämay› nishayquicuna?

Jueces 9:15

«Chayshi shiraga niran: ‹Rasunpa rayniqui canäta munarga rurëcho tiyay. Rayniqui canäta mana munaptiquega llanulla caycaptëpis nogapita nina ratarirmi Libanucho jatusaj sedrucunatapis rupacurconga.›

1 Samuel 12:3

Cananga ñaupayquichömi caycä. Pipa wäcanta, bürrunta guechusha captë; maygayquitapis ollgöparcur-ollgöparcur aruchicur ñacachisha u magasha captë; saynita gomaptinpis chasquisha captëga cäramay-llapa Tayta Diospa ñaupancho, pay acrashan raypa ñaupancho. Pipapis jagan car-imarga pägashämi.»

1 Samuel 12:5

Chaura Samuel niran: «Cananga Tayta Diospis, acrashan raypis musyanmi ima juchäpis mana cashanta.» Runacunana «Au rasunpami» niran.

1 Samuel 16:6

Paycuna chayaptin Samuelga Eliabta ricaran. Chaymi yarparan «Paytami Tayta Diosga acrasha canga ray cananpaj» nir.

1 Samuel 24:10

Cananga musyashcanquimi rasunpa gamta mana chiquishäta. Rasunpa chiquerga machayllachönachari wañurachëman caran. Tayta Diospis japallayquitami ñaupäman chayachimusha-cashunqui. Ichanga nishcä ‹Payga ray cayman chayasha Tayta Dios acrasha captinmi›.

1 Samuel 24:6

Chaymi yan'guincunata niran: «¡Tayta Dios ama camacaycachichunchu rayta wañuchinätaga! Payga ray caycan Tayta Dios acrasha captinmi.»

1 Samuel 26:16

Canan rurashayquega manami allichu. Tayta Dios churashan rayta manami täpashcanquichu. Gamcunaga wañunayquimi camacan. Masqui ashiriy raypa lansantawan jawananman churashan yacu purichicunanta. Mä tarinquichush.»

1 Samuel 26:9

Niptin David niran: «Ama wañuchiychu. Tayta Dios acrashan rayta wañuchiyta munajtaga Tayta Dios castigangami.