Lamentaciones 4:19 - Tayta Diosninchi Isquirbichishan

¹⁹ Nogacunata gaticachämajcunaga ancacunapitapis mas fiyupa aywajmi. Jircacunapami gaticacharcaycäman. Chunyaj chaqui jircachöpis shuyarpaycämanmi.

Lamentaciones 4:19 ပူးပေါင်းရင်းမြစ်များ

Jeremías 16:16

«Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

Jeremías 4:13

«Chaura Israelcuna nengapaj: ‹Masqui ricäriy. Contranchïcunaga pucutaynömi aywarcaycämun. Pillyapaj carrëtancunapis löcu wayranörämi. Cawalluncunapis ancapita masrämi cörriycämun. ¡Cananchi cananllaga! ¡Manami imanöpa gueshpiytapis camäpacunchïnachu!› nir.

Lamentaciones 1:13

«Paymi janajpita-pacha ninata cachamusha tullöcama ruparamänanpaj. Purinäman chapata churapämasha. Chaymi guepaman cutichimasha. Japallätami cachaycamasha. Cananga ñacayllachömi caycä.

Oseas 8:1

«¡Ricachacoj, trompëtata tucay! Acrashä runacuna cajmanmi juc anca aywaycämun. Aywaycämun acrashä runacuna conträtuta rurar parlashäta mana cumlishanpitami, yachachishäcunata mana wiyacushanpitami.

Oseas 8:3

Ichanga Israelcuna manami munashachu alli cajta. Chaypitami chiquinacushancunaga gaticachanga.

Levítico 26:36

«Contrayquicunapa nasyunnincho cawaycar quëdajcunataga fiyupami mancharachishaj. Chaymi jachapa öjan shicwaptillanpis gueshpinquipaj ‹sabliwan gaticachaycäman› nir. Pipis mana gaticachaycäshuptillayquimi gueshpir quiquillayqui tuninquipaj.

Amós 2:14

May-jina cörrishpayquicunapis manami gueshpinquipächu. Fiyupa callpayoj captiquipis manami callpayqui canganachu. Ni jinyunnin cajpis manami salbacongapänachu.

Habacuc 1:8

Tinricunapitapis masrämi cawalluncunapis cörriycärin. Fiyu cayninpis löbu animalcunapita masrämi. Suldäruncunapis cawalluta muntacarcärerga wayranörämi aywaycärin. Pillyamanga carupitami yagacaycärin anca carupita chipsaman aywajnöraj.

Deuteronomio 28:49

Tayta Diosmi cachamongapaj juc-lä nasyun runacunata. Ancanöpis illajpitami chayamongapaj. Rimaynintapis manami tantiyanquipächu.