Lamentaciones 4:16 - Tayta Diosninchi Isquirbichishan

¹⁶ Tayta Dios rabyacurcushpanmi wacpa caypa mashtacächisha. Nircur mananami imaypis ricärishanachu. Chaymi runacunaga cüracunata mana rispitashanachu. Auquincunatapis manami cuyapashanachu.

Lamentaciones 4:16 ပူးပေါင်းရင်းမြစ်များ

Génesis 49:7

Nogaga melanäcömi gamcuna rabyar rurashayquita. Chaypitami gamcunataga mashtaypa-mashtarishayqui. Chaura intëru Israel nasyunchömi tallucasha caycangapaj.

2 Crónicas 36:17

Chaynöpami Tayta Diosga camacächiran Caldea nasyunpa raynin aywaycur Judá runacunata wañuchinanpaj. Chay runacunaga cuchuypa llapanta wañuchiran jinan Templucho. Manami cuyaparanchu mösucunata, jipashcunata, auquincunata, gueshyajcunatapis. Llapantami Tayta Diosga cachaycuran Caldea runacuna wañuchinanpaj.

Salmos 106:27

Juraran paycunapita mirajcunapis wañunanpaj, juc-lä nasyuncunaman gargurinanpäpis.

Salmos 106:44

Chayno captinpis llaquicuycajta ricar, gaparpaycajta wiyar

Isaías 24:2

Chay junäga iwalmi päsanga cüratapis, pampa runacunatapis, patruntapis, ollgu uywaytapis, patrönatapis, warmi uywaytapis, rantejtapis, ranticojtapis, ristajtapis, ristacojtapis, rïcutapis, pobritapis.

Isaías 47:6

Acrashä runacunapämi rabyacurcurä. Chaymi cuyashä nasyun runacunataga pengayman churarä. Chaynöpami gam Babiloniapa maquiquiman cachaycurä. Chaura paycunataga manami cuyapashcanquichu. Auquincunatapis fiyupa lasaj yüguta matancapajnömi ñacachishcanqui.

Jeremías 15:4

Chayno paycunata rurashäta mayar llapan nasyun runacunami fiyupa mancharenga. Chaytaga rurashaj Ezequiaspa wamran Judäpa raynin Manasés imanöpis Jerusalencho rurashanpitami.

Jeremías 24:9

Paycunata castigaptë cay pachacho caj llapan nasyun runacunami mancharenga. Garguptë canga willapapämi, pï-maypitapis asipashami. May-chaychöpis maldisyunädumi goyanga.

Jeremías 52:24

Comandantiga prësu chariran mandaj cüra Seraiasta, guepanman cüra Sofoniasta, Templu puncuta täpajcunatapis quimsajta.

Lamentaciones 2:20

Jerusalennami nin: «Tayta Dios, masqui ricay nogacunata imano päsaycämashantapis. Chuchuycashan wamrancunatami warmicuna micucarcärin. Cüracunatawan profëtacunatapis Templuchömi wañuchin. ¿Pillataga chayno rurashcanquichuraj?

Lamentaciones 2:6

Chucllata usharejnömi Tayta Diosga Templunta usharisha. Tayta Diosmi camacächisha fistacunata, säbadu jamay junajcunatapis Sioncho gongaycärinanpäna. Fiyupa rabyacurcushpanmi camacächisha raypis ni cürapis manana cananpaj.

Lamentaciones 5:12

Mandajnëcunataga maquipitami warcurcusha. Auquincunatapis manami rispitashanachu.

Ezequiel 5:10

Chaymi taytancuna wamrancunata micucurcongapaj; wamrancunapis taytancunata micucurcongapaj. Chaynömi gamcunataga castigashayqui. Waquinniqui cawaycar quëdaj cajtanami intëruman mashtarishayqui.

Deuteronomio 28:25

Contrayquicunapis shamur pasaypami ushacächishunquipaj. Paycunawan pillyanayquipaj fïlayllanpa aywarpis mashtaypa mashtarna gueshpinquipaj. Chayta mayaycur llapan nasyun runacunami cushipäshunquipaj.

Deuteronomio 32:26

« ‹Nogaga yarparä pipis mana yarpänanpaj intërupa garguriytami.

Hebreos 8:9

Chay conträtoga manami canganachu unay caj awiluncunawan rurashänöga. Chay conträtutaga rurarä Egipto nasyuncho carcaycajta maquinpita janchacurcur jorgamushpämi. Awiluncunaga nogapa caycashpanpis chay conträtu rurashäta manami cumliranchu. Chaymi nogaga paycunata mana cäsupashcänachu.