Lamentaciones 4:11 - Tayta Diosninchi Isquirbichishan

¹¹ Tayta Diosga fiyupa rabyasha caycashantami pascacächisha. Fiyupa rabyasha cashpanmi castigasha. Siontaga ninata sindipaycuran. Chauraga simintuntinta rupar ushacurcuran.

Lamentaciones 4:11 ပူးပေါင်းရင်းမြစ်များ

Isaías 51:20

Toglla chariptin animal ricacushannömi wamrayquicunaga ricacusha. May cälli isquïnachöpis jitarpaycan. Chaynöga carcaycan Tayta Dios rabyawan castigashushayquicunapitami.

Jeremías 13:14

Nircurmi urputa paquejnöpis jucninta-jucninta tacanacachenga. Chaura paycuna illganga urpu paquir ushacashannömi. Chaynömi ruranga llapan runacunata papänincunatapis wamrancunatapis. Manami pitapis cuyapangachu. Pitapis mana cuyapashpanmi illgächenga› nir. Noga Tayta Diosmi chayno në.»

Jeremías 17:27

Noga nishäta gamcuna mana wiyacushpayqui säbadu jamay junaj mana jamaptiqui, Jerusalenpa puncuncunapa ima guepitapis mana yaycuchinanpaj nishätapis mana wiyacuptiqui ichanga siudäpa puncuncunaman ninata sindipaycushaj. Chaymi Jerusalencho caycaj palasyucunata rupar ushacurcongapaj. Chaytaga manami pipis upichengapächu.› »

Jeremías 21:14

Chaymi imatapis rurashayquimanno castigashayqui. Ima-aycayquitapis rupaycachishämi. Llapantami ninaga rupacurcongapaj. Noga Tayta Diosmi chayno në.»

Jeremías 36:7

Chauraga capaschari arpinticushpan ruwacur Tayta Diosta mañaconga. Mana allitaga manana ruranganachu. Tayta Dios fiyupa rabyawan castigananpaj nishanga fiyupa manchariypämi caycan.»

Jeremías 7:20

Chaymi fiyupa rabyasha caycashä päsananpaj caycho tiyarcaycaj runacunata castigaj-aywä. Castïgu chayanga llapan uywancunaman, llapan yöracunaman, llapan micuynincunamanpis. Chaynöpami rabyashäga cangapaj nina ratarir mana upejno.»

Lamentaciones 2:1

Tayta Diosga fiyupami rabyacurcusha casha. Chaymi cuyayllapaj Siontapis yanamaypa chapacurcuran. Syëlupitami illgarachimusha Israelcho mas cuyayllapaj caj siudätaga. Rabyasha caycashan öraga manami yarpärishachu chaquin lluchcaränan Templutapis.

Lamentaciones 2:17

Tayta Diosga yarpashancunata llapantami camacächisha. Imano canayquipäpis nishantaga cumlishami. Mana cuyapaypami illgächishurayqui ñaupatana yarpashanno. Chiquishojcuna asipäshunayquipämi camacächisha. Contrayquicuna fiyupa munayniyoj cananpämi camacächisha.

Lamentaciones 2:3

Fiyupa rabyacurcorga Israel munayniyoj caycajta juc maquillachömi illgarachisha. Chiquimajninchïwan pillyaycashapis payga mananami yanapämashcanchïchu. Israelchöga ninatami ratarcachisha. Chay ninami tarishan cajta llapanta rupar ushaycan.

Lamentaciones 2:4

Tayta Diosga chiquimajninchïnöpis callpaycurmi lëchata chutasha jitananpaj. Cuyayllapaj alli cajcunataga contranchïnömi ushajpaj illgarachisha. Rabyashanga casha ninanömi. Chayno rabyarmi usharamashcanchi.

Lamentaciones 2:8

Quiquin Tayta Diosmi camacächisha cuyayllapaj Sión siudäta curalaraycaj pergan juchuchisha cananpäpis. Paymi camacächisha imano illgächinanpäpis. Mana cuyapaypami ushajpaj illgächisha. Pergancunata paymi juchuchisha. Cananga muntuy-muntuyllanami goturpaycan.

Lamentaciones 4:22

Sión, castïguyqui cumplishanami. Tayta Diosga mananami imaypis jitarishunquipänachu. Edom runacuna, gamcunatami ichanga mana allita rurashayquipita castigashunquipaj. Nircur juchayquicunata pï-maytapis musyachengami.

Ezequiel 22:31

Chaynöpami rabyasha caycashäta paycunacho päsachishcä. Nircorga usharishcä rabyashä ninanöraj caycajwan. Paycuna jucta imanöpis rurashanpita quiquincunaman ticrachishcä. Noga Tayta Diosmi chayno në.»

Ezequiel 36:18

Chaymi runacunata wañuchishanpita, ïdulucunata adurar chay nasyunta ganrachishanpita rabyawan paycunata castigarä.

Ezequiel 6:12

Carucho caycajcunaga gueshyawanmi wañonga. Sercacho caycajcunaga guërrachömi wañonga. Cawaycar quëdajcunaga yargaypitami wañonga. Chayno ruraycuptërämi paycunapaj rabyasha caycashä päsanga.

Daniel 9:12

Castigamänayquipaj nishayquinömi rasunpa castigamashcanqui nogacunata, mandajnëcunatapis. Manami imaypis cay pachamanga castïgu chayamushachu canan Jerusalenta castigashayquinöga.

Levítico 26:28

nogapis contrayquimi cashaj. Rabyashpämi juchayquicunapita ganchis cuti mas fiyuparaj castigashayqui.

Sofonías 2:2

Shuntacay juc junaj illgänanpaj caycaj päjatano manaräpis jitarishuptiqui, Tayta Dios rabyashan gamcunaman ninano manaraj chayamuptin, Tayta Diospa fiyupa castïgun manaraj chayamuptin.

Zacarías 1:6

Ichanga imano cananpäpis sirbimaj profëtäcunawan willacachishäga ¿manachu cumlicasha unay castayquicunacho? Chaymi paycunaga arpinticur nogaman yapay cutimushpan niran: «Imano ruramänanchïpäpis nishannömi rurashanchïman-tupu, imanöpis goyashanchïman-tupu castigamashcanchi» nishpan.› »

Lucas 21:22

Chay wichanga fiyupami castïgu canga. Chayno ruraptinmi Tayta Dios isquirbichishan llapan cumlenga.