Lamentaciones 3:61 - Tayta Diosninchi Isquirbichishan

⁶¹ Tayta Dios, masqui wiyaycuy conträ imano rimarcaycashantapis, imata ruramänanpaj yarpaycashantapis.

Lamentaciones 3:61 ပူးပေါင်းရင်းမြစ်များ

Salmos 74:18

Tayta Dios, ama gongaychu chiquishojcuna gayapäshushayquita, mana tantiyajcuna contrayqui parlacushanta.

Salmos 89:50

Tayta Dios, wiyaycuy ari. Sirbishojcunataga achcaj runami asiparcaycan. Imano gayapashancunatapis shongullächömi yarparaycä.

Jeremías 18:23

Tayta Dios, gamga musyaycanquimi paycuna wañuchimänanpaj parlacushanta. Chayno fiyu cashanpita, juchata rurashancunapitaga ama perdunaychu ari. Fiyupa rabyasha castigaycuy ari. Chaynöpa paycunaga mana alliman chayachun.

Lamentaciones 3:30

Pipis magaptenga cäranta witichipanman. Imata gayapaptinpis upällalla chasquicunman.

Lamentaciones 5:1

Tayta Dios, yarpäriy ari imano päsamashancunatapis. Masqui ricay imano disigrasya chayamashantapis.

Sofonías 2:8

Israelcunapa munayniyoj Tayta Diosnin caynömi nin: «Wiyashcämi Moab runacuna imano ashllishushayquitapis, Amón runacuna achäquita ashipäshushayquitapis. Paycunaga ashllisha acrashä runacunatami. Nircorga munayniyoj-tucushpanmi acrashä runacunapa nasyunninman mashtacasha.