Lamentaciones 3:54 - Tayta Diosninchi Isquirbichishan

⁵⁴ Chaura yacuga ushajpämi ultacarcamaran. Chaymi yarparä «wañushänachari» nir.

Lamentaciones 3:54 ပူးပေါင်းရင်းမြစ်များ

Job 22:11

Gampäga llapanpis chacajlla captinmi imatapis mana ricanquichu. Aypalla yacu shamur ñitejnömi gueshyaga ñitiycäshunqui.

Salmos 18:4

Wañuyga janächönami ricacuran. Juchuno janächöna captin fiyupa mancharirä.

Salmos 31:22

Fiyupa manchariycashä örami yarparä «Tayta Diosga manami yarpämannachu» nir. Chaypis yanapämänayquipaj mañacamuptëga yanapämashcanquimi.

Salmos 69:15

¡Jorgaycamay ari bötiypa-bötir aywaycaj yacupita! ¡Tumariycaj yacu ruriman yaycaycächimajpita jorgaycamay ari!

Salmos 88:16

Rabyawan ñacachimashayquimi nogataga chayamasha. Ñacachimaptiquimi ima ruraytapis mana camäpacönachu.

Isaías 53:8

Imatapis mana allita mana ruraycaptinmi jusgananpaj prësu apasha. Paytaga manami pipis washaranchu. Paypäga manami pipis yarpachacuranchu. Paytaga juchanchïcunapitami wañuchiran.

Lamentaciones 3:18

Chayno cashpämi nishcä: «Alli goyayta manami yarpänachu. Tayta Diosmanpis imapänataj yäracushaj» nir.

Ezequiel 37:11

Yapay Tayta Dios nimaran: «Runa, cay tullucunami Israel runacunaga carcaycan. Paycunaga cayno nirmi purircaycan: ‹Tullunchïcunapis chaquishanami caycan. ¿Imatanataj shuyäshunpis? Noganchi ushacänanchi öra chayamushanami› nir.

Lucas 11:10

Mañacoj cäga chasquinmi. Ashej cäga tarinmi. Gayacur puncuta tacaj cajtaga quichapanmi.