Lamentaciones 3:3 - Tayta Diosninchi Isquirbichishan

³ Yaparir-yaparirmi imay örapis nogataga castigaycäman.

Lamentaciones 3:3 ပူးပေါင်းရင်းမြစ်များ

Job 16:12

Nogaga allimi goyäcuycarä. Paymi illajpita cuncapita charimasha. Nircurmi llapir usharamasha. Lëchawan chayachinanpämi apuntaraycäman.

Job 19:21

«Amïgöcuna cuyapaycamay ari. Nogataga Tayta Diosmi castigaycäman.

Job 31:21

Pobripa contranga manami imaypis maquëta jogarishcächu ‹autoridäcunami charimanga› nir yarpashpä.

Job 6:4

Tayta Diospa lëchanmi nogacho jaticasha caycan. Benënunmi intëru cuerpöman mashtacasha. Tayta Dios ñacachimashpanmi fiyupa manchaycächiman.

Salmos 38:2

Lëchayquipis cuerpöchömi jaticasha caycan. Maquiquiwanmi ñacachimashcanqui.

Isaías 1:25

Yapaymi castigashayqui. Gamcunacho ganra caycajtapis lijyawan mayllajnömi limyuyächishayqui. Ganrayquitami jorgushaj.

Isaías 5:25

Chaypitami Tayta Diosga acrashan runacunapaj fiyupa rabyacurcusha. Nircur castigasha. Puntacunapis chucchusharämi. Wañojcunanami cällicunacho jitaräcuran ganra jitarajno. Chayno castigarcurpis Tayta Diosga rabyashanpita manami allchacanrächu. Payga jinallarämi castigananpaj yarparaycan.

Isaías 63:10

Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.

Deuteronomio 29:20

Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.