Lamentaciones 2:19 - Tayta Diosninchi Isquirbichishan

¹⁹ Chacaycunapapis jatarcur waray-waray gaparay. Llapan llaquicuycashayquipita Tayta Diosta willapay, wagapay. Mañacushpayqui maquiquitapis chojpacuy. Ruwacuy yargaypita wamrayquicuna mana wañunanpaj. Micunanpaj imapis mana captinmi wamrayquicunaga cällicunachöpis wañurcaycan.

Lamentaciones 2:19 ပူးပေါင်းရင်းမြစ်များ

Job 3:24

«Llaquicuyllämi micuynënöpis; gaparashäpis aypalla yacu aywajnörämi.

Salmos 119:55

Tayta Dios, chacaycunapis gamtami yarpä. Yachachishayquicunatami cumliyta munä.

Salmos 134:2

Maquiquita rispitädu wasin cajman jogarcur Tayta Diosta alabay.

Salmos 141:2

Mañacamushäga gam cajman chayamuchun insinsuno. Maquëta jogariraycämushäna cachun tardipa apamushä ofrendano.

Salmos 142:2

Paymanmi quijacuycä. Paytami musyaycächë imapita llaquicuycashätapis.

Salmos 142:3

Paytami willapä fiyupa llaquisha caycashätapis. Tayta Dios, gamga musyanquimi imano goyaycashätapis. Mana alliman chayanäpämi togllacunata churapämasha.

Salmos 28:2

Mañacamuptë yanapaycamay ari. Rispitädu tiyanayquiman maquëta jogarir mañacamuptë wiyaycamay ari.

Salmos 42:3

Ichanga pagasta junajtapis weguillänami micuynëpis. Chayno caycaptë imay örapis asipämashpan «¿Maytaj Diosniqui?» nir tapurcaycäman.

Salmos 42:4

Ñaupata goyashäpaj yarpärirmi fiyupa llaquicö. Yarpä aypalla runacunawan Tayta Diospa wasinman aywashäta. Pushaptë runacunaga aywaj fistacho cushicur Tayta Diosta alabananpaj.

Salmos 42:8

Chaymi cawachimaj Tayta Dios gamta mañacamö. Mañacö cuyamar junajpa ricamänayquipaj, chacaypana cantar alabanäpaj.

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Salmos 63:4

Cawashäyäga alabaycäshayquimi. Mañacushpäpis gamllamanmi maquëta jogarimushaj.

Isaías 26:9

Chacaycunapapis gamllamanmi yarparaycä. Llapan shongöpami gamta ashiycä. Cay pachacho caj runacunata llapanta jusgaptiquirämi yachaconga allita rurayta.

Isaías 51:20

Toglla chariptin animal ricacushannömi wamrayquicunaga ricacusha. May cälli isquïnachöpis jitarpaycan. Chaynöga carcaycan Tayta Dios rabyawan castigashushayquicunapitami.

Jeremías 14:18

Jircacunapa aywar ricä guërrawan wañusha yänin jitarpaycajta. Siudäman yaycushpäna tarë yargaypita wañurcaycajta. Profëtacunapis cüracunapis imanir chayno päsashantapis tantiyayta mana atiparmi puricacharcaycan.› »

Jeremías 9:20

Tayta Dios nishanta sumaj wiyay warmicuna. Pay imata willapäshushayquitapis sumaj yarpay. Wamrayquicunata yachachiy wagayta. Warmi-masiquicunatapis yachachiy cayno llaquicunanpaj:

Ezequiel 5:10

Chaymi taytancuna wamrancunata micucurcongapaj; wamrancunapis taytancunata micucurcongapaj. Chaynömi gamcunataga castigashayqui. Waquinniqui cawaycar quëdaj cajtanami intëruman mashtarishayqui.

Ezequiel 5:16

«Nogami camacächishaj wañuchicoj lëchacunanöraj gamcunacho fiyupa yargay cananpaj. Rasunpami camacächishaj gamcunaman yargay, wañuy chayamunanpaj, ima micuypis manana cananpaj.

Miqueas 1:16

Jerusalén siudächo tiyajcuna, fiyupa cuyashayqui wamrayquicunatami caru nasyunman apacongapaj. Chaymi ajchayquita rutucuy llaquicushayqui musyacänanpaj. Ajchayquita jichcaypa rutucuy wisculno gala-uma canayquicama.»

Nahúm 3:10

Chayno caycajtami Tebas runacunataga prësu aparan. Wamrancunatapis cällipa isquïnancunaman apaycur pagshirgäriran. Mayur runacunata apacunanpaj surtita jitaran. Mandajnincunatanami cadinacunawan watacarcärir prësu apacuran.

Mateo 14:25

Pacha waraymannaga Jesús yacu janallanpa aywaycaran disïpuluncuna caycashan cajman.

Marcos 1:35

Warannenga chacallana siudäpita Jesús llojshiran chunyajninman Tayta Diosta mañacunanpaj.

Marcos 13:35

Chaymi gamcunaga ricchaycällar imaypis caycanquiman. Wasiyoj imay cutimunantapis manami musyanquichu. Chayaramunmanmi pacha chacarcuptillanpis, pullan pagaspis, wallpa wagaypis, pacha waraypis.

Lucas 6:12

Chay wichan juc junaj Jesús aywaran chunyaj jircaman Tayta Diosta mañacunanpaj. Chay jircacho warayllata Tayta Diosta mañacuycar wararan.

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.

Jueces 7:19

Gedeonga pachac (100) runacunawan aywar chayaran Madián runacuna tiyarcaycashan jucaj cantunman täpaj suldärucuna pullan pagas rucananpäna caycaptin. Chaypitaga uyshapa wagrancunata tucayta gallaycäriran. Apashan puyñucunatapis paquergäriran.

1 Samuel 1:15

Chaura Ana niran: «Manami machashachu caycä tayta. Manami upushcächu bïnuta, ni ima machächicojtapis. Llaquishami caycä. Llaquisha carmi Tayta Diospa ñaupancho wagaycä.

1 Samuel 7:6

Chaura llapan Israelcuna Mizpaman shuntacaran. Chaychönami yacuta chagarcärir jicharan «Tayta Diospaj ofrenda» nir. Chay junäga ayunaran. «Juchatami rurashcanchi» nir llaquicuran. Chay junajmi Samuelta Israelcuna churaran mandaj jueznin cananpaj.