Lamentaciones 2:12 - Tayta Diosninchi Isquirbichishan

¹² Pishi wamracunami mamanta nircaycaran: «Fiyupami yargaycä mama.» Chayno nircur siudäpa cällincunacho wañoj. Mamanpa mellgaynincunacho wañucäcoj.

Lamentaciones 2:12 ပူးပေါင်းရင်းမြစ်များ

Job 30:16

«Cananga wañuypis janächönami. Nogaga fiyupa llaquicullarnami caycä.

Salmos 42:4

Ñaupata goyashäpaj yarpärirmi fiyupa llaquicö. Yarpä aypalla runacunawan Tayta Diospa wasinman aywashäta. Pushaptë runacunaga aywaj fistacho cushicur Tayta Diosta alabananpaj.

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Isaías 51:20

Toglla chariptin animal ricacushannömi wamrayquicunaga ricacusha. May cälli isquïnachöpis jitarpaycan. Chaynöga carcaycan Tayta Dios rabyawan castigashushayquicunapitami.

Isaías 53:12

Chaypitami paytaga Tayta Dios mas alliman churanga. Chaychöga munayniyojcunawan iwalmi alli cajta chasquengapaj. Chaynöga chasquengapaj wañushanpitami, juchayojcunano ñacashanpitami. Rasunpa payga aypalla runacunapa juchantami aparan. Juchayojcunapäpis ruwacur mañacusha.

Jeremías 5:17

Chay runacunaga llapan micuyniquicunatami ushacurcongapaj. Wamrayquicunata warmita ollgutapis wañurgärachengami. Uyshayquicunata, wäcayquicunata, übasniquicunata, ïgusniquicunatapis micucarcärengami. Pacacunayquipaj yäracushayqui siudäcunatapis pillyacunanwanmi illgächengapaj.»

Lamentaciones 1:11

Jerusalencho tiyaj runacunaga llapanmi wagarcaycan. Micuyta ashirmi purircaycan. Micur cawananpämi micuywan rucaycärisha ima-aycantapis. Paycunaga wagashpan Tayta Diosta ruwacuycan: «Mana alliman chayasha caycajtaga ricäramay. Disigrasyaman chayasha caycajta cuyapaycamay ari.»

Lamentaciones 4:4

Chuchuycaj wamracunaga fiyupami yacunaycan. Yacunaywan shimin chaquiycaptillannami gallunpis palacarninman lagacäcun. Wamracunaga micuyta mañacun. Ichanga manami pipis canchu paycunata imallatapis yawaycachinanpaj.

Ezequiel 30:24

Babiloniapa raynintami callpayojyächishaj. Sablëtapis maquinmanmi aptapäshaj. Faraonpata ichanga ricrancunatapis paquipäshaj. Chaura payga contrancunapa ñaupancho nanaywan ataycanga.