Lamentaciones 2:10 - Tayta Diosninchi Isquirbichishan

¹⁰ Cuyayllapaj Sión siudächo caj rispitädu auquincunapis upällallami pampacho jamarpaycan. Llaquicurmi umancunaman allpata wiñacurcaycan, gachga röpacunata jaticurcaycan. Jerusalén jipashcunaga pengay-tucushpanmi uysurpaycan.

Lamentaciones 2:10 ပူးပေါင်းရင်းမြစ်များ

2 Samuel 13:19

rachir-usharan. Llaquicushpan umanman uchpata wiñacuran. Umanta charicurcur wagaraycar aywacuran näninpa.

Isaías 15:3

Läsacunachöpis llapan llaquicurcaycanga, wagarcaycanga. Wasin janancunachöpis nanaywan gaparpaycanga. Cällinpapis runacunaga purenga gachga röpasha.

Isaías 3:24

Chay junäga perfümipa ruquin canga melanaypaj asyayllami. Chegllantapis watacongapaj wascawannami. Cuyayllapaj ñajchasha cananpa ruquin ajchaynaj gala-umami cangapaj. Alli röpacunata jaticunanpa ruquin jaticongapaj gachga röpatami. Cuyayllapaj gagllan cananpa ruquin cangapaj wayllasha fyërruwan rupachishami.

Isaías 3:26

Siudächo caycajcunaga wagar llaquicur lütu röpata jaticongapaj. Mana pipis washaptinmi llaquicur allpaman jamacongapaj.

Isaías 36:22

Chaura palasyucho mandaj Eliaquim, acta ruraj Sebna, raypa secretaryun Joa fiyupa llaquicushpan röpancunatapis rachiriran. Nircur aywaran Ezequías cajman Asiriapa mandaj suldärun ima nishantapis willaj.

Isaías 47:1

Tayta Diosmi cayno nin: «Caldeacho caycaj Babilonia jipash allicho jamaraycashayquipita llojshiy. Allpamanna jamacuy. Japalla jipash sillunniquipita jatariy. Pampamanna jamacuy. Mananami pipis ‹pishi töpay cuyayllapaj jipash› nishunquipänachu.

Isaías 47:5

«Caldeacho caycaj Babilonia jipash upällalla jamacuy. Mananami pipis ‹nasyuncunapa mandajnin rayna› nishunquipänachu. Chacajmanna aywacuy.

Jeremías 8:14

«Runacunanami nenga: « ‹¿Imanirtaj cayllachöga carcaycanchi? ¡Llapanchi juclla aywacushun curalasha caycaj siudäcunaman chaycho wañunanchïpaj! Tayta Diosninchïmi wañunanchïpaj camacächisha. Juchata rurashanchïpitami wañunanchïpaj bininasha yacuta upuchimashcanchi.

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Lamentaciones 1:4

Sión lömaman aywaj caminucunaga fiyupa llaquicuypaj chunyajmi ricacusha. Fistacunamanpis mananami pipis shamunnachu. Siudäman yaycuna puncupis pasaypa chunyajmi caycan. Siudächöga cüracunallami wagaycan. Jipashcunapis fiyupa llaquicurcaycan. Quiquin siudäpis fiyupami llaquicuycan.

Lamentaciones 3:28

Tayta Dios ñacachishan öra runaga upällalla japallan cacunman.

Lamentaciones 4:16

Tayta Dios rabyacurcushpanmi wacpa caypa mashtacächisha. Nircur mananami imaypis ricärishanachu. Chaymi runacunaga cüracunata mana rispitashanachu. Auquincunatapis manami cuyapashanachu.

Lamentaciones 4:5

Ñaupata achca micuyniyoj cajcuna cananga yargaypita cällicunacho wañurcaycan. Alli wasicho wiñajcuna cananga ganracuna goturaycashanchömi tiyarcaycan.

Lamentaciones 5:12

Mandajnëcunataga maquipitami warcurcusha. Auquincunatapis manami rispitashanachu.

Lamentaciones 5:14

Siudäman yaycuna puncucho auquincunapis manami cannachu. Mösucuna jipashcuna manami cantannachu.

Ezequiel 27:30

Paycunaga fiyupa callpaypami gaparpanga. Rabyawan fiyupa llaquicushpanmi gampaj waganga. Umancunaman allpata wiñaconga. Uchpachöpis gochpanga.

Ezequiel 27:31

Gampaj llaquicushpanmi ajchanta rutuconga. Lütu röpatapis jaticonga. Fiyupa llaquicushpanmi wagangapis.

Ezequiel 7:18

Llapanmi llaquicushpan gachga röpacunata jaticonga. Ajchancunatapis galaypa rutuconga. Intëru cuerpunmi sicsicyanga. Pasaypa pengacuycarmi purengapis.

Joel 1:8

Runacunaga wagarcaycan majachacänanpaj caycaj mösu wañucäcuptin jipash wagaycashannömi.

Amós 5:13

Chaymi yachaj runaga upälla cucun, chay wichan fiyupa mana alli captin.

Amós 8:13

Chay junäga yacunaypita chiyacäcongapärämi cuyayllapaj camaraj jipashcuna, jinyu mösucunapis.

Amós 8:3

Chay castiganä junäga achcajmi wañonga. Wañojcunataga pacayllapami juc-läman jitariycärenga. Chaymi palasyucho cushicur cantananpa ruquenga llaquicuypitana wagayman churacangapaj.» Chayno cananpämi Tayta Dios nisha.

Jonás 3:6

Jonás willacushanga Nínive siudäpa raynin cajmanpis willapa chayaran. Chaura rayga jamaraycashanpita jatarcur röpanta jorgurir gachga röpacunata jaticuran. Chayno rurashpan pampamanna jamacuran.

Josué 7:6

Chaura Josuëpis, rispitädu mayurcunapis llaquicuypita röpancunata rachiran. Umancunamanpis ñuchu allpata wiñacuran. Tayta Diospa babulnin caycashanpa ñaupanman gongurpacur urcuncunapis pampaman töpasha umpuraran pacha chacänancama.

Apocalipsis 18:19

Nircorga fiyupa wagar gapararmi allpatapis umanman wiñacur nenga: «¡Ay jatuncaray siudä! Chaychömi büquiyojcuna nigusyunta ranticur llapanpis rïcuyasha. Cananga illajpitachaj juc rätulla ushacäcusha.»