Lamentaciones 2:1 - Tayta Diosninchi Isquirbichishan

¹ Tayta Diosga fiyupami rabyacurcusha casha. Chaymi cuyayllapaj Siontapis yanamaypa chapacurcuran. Syëlupitami illgarachimusha Israelcho mas cuyayllapaj caj siudätaga. Rabyasha caycashan öraga manami yarpärishachu chaquin lluchcaränan Templutapis.

Lamentaciones 2:1 ပူးပေါင်းရင်းမြစ်များ

2 Samuel 1:19

«¡Ay Israel, jircayquicunachömi alli caycajta ima-aycayquicunatapis illgächisha! ¡Fiyupami binsiycusha pillyay yachajcunataga!

1 Crónicas 28:2

Davidga chaupiman ichiycur niran: «Marca-masëcuna, mandashä runacuna wiyaycäramay ari. Noga munarä Tayta Diospa rispitädu babulnin imaycamapis churaränanpaj jatun wasita aruchiyta, Tayta Diosninchïpa jamanan cananpaj. Aruchinäpämi llapanta camarishcä.

Salmos 132:7

Tayta Diospa Wasinman aywashun-llapa. Paypa ñaupanman gongurpacushun-llapa.

Salmos 89:45

Mösu cashan timpupis manami alliga cawachishcanquichu. Pasaypami pengacachishcanquipis. Selah

Salmos 99:5

¡Tayta Diosninchïta alabay-llapa! ¡Paypa ñaupanman llapaniqui gongurpacuy! ¡Tayta Diosga santumi!

Isaías 64:11

Unay awilöcuna adurashushayqui cuyayllapaj wasiquitapis nina ruparmi ushacurcusha. ¡Mas cuyayllapaj cajcunataga llapantami illgarachisha!

Jeremías 30:14

Llapan yanapäshoj nasyun runacunami gongaycushurayqui. Paycunataga manami imapis gocunnachu. Yupaytapis mana atipaypaj juchata rurashayquipitami, fiyupa mana allicunata rurashayquipitami mana cuyapaypa castigashcä. Gamtaga contrayquinöpis nogami gueshyaj-tucachishcä.

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Lamentaciones 1:12

Jerusalén siudänami nin: «Gamcuna, caminunpa purejcuna, ichiycäriy sumaj yarpachacunayquipaj. ¿Pillaga ñacaycanchuraj noga fiyupa ñacaycashäno? Tayta Diosmi rabyacurcushpan camacächisha cayno ñacanäpaj.

Lamentaciones 2:17

Tayta Diosga yarpashancunata llapantami camacächisha. Imano canayquipäpis nishantaga cumlishami. Mana cuyapaypami illgächishurayqui ñaupatana yarpashanno. Chiquishojcuna asipäshunayquipämi camacächisha. Contrayquicuna fiyupa munayniyoj cananpämi camacächisha.

Lamentaciones 4:1

Imanöshi Templucho caj aläjacuna intëru isquïnacho mashtarpaycan. Goripis chegrayacäcushami.

Lamentaciones 4:11

Tayta Diosga fiyupa rabyasha caycashantami pascacächisha. Fiyupa rabyasha cashpanmi castigasha. Siontaga ninata sindipaycuran. Chauraga simintuntinta rupar ushacurcuran.

Ezequiel 13:13

« ‹Chaymi noga Tayta Dios në: Rabyashpämi camacächishaj fiyu wayra wayrämunanpaj; fiyupa löcuwan llogllapis aywananpaj; rumino runtu tamya shicwamunanpaj.

Ezequiel 19:12

Ichanga rabyawan achuriycärir pampaman jitariran. Inti yagamunan caj lädupita wayra shamojna chaquirachiran. Chauraga wayuyninpis shicwacuranna. Sinchi rämancunapis chaquicäcuran. Chaura ninamanna waycuycäriran.

Ezequiel 24:21

Israelcunata cayno ninäpaj: ‹Caynömi Tayta Dios nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.

Ezequiel 30:18

Egipto munayniyoj caycashanta noga ushacächiptë, alli-tucurcaycashantapis ushacächiptë Tafnes siudächöga pachapis chacacäcongami. Chaycho tiyaj runacunatanami prësu apaconga.

Joel 2:2

Chay junäga canga yanauyaycaj chacaymi, pucutay juntashami, gontaynöraj chacashami. Pacha wararcuptin inti ratamur mashtarcojnömi puntacunapapis chüpacacunaga aypalla munayniyoj suldärucunano juntacuyconga. Chaynöga manami unay caranchu. Chaynöga manami ni imaypis canganachu.

Mateo 11:23

Capernaúm runacuna, ¿gamcunaga Tayta Diospa ñaupanman chayanayquipaj cashantachu yarpaycanqui? Chaypa ruquenga chacaj pachamanmi Tayta Dios gaycurishunquipaj. Gamcunacho rurashä milagrucunata Sodomacho ruraptëga runacuna juchancunata cachariptin canancamami chay siudä caycanman caran.

Lucas 10:15

Capernaúm runacuna, ¿gamcunaga Tayta Diospa ñaupanman chayanayquipaj cashantachu yarpaycanqui? Chaypa ruquenga chacaj pachamanmi Tayta Dios gaycurishunquipaj. Gamcunacho rurashä milagrucunata Sodomacho ruraptëga runacuna juchancunata cachaycuptenga canancamami chay siudä caycanman caran.

Lucas 10:18

Chaura Jesús niran: «Au, nogapis ricashcämi syëlupita räyuno Satanás yagaycämojta.

1 Samuel 4:21

Yurej wamrapa jutinta churaparan «Icabod» nir. «Icabod» ninanga «Israelcunaga pengaychömi quëdasha» ninanmi. Chaynöga niran Tayta Diospa conträtu babulninta guechushanpita, warmipa suyrun wañushanpita y runan wañushanpitami.