Lamentaciones 1:4 - Tayta Diosninchi Isquirbichishan

⁴ Sión lömaman aywaj caminucunaga fiyupa llaquicuypaj chunyajmi ricacusha. Fistacunamanpis mananami pipis shamunnachu. Siudäman yaycuna puncupis pasaypa chunyajmi caycan. Siudächöga cüracunallami wagaycan. Jipashcunapis fiyupa llaquicurcaycan. Quiquin siudäpis fiyupami llaquicuycan.

Lamentaciones 1:4 ပူးပေါင်းရင်းမြစ်များ

Isaías 3:26

Siudächo caycajcunaga wagar llaquicur lütu röpata jaticongapaj. Mana pipis washaptinmi llaquicur allpaman jamacongapaj.

Jeremías 10:22

¡Sumaj wiyay-llapa! ¡Mana alli willapami chayaycämun! Norte caj-lä nasyunpitami aypalla suldärucuna aywarcaycämun. Chay suldärucuna chayamushpan Judächo caycaj siudäcunataga illgarachengami. Chaura jirca allgucunallanami chaychöga tiyanga.

Jeremías 14:2

«Judá runacunaga llaquicuywanmi wagarcaycan. Siudäcunacho tiyajcunapis fiyupami llaquicurcaycan. Runacunaga llaquicuywan pampachömi goturpaycan. Jerusalencunaga nanaywanmi gaparpaycan.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Lamentaciones 5:13

Mas callpayoj caj runacunatami churasha mulinucho agaj rumita tangananpaj. Mösucunatanami yantata ashtachisha apaytapis mana puydishancama.

Lamentaciones 5:14

Siudäman yaycuna puncucho auquincunapis manami cannachu. Mösucuna jipashcuna manami cantannachu.

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Levítico 26:22

Micucoj animalcunatami cachamushaj. Chauraga chay animalcunami wamrayquicunata miconga; uywayquicunatapis ushanga. Chaynöpami gamcunaga wallcajllana quëdanquipaj. Chauraga näniquicunapis chunyajna ricaconga.

Miqueas 3:12

Gamcunapa juchayquipitami Sión lömaga quëdanga yapyashano. Jerusalén siudä quëdangapaj muntuy-muntuy rumicuna goturaycajlla. Templu caycashan jircachöpis mana alli jachacunallana juntasha canga.