Lamentaciones 1:20 - Tayta Diosninchi Isquirbichishan

²⁰ «Tayta Dios, fiyupa llaquicuycashäta ricäramay ari. Shongöpis fiyupami tic-ticyaycan. Pasaypa mana wiyacoj cashäta yarpäriptëga shongöpis fiyupami nanacuycun. Jawachöga wamräcunatami sabliwan wañuycächin. Cay rurichöpis wañuyga caycanmi.

Lamentaciones 1:20 ပူးပေါင်းရင်းမြစ်များ

Job 30:27

Shongöga fiyupami ushaycan. Nogaga fiyupa llaquicuyllachömi caycäpis.

Job 33:27

Chayrämi runa nenga: ‹Juchatami rurashcä, mana allicunatami rurashcä. Chaypis Tayta Diosga manami castigamashachu.

Salmos 22:14

Yacu jicharishanönami caycäpis. Tullöcunapis pasaypa gotucäcushanami. Shongöpis ushaycanna.

Salmos 38:8

Callpäpis mananami cannachu. Wirur-ushashanömi nanapäcuycä. Chaymi llapan shongöpa llaquicur ataycä.

Proverbios 28:13

Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Isaías 16:11

Chaymi shongöpis fiyupa llaquicur ushaycan Moabpäwan Kir-haresetpäga. Arpapa cuerdasninnöraj sicsicyaycan.

Isaías 38:14

Äbicuna wagajnömi nanächicuycä. Palumanöllami nanaywanpis ataycä. Ñawëpis uticannami syëluman ricarayllawan. Tayta Dios fiyupami ñacaycä. Nogapa faburnë jatarcuy ari.

Jeremías 14:18

Jircacunapa aywar ricä guërrawan wañusha yänin jitarpaycajta. Siudäman yaycushpäna tarë yargaypita wañurcaycajta. Profëtacunapis cüracunapis imanir chayno päsashantapis tantiyayta mana atiparmi puricacharcaycan.› »

Jeremías 14:20

Tayta Dios, quiquëcunapis musyämi contrayqui ricacushätaga. Unay caj awilöcuna fiyupa mana allita rurashantapis yarpaycämi. Gampa contrayqui juchata rurashätapis yarpaycämi.

Jeremías 2:35

Chayno ruraycarpis nircaycanqui: ‹Juchaynajmi cä. Nogacunapäga Dios manami rabyashanachu caycan› nir. ‹Juchaynajmi cä› nishayquipitami Nogaga llapan rurashayquita ashimuyta gallaycushaj.

Jeremías 3:13

Rimariy ari juchayoj cashayquita. Reconösiy mana wiyacoj cashayquita, rämasapa yöracuna rurinman juc dioscunata aduraj aywashayquita, Noga nishäcunata mana wiyacushayquitapis.» Tayta Diosmi chayno nin.

Jeremías 31:20

Israelcuna, gamcunaga acrashä runacunami canqui. Gamcunataga fiyupami cuyä. Fiyupa piñacurpis simrimi gamcunataga llaquiraycä. Shongöpis nanayparämi nanaycan. Gamcunataga fiyupami cuyapä. Noga Tayta Diosmi chayno në.

Jeremías 4:19

¡Ay shongullau shongullau! ¡Llaquicuywanmi shongö tic-ticyaycan! Pillyapaj trompëta wagamojta, pillyapaj büllata ruraycämojtami wiyashcä. Chaymi jamaytapis manana tarëchu. Manami upällapis cacömanchu.

Jeremías 48:36

Chaymi Moabcho tiyajcunapaj shongöpis icchun runata pampaptin quënata tucashannöraj. Kir-harescho tiyajcunapäpis shongö icchun ima-aycatapis shuntacushancuna ushacashana captinmi.

Lamentaciones 1:11

Jerusalencho tiyaj runacunaga llapanmi wagarcaycan. Micuyta ashirmi purircaycan. Micur cawananpämi micuywan rucaycärisha ima-aycantapis. Paycunaga wagashpan Tayta Diosta ruwacuycan: «Mana alliman chayasha caycajtaga ricäramay. Disigrasyaman chayasha caycajta cuyapaycamay ari.»

Lamentaciones 1:18

Jerusalén nin: «Tayta Diosga rasun cajtami rurasha pay nimashanta mana wiyacushäpita. Marcacuna wiyamay-llapa. Ricamay-llapa imano nanächicuycajtapis. Nogapitaga mösucunata jipashcunatapis prësumi apacusha.

Lamentaciones 1:8

Jerusalenga fiyupami juchata rurasha. Chaynöpami pï-maypis manacajman churasha. Ñaupata rispitajcuna, cananga manacajmanmi churarcaycan disigrasyaman chayashanta ricashpan. Chaypitami payga wagaycan. Pengacuyllawanmi ticracurcusha.

Lamentaciones 1:9

Juchata rurashpanmi röpantapis ganrachisha caycan. Manami yarpachacuranchu imaman chayananpaj cashantapis. Mana riguiypämi mana alliman chayasha. Pipis manami canchu cuyapar shogananpaj. Tayta Dios, ricäramay ari fiyupa llaquicuycashäta. Chiquimajcunanami alliman chayasha.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Lamentaciones 5:16

Corönäpis shicwacushami. Imapäraj yuriräcunapis. Nogacunaga juchatami rurashcä.

Ezequiel 7:15

Siudä rurichöga gueshyawan yargaywanmi runacuna wañonga. Wajtacho, chacracho caycajcunanami guërracho wañonga.

Daniel 9:5

Nogacunaga juchatami rurashcä. Llutallantami rurashcäcuna. Gamta mana yarpashpämi goyashcäcuna. Mandamintuyquicunatapis, layniquicunatapis munashayquinöga manami rurashcäcunachu.

Oseas 11:8

«¿Imanöpataj gamtaga gongaycöman Efraín? ¿Imanöpataj gamtaga jaguiriycöman Israel? ¿Imanöparäshi ruraycöman Adma siudäta illgächishänöga? ¿Imanöparäshi ruraycöman Seboim siudäta rurashänöga? Gamta cuyapar fiyupa llaquicuptëmi shongöpis nananraj.

Habacuc 3:16

Llapan chaycunata wiyarmi mancharirä. Shimi wirpäcunapis sicsicyacäcuran. Chaquëcunapis mana awantashpan sicsicyacäcuran. Intëru cuerpömi gotucäcuran. Chayno caycaptinpis, mana yarpachacuypami shuyaräshaj conträ yaycamojcunata Tayta Dios castiganancama.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.