Lamentaciones 1:2 - Tayta Diosninchi Isquirbichishan

² Chacaycuna fiyupa llaquicushpan icchushanyajmi wagaycan. Cärancunapapis yacunörämi weguin jutuycan. «Cuyämi» nir gatirajcunaga manami maygallanpis canchu shogananpaj. Llapan yanasancuna ticraparmi chiquicarcärisha.

Lamentaciones 1:2 ပူးပေါင်းရင်းမြစ်များ

Job 6:15

Gamcunami ichanga amïgö caycarpis mana yanapämanquichu. Gamcunaga ragrapa yacu päsarejnömi caycanqui.

Job 7:3

Nogaga quillan-quillan yangallami cawashcä. Waray-waray ñacashcä.

Salmos 126:5

Wagashpan murojcunaga cushicushpanmi cosëchata shuntanga.

Salmos 31:11

Nogataga chiquimajcuna fiyupami jamurpäman. Bisïnöcunapis asipämanmi. Rejsinacushäcunapis melanäcamanmi. Cällicho ricamajcunapis nogapita ayguicun.

Salmos 6:6

Atarpis pasaypanami uticashcä. Waray waraymi amatar wagä. Jawanätapis wagaycaptillämi weguë ushmasha.

Salmos 69:21

Ichanga micuynëmanmi benënuta wiñasha. Yacunaptëpis binagritami upuchimasha.

Proverbios 19:7

Pobritaga famillyancunapis manacajmanmi churan. Chayno caycaptenga rasuntachari amïguncunapis mana witipannachu. Amïgupayta ashiptinpis pacacaycärinmi.

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 2:25

Israelcuna, gamcunaga ama juc dioscunata adurayta ashiynachu. Gala-chaquilla cörrerga chaquiquita tacacunquimanmi. Alläpa cörricacharga yacunanquipämi. Chayno niptëpis gamcunaga nirayqui: ‹Imanäshätaj ari. Nogaga jäpa dioscunatami amatar cuyä. Paycunawanmi aywacö› nir.

Jeremías 3:1

Tayta Dios cayno nin: «Capas juc runa warminwan raquicäcun. Capas chay warmi raquicashana cashpan juc runawanna camacan. Chayno caycaptin ¿rimir caj runanga chay warmita yapay amistapanmanchuraj? ¡Manami! ¡Chayno ruraptenga nasyunpaj fiyupa pengaymi canman! Ichanga gam Israelcuna jucwan-jucwan cacoj warminömi juc dioscunata adurashcanqui. Chayno carcurpis ¿Nogaman cutimuytachu munarcaycanqui?

Jeremías 30:14

Llapan yanapäshoj nasyun runacunami gongaycushurayqui. Paycunataga manami imapis gocunnachu. Yupaytapis mana atipaypaj juchata rurashayquipitami, fiyupa mana allicunata rurashayquipitami mana cuyapaypa castigashcä. Gamtaga contrayquinöpis nogami gueshyaj-tucachishcä.

Jeremías 4:30

Chayno captin ¿imataraj ruranqui Sión runacuna? ¿Imapätaj murädu röpatapis jaticunqui? ¿Imapätaj gori aläjacunatapis churacunqui? ¿Imapätaj ñawiquitapis yanawan pintacunqui? Cuyayllapaj cashayquipis yangami. Cuyashayquicunapis llapanmi melanäcushunqui. Paycuna cananga wañunayquitami munarcaycan.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Lamentaciones 1:19

«Yanasä caj nasyuncunatami yanapämänanpaj ruwacurä. Nishä paycunaga ticrapamashami. Cüracuna, auquincuna jinan siudällacho wañusha cawananpaj micuyta ashir purircaycashancho.

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Lamentaciones 1:9

Juchata rurashpanmi röpantapis ganrachisha caycan. Manami yarpachacuranchu imaman chayananpaj cashantapis. Mana riguiypämi mana alliman chayasha. Pipis manami canchu cuyapar shogananpaj. Tayta Dios, ricäramay ari fiyupa llaquicuycashäta. Chiquimajcunanami alliman chayasha.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Ezequiel 16:37

Chaypitami, nogaga shuntamushaj llapanta pï-maywanpis cacushayqui cajtaga, amatar cuyashayqui cajtapis, llapan chiquishayquicunatapis. Paycunata shuntashaj gampa ñaupayquiman. Paycunapa ñaupanchönami röpayquita lojtipäshayqui galallata llapan ricashunayquipaj. Chaynöpami pasaypa pengayman churashayqui.

Oseas 2:7

Chaura cuyashancunapa guepanta aywarpis mananami taripanganachu. Ashirpis manami tarenganachu. Chayrämi nenga: ‹Cutishaj rimir caj runäman. Paywan goyashpäga canan caycashäpita mas allimi carä› nir.

Miqueas 7:5

Ama riguiychu runa-masiqui imata nishushayquitapis. Ama yäracuycho ni maygan amïguyquitapis. Warmiquitapis llapantaga ama willapaychu.

Apocalipsis 17:13

Chay chunca mandajcunaga chay yarpayllami canga. Paycunaga parlacurcurmi munayninta gonga waräcuyta.

Apocalipsis 17:16

Chay chunca mandajcunapis, waräcuypis fiyupami chiquicurconga mañösa warmitaga. Chaymi warmitaga galallata cachayconga. Llapanninta apaconga. Wañurcachir ruparachenga.