Lamentaciones 1:18 - Tayta Diosninchi Isquirbichishan

¹⁸ Jerusalén nin: «Tayta Diosga rasun cajtami rurasha pay nimashanta mana wiyacushäpita. Marcacuna wiyamay-llapa. Ricamay-llapa imano nanächicuycajtapis. Nogapitaga mösucunata jipashcunatapis prësumi apacusha.

Lamentaciones 1:18 ပူးပေါင်းရင်းမြစ်များ

1 Reyes 13:21

Chaura auquin profëtaga Judäpita shamoj profëtata sinchipa niran: «Tayta Diosga nin: ‹Nishäta mana wiyacushpayqui, mana rurashpayqui

Esdras 9:13

«Nogacunataga manami castigamashcanquichu juchata rurashämannöga. Chaypa ruquenga wallcajllapis cayman cutimunäpämi camacächishcanqui.

Nehemías 9:26

«Ichanga mana wiyacojmi caran. Contrayqui ricacuran. Layniqui niycashantapis mana cumlir manacajman churaran. Mana allita ruraptin profëtayquicuna piñacushpan willaparan gamman yapay yäracamunanpaj. Chaura paycuna fiyupa rabyachishushpayquimi profëtayquicunata wañuchiran.

Nehemías 9:33

Chaypis gamga alli cajtami rurashcanqui. Nogacunami ichanga juchata rurashcä.

Salmos 107:11

Paycunaga Tayta Dios willapashanta manami wiyacushachu caran. Tayta Dios rurananpaj caycashanta manacajman churaran.

Salmos 119:137

Tayta Dios, gamga juchaynajmi canqui. Rasun cajtami llapantapis jusganqui.

Salmos 119:75

Tayta Dios, nogaga musyämi llapanpita alli jusgaj cashayquita. Quiquë imatapis rurashäpitami ñacachimanquipis.

Salmos 145:17

Tayta Diosga llapan aunishantapis cumlinmi. Llapan rurashancunatapis cuyapanmi.

Éxodo 9:27

Chaymi faraonga Aarontawan Moisesta gayaycachir niran: «Nogaga juchayojmi cä. Marca-masïcunapis juchayojmi. Juchäcunapitami Tayta Diosga castigamasha.

Jeremías 12:1

Tayta Dios, gamga llapantami musyanqui. Rasun cajtami rimanqui. Chayno captinpis tapucushayqui. ¿Imanirtaj fiyu runacunapäga yarpashanpis alli llojshipan? ¿Imanirtaj llullacuypa mana allita ruraj runacunaga alli goyan?

Jeremías 32:23

Chayman yaycur tiyashpannaga manana wiyacushurayquinachu. Willapashayquitaga mananami cumlirannachu. Gam nishayquitaga manami rurashanachu. Chaypitami gamga cayno castïgutapis paycunaman chayachishcanqui.

Jeremías 4:17

Tayta Diosnin caycaptë conträ ricacushanpitami Judá runacunataga runa chacranta tumajno intëru cantunpa contrancuna curalapaycärenga. Noga Tayta Diosmi chayno në.

Jeremías 49:12

Tayta Dios nin: «Rabyasha caycashä cöpapitaga upuchishcämi castigacänanpaj mana cajcunatapis. Chayno caycaptenga manami castigänega quëdanquipächu. Gamcunapis castigashami canquipaj.

Lamentaciones 1:12

Jerusalén siudänami nin: «Gamcuna, caminunpa purejcuna, ichiycäriy sumaj yarpachacunayquipaj. ¿Pillaga ñacaycanchuraj noga fiyupa ñacaycashäno? Tayta Diosmi rabyacurcushpan camacächisha cayno ñacanäpaj.

Lamentaciones 3:42

Nogacunaga gam nishayquita mana rurarmi juchata rurashcä. Chaymi gamga mana perdunamashcanquichu.

Lamentaciones 5:16

Corönäpis shicwacushami. Imapäraj yuriräcunapis. Nogacunaga juchatami rurashcä.

Daniel 9:5

Nogacunaga juchatami rurashcä. Llutallantami rurashcäcuna. Gamta mana yarpashpämi goyashcäcuna. Mandamintuyquicunatapis, layniquicunatapis munashayquinöga manami rurashcäcunachu.

Daniel 9:7

Tayta Dios gamga llapantapis allimi jusganqui. Nogacunami ichanga fiyupa pengacusha carcaycä. Pengacushami carcaycä Judá runacuna, Jerusalencho tiyajcunapis, waquin caj Israelcunapis, carucho tiyaj sercacho tiyajpis, gam nishayquita mana wiyacushanpita juc-lä nasyuncunaman jitarishayqui cajcunapis.

Amós 8:13

Chay junäga yacunaypita chiyacäcongapärämi cuyayllapaj camaraj jipashcuna, jinyu mösucunapis.

Sofonías 3:5

Imano captinpis Tayta Diosga chay siudächömi caycan. Payga alli cajllatami ruran. Cada tutami nin chay junaj imano cananpäpis. Mana allita rurajcunami ichanga pengacuytapis mana yachanchu.

Zacarías 1:6

Ichanga imano cananpäpis sirbimaj profëtäcunawan willacachishäga ¿manachu cumlicasha unay castayquicunacho? Chaymi paycunaga arpinticur nogaman yapay cutimushpan niran: «Imano ruramänanchïpäpis nishannömi rurashanchïman-tupu, imanöpis goyashanchïman-tupu castigamashcanchi» nishpan.› »

Romanos 2:5

Gammi ichanga canqui rumi shongu. ¿Imanirtaj jucha rurayta mana cacharinquichu? Jucha rurayta mana cachariptiquega Tayta Diosninchi fiyupa rabyar llapan juchayquipitami jusgar castigashunquipaj.

Romanos 3:19

Tayta Diosninchïpa palabrancho chayno niptinmi musyanchi Israelcunapis juchayoj cashanta. Chaymi llapan runacunata Tayta Diosninchi jusgaptin imano chapacuytapis mana puydengapächu.

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Jueces 1:7

Chaura ray Adoni-bezec niran: «Cananga Diosmi fiyu cashäman-tupu fiyupa ñacaycächiman. Nogapis ñaupata ganchis chunca (70) raycunapa chaquinpa maquinpa maman dëduncunatami cuchuchirä. Chaura paycunaga puchupacunallata micurmi cawaj.» Ray Adoni-bezectaga aparan Jerusalenman. Chaychöna wañuran.

1 Samuel 15:23

Brüju rurajcunanömi fiyupa juchata ruran Tayta Diosta mana wiyacojcunaga. Ïdulucunata rispitajnömi Tayta Diosta mana wiyacojcunaga juchata ruran. Gamtapis mana wiyacushayquipitami ray caycashayquipita Tayta Diosga jitarishunqui.»