Lamentaciones 1:14 - Tayta Diosninchi Isquirbichishan

¹⁴ «Juchäcunaga yügunömi lasaycäman. Quiquin Tayta Diosmi watarcamasha. Callpäpis ushacaycannami. Tayta Diosga cachaycamasha ichipayta mana puydishä runacunapa munayninmanmi.

Lamentaciones 1:14 ပူးပေါင်းရင်းမြစ်များ

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Isaías 14:25

Acrashä nasyunchömi Asiria runacunataga ushajpaj illgächishaj. Altu puntäcunachömi ñitirishaj. Acrashä runacunata yügu ñacachishanno manami ñacachenganachu. Lasaj guepita apachishanno manami ñacachenganachu.

Isaías 47:6

Acrashä runacunapämi rabyacurcurä. Chaymi cuyashä nasyun runacunataga pengayman churarä. Chaynöpami gam Babiloniapa maquiquiman cachaycurä. Chaura paycunataga manami cuyapashcanquichu. Auquincunatapis fiyupa lasaj yüguta matancapajnömi ñacachishcanqui.

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Jeremías 27:12

Noga Jeremiasga Judäpa raynin Sedequiastapis willarä. Chaycunata willashpä caynöpis nirä: «Babiloniapa rayninpa yügunta matancacuy. Pay munashanno, mandashan runacuna munashannölla gamcuna ruray. Chauraga cawanquipämi.

Jeremías 27:8

Babiloniapa raynin Nabucodonosorpa yügunta apayta mana munaj nasyuncunataga nogami castigashaj guërrawan, muchuywan, fiyu gueshyawan. Nabucodonosorpa maquincho llapan canancamami castigashaj. Noga Tayta Diosmi chayno në.

Jeremías 28:13

«Ayway Hananías cajman. Payta ninqui noga cayno nishäta: Gamga gueru yügutami paquishcanqui. Cananga fyërru yügunami caycan.

Jeremías 28:14

Nogaga llapan nasyun runacunapa matancanman fyërru yügutami churaparcushcä llapanpis Babiloniapa raynin Nabucodonosorpa maquincho cananpaj. Llapan chucaru animalcunapis paypa munaynillanchönami canga.» Israelcunapa munayniyoj Tayta Diosninmi chayno nisha.

Jeremías 37:17

Chaypitana ray Sedequiasga palasyunman Jeremiasta apapänanpaj niran. Chayachiptin rayga pacayllapa Jeremiasta tapuran: «¿Imallataga Tayta Dios willashurayquichu?» nir. Chaura Jeremías niran: «Au. Tayta ray, gamga Babiloniacunapa rayninpa munayninchömi prësu canquipaj.»

Ezequiel 11:9

Caypita jitarirmi gamcunataga juc-lä nasyun runacunapa maquinman cachaycushayqui. Chaynömi gamcunataga castigashayqui.

Ezequiel 21:31

Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.

Ezequiel 23:28

Tayta Diosmi cayno nin: «Chiquishayqui melanäcushayqui nasyun runacunapa munayninmanmi cachaycushayquipaj.

Ezequiel 25:4

Chayno cashayquipitami gamcunataga cachaycushayquipaj inti yagamunan caj-lächo tiyajcunapa maquinman, paycunapa munayninchöna chacrayquicunapis cananpaj, tolduncunata ichichicarcärir tiyacaycärinanpaj. Paycunami micuyniquicuna poguptinpis micucarcärenga; lëchiquicunatapis upucarcärenga.

Ezequiel 25:7

Chaypitami castigashpä juc nasyuncunapa maquinman cachaycushayquipaj. Chay nasyun runacunanami ima-aycayquitapis guechushunquipaj. Marcacunacho caycajtami sapipita jachata achurejno jitarishayqui. Nasyuncunapa chaupincho caycajtapis ushajpämi illgarachishayqui. Chayrämi musyanquipaj noga Tayta Dios cashäta.›

Oseas 5:14

Nogami ichanga Efraín runacunapäwan Judá runacunapäga cashaj yargaypita liyun micunanpaj charishanno. Paycunataga quiquëmi rachir-usharishaj. Nircur aywacushämi. Llapan charishä cajcunatami apacushaj. Chay apashätaga manami pipis guechumangapächu.

Miqueas 2:3

Chaypitami chay runacunataga Tayta Dios cayno nin: «Nogapis paycunata imano ruraytapis yarpaycänami. Disigrasyami paycunamanga chayangapaj. Chay ñacaypitaga manami gueshpengapächu. Chauraga manami alli-tucushpan purengapänachu. Chay wichanga cangapaj fiyupa llaquicuyllami.

Deuteronomio 28:48

Contrayquicunata Tayta Dios cachamuptinmi gamcunaga uywaynöna paycunata sirbinquipaj. Llapan ima-aycayquicunapis ushacaptinmi pasaypa muchoj ricacunquipaj. Chaymi micunayquipäpis ni upunayquipäpis ni jaticunayquipäpis mana canganachu. Chayno ñacanquipaj ushacänayquiyajmi.