Lamentaciones 1:1 - Tayta Diosninchi Isquirbichishan

¹ Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Lamentaciones 1:1 ပူးပေါင်းရင်းမြစ်များ

1 Reyes 4:21

Salomonmi mas mandaj caran Éufrates mayupita Filistea nasyuncama, Egipto nasyunwan tincoj lindacama. Chaymi llapan pägaj impuestuta. Salomón cawashancamaga paypa munaynillanchöna caran.

2 Reyes 23:33

Ray Joacaztaga Jerusalencho manana ray cananpaj faraón Necao prësu charararan Hamat probinsyacho caycaj Ribla siudächo. Nircorga Judá runacunata impuestuta pägachiran quimsa waranga quimsa pachacnin (3,300) quïlu guellayta, quimsa chunca quimsawan (33) quïlu gorita.

2 Reyes 23:35

Joacimnami guellaytawan gorita impuestuta entregaran faraón aycatapis nishanno. Chayta pägananpäga nasyuncho tiyaj runacunata purätata churachiran. Runacunaga cada ünun churaran guellaytapis goritapis faraón «pägamanqui» nishanman aypächinanpaj.

2 Crónicas 9:26

Ray Salomonga caran waquin raycunapita mas munayniyoj: Éufrates mayupita Filistea nasyuncama; Egiptuwan tincoj lindacama caj raycunapitapis.

Esdras 4:20

Chay Jerusalenchöga fiyupa munayniyoj raycunami casha. Paycunaga munaynincho chararasha Éufrates mayupita inti yaganan caj-lächo caycaj siudäcunata. Impuestucunatapis pägachiran.

Nehemías 5:4

Waquenga nircaycaran: «Muruna chacräta, übas chacräta rinda churaycurmi guellayta jorgushcä rayman impuestuta päganäpäpis.

Nehemías 9:37

Chay chacracho wayojcunaga raycunallapämi caycan. Chay raycunataga churapämashcanqui juchäcunapitami. Nogacunapis, uywäcunapis paycuna munashanta ruranalläpämi carcaycä. Chayno captinmi fiyupa llaquicuycho carcaycä.

Salmos 122:4

Chaymanmi shamun alabashunayquipaj acrashayqui trïbucunaga. Chayno alabashunayquipämi Israel runacunataga yachachirayqui.

Isaías 14:12

«Pacha waray yagamoj Waraj imanöshi syëlupita shicwamushcanqui. Gamga achca nasyuncunatami binsirayqui. Cananga quiquiquitanami pampaman sajtashurayqui.

Isaías 22:2

Runacuna unay shanarir-raj gaparashan siudä, cushishalla runacuna tiyashan siudä, gamcho tiyajcunaga wañojmi-aywan. Ichanga manami sabliwan cuchuypachu wañonga. Manami guërrachöpischu wañonga.

Isaías 3:26

Siudächo caycajcunaga wagar llaquicur lütu röpata jaticongapaj. Mana pipis washaptinmi llaquicur allpaman jamacongapaj.

Isaías 49:21

Chaura gamga yarpaynillayquicho ninquipaj: ‹Nogapaga wamräcuna manami cashachu. Ni wawa tariytapis manami yachashcächu. Chauraga ¿maypitataj cay wamräcuna yurimusha? Nogaga jitarisha, shuyni quiquillämi tiyashcä. ¿Pitaj uywasha paycunataga? Japallätami cachaycamaran. Paycunaga ¿maypitataj shamusha?› nir.»

Isaías 50:5

Tayta Diosmi wiyacunäpaj yanapäman. Nimashancunatapis mana cachariypami cumlishcä.

Isaías 52:2

Jatariy Jerusalén. Janayquicho caycaj ganrata tapsicuyna. Prësu caycaj Sión, cuncayquicho wataraycaj cadinacunata cachachicuyna. Mandajpa jamanan sillunmanna jamacuy.

Isaías 52:7

Alli willacuyta apamushpan jircacunapa shamojta ricarga fiyupami cushicunchi. Fiyupa cushicuypämi alli goyayllana cananpaj willacuptenga, salbashana cananpaj willacuycajta wiyashaga. Payga Sionta nin «Tayta Diosniquimi ray» nir.

Isaías 54:4

Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

Jeremías 31:7

Tayta Dios nin: «Jacobpita miraj Israelcunapaj cushisha cantay. Paycunapa nasyunninmi waquin nasyuncunapitaga mas rispitasha caycan. Cushisha alabar niy: ‹Cawaycar quëdaj Israel runacunataga acrashan runacuna captinmi Tayta Dios salban› nir.

Jeremías 40:9

Chay runacunata Gedaliasga jurashpan niran: «Gamcuna ama manchacuychu Babilonia runacunapa maquincho caytaga. Jinan nasyunninchïcho tiyar Babiloniapa raynin nishanta rurarga allimi goyäshun.

Jeremías 42:2

profëta Jeremiasta. Nircur niran: «Ruwacuyculläshayqui ari tayta. Tayta Diosniquita mañacuycuy nogacuna wallcajllapis quëdajpaj. Quiquiqui ricashayquinöpis ñaupataga aypallami caranchi. Cananga pasaypa wallcajllanami quëdashcanchi.

Jeremías 44:2

Chaura Jeremiasnami Judá runacunata cayno niran: «Israelcunapa munayniyoj Tayta Diosninmi cayno nin: ‹Gamcunaga ricashcanquimi fiyupa castïguta Jerusalencho tiyaj runacunaman, chayno Judächo caycaj waquin siudäcunamanpis chayachishäta. Cananga chay siudäcuna caycan chunyaj, juchusha ragällanmi.

Jeremías 44:6

Chaynöpami nogaga fiyupa rabyacurcurä. Nina ratariycajnöraj usharirä Judächo caycaj siudäcunacho, Jerusalén cällicunachöpis. Chaymi canancamapis juchusha ragällan caycan.›

Jeremías 50:23

¡Cumbanöpis intëru nasyunta magaj Babilonia nasyun cananga paquicäcushami! ¡Babilonia chayno ruracäcuptin intëru nasyun runacunami fiyupa manchariycan!

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Lamentaciones 1:19

«Yanasä caj nasyuncunatami yanapämänanpaj ruwacurä. Nishä paycunaga ticrapamashami. Cüracuna, auquincuna jinan siudällacho wañusha cawananpaj micuyta ashir purircaycashancho.

Lamentaciones 2:1

Tayta Diosga fiyupami rabyacurcusha casha. Chaymi cuyayllapaj Siontapis yanamaypa chapacurcuran. Syëlupitami illgarachimusha Israelcho mas cuyayllapaj caj siudätaga. Rabyasha caycashan öraga manami yarpärishachu chaquin lluchcaränan Templutapis.

Lamentaciones 2:10

Cuyayllapaj Sión siudächo caj rispitädu auquincunapis upällallami pampacho jamarpaycan. Llaquicurmi umancunaman allpata wiñacurcaycan, gachga röpacunata jaticurcaycan. Jerusalén jipashcunaga pengay-tucushpanmi uysurpaycan.

Lamentaciones 4:1

Imanöshi Templucho caj aläjacuna intëru isquïnacho mashtarpaycan. Goripis chegrayacäcushami.

Lamentaciones 5:16

Corönäpis shicwacushami. Imapäraj yuriräcunapis. Nogacunaga juchatami rurashcä.

Ezequiel 26:16

Lamar cantuncho caycaj raycunaga jamaränancunapita jatarcur llaquicuyllawan jacurashancunata, cuyayllapaj burdasha röpancunatapis jorgonga. Nircur fiyupa mancharishpan sicsicyaycarmi pampaman jamaconga. Ricashushpayqui fiyupami mancharenga.

Ezequiel 26:2

«Runa, Tiro siudächo tiyaj runacunaga Jerusalenpa contran cayno rimasha: « ‹¡Cananga mayancha! ¡May nasyunpitapis chayanan siudä cananga juchushami caycan! Paycunaga pasaypa mana allimannami chayasha. ¡Cananga nogamannami surti ticramusha! Noganami ima-aycawanpis rïcuyaycä› nir.

Ezequiel 5:5

Caynömi Tayta Dios nin: «Nogami camacächishcä Jerusalenga llapan marcacunapa, nasyuncunapa chaupincho cananpaj.

Levítico 26:31

Siudäniquicunatapis ragällantami cachaycushaj. Capillayquicunatapis juchurachishaj. Nogapaj alli jömuy chayamunanpaj uywacunata rupachiptiquipis manami cushicushänachu.

Levítico 26:33

Gamcunataga sablita aptacurcurmi gaticachäshayqui. Wacpa caypami mashtarishayqui. Nasyunniquega pasaypa chunyajmi ricacongapaj. Siudäniquicunapis ragällami quëdanga.

Sofonías 2:15

Chay siudä runacunami caycan fiyupa alli-tucoj. Chaycho tiyajcunaga imapäpis mana yarpachacuypami goyarcaycan. Chay runacunaga caynömi parlan: «Cay siudäninchïnöga manami juc siudä canchu» nir. Ichanga chay siudäpis muntuy-muntuy juchushami quëdanga. Atojcunapa tiyananmanmi ticranga. Pï-maypis chay siudä ñaupanpa päsashpanga wichyapar maquinwan togrishpanraj manacajman churar asipanga.

Apocalipsis 18:7

Payga ima-aycayojpis car fiyupa alli-tucushpanmi cawaran. Chayno alli goyashanpita cananga payta ñacachiy, llaquicachiy. Payga shonguncho caynömi nej: ‹Nogaga raynanömi caycä. Manami biyüdachu cä. Manami imaypis ñacashächu› nir.