Jueces 8:3 - Tayta Diosninchi Isquirbichishan

³ Tayta Diosga gamcunapa maquiquimanmi churamusha Madián runacunapa mandajnin Orebta, Zeebta. Gamcuna rurashayquiwan tincurachisha noga rurashäga manami aycäpischu.» Gedeón chayno nishanta wiyaycärir Efraín trïbu runacunaga ollguycashanpita chawarpuran.

Jueces 8:3 ပူးပေါင်းရင်းမြစ်များ

Salmos 115:1

Tayta Dios, gamlla alabasha cay ari. Ama nogacunataga alabamächunchu. Gamtaga alabashunqui cuyapäcoj cashayquipita, rasun cajta ruraj cashayquipitami.

Salmos 44:3

Manami sablinwanchu cay pachataga guechuran. Ni callpanwanpischu binsiran. Chaypa ruquenga gammi munayniquiwan binsirayqui. Alli car yanapaptiquimi binsiran. Unay caj castäcunata cuyashpayquimi munayniquiwan yanaparayqui.

Proverbios 15:1

Alli shimillanpa cuticherga rabyaycajtapis allchacächinmi. Tuscu shiminpa cutichirmi ichanga masta rabyachin.

Proverbios 16:32

Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.

Proverbios 25:11

Camacashan öra rimashanga allimi. Gori mansänano sumaj allimi caycan.

Proverbios 25:15

Pasinsacojcunaga fiyupa ollguycajtapis gasarpachinmi. Alli shimillanpa parlarga mandaj rabyaycajtapis allchacächinmi.

Juan 4:37

«Rimay cashannöpis jucmi muröga, jucnami cosëchata shuntäga.

Romanos 12:3

Tayta Diosninchi cuyapämar acramasha captinmi llapayquita cayno niycä: Maygayquipis ama yarpaychu waquinpita mas cashayquita. Chaypa ruquenga tantiyacuy payman yäracuptiqui llapayquitapis Tayta Diosninchi yanapaycäshushayquita.

Romanos 12:6

Tayta Diosninchëga imata yachananchïpäpis yanapaycämanchi. Chaymi profëta canayquipaj Tayta Dios churasha-cashuptiquega llapan shonguyquiwan willacuy.

Filipenses 2:3

Ama runa-masiquiwan chiquinacuychu. Ama yachaj-tucuychu. Chaypa ruquenga pitapis rispëtuwan ricay.

Jueces 8:2

Efraín runacuna rabyacarcäriptinmi Gedeonga niran: «¿Noga rurashäpita mas allita rurashayquita manachu gamcuna tantiyanqui? Nogacuna achcata rurasha captëpis gamcuna rurashayquega mas allimi.

Jueces 8:4

Gedeón quimsa pachac (300) pillyaj aywäshejcunawan Jordán mayuta chimparan. Chiquinacushancunata gatishpan uticashana carcaycaran.