Jueces 8:26 - Tayta Diosninchi Isquirbichishan

²⁶ Gori surtïjacunalla llapanga lasaran chunca isgun (19) quïluno. Camaränanpaj jaticushanta, aläjancunata, raycuna jatirashan murädu tëlata, camëlluncunapa wallgantaga shuyni goturan.

Jueces 8:26 ပူးပေါင်းရင်းမြစ်များ

Ester 8:15

Mardoqueonami raypa palasyunpita llojshiran asulwan yuraj sotänan jatisha, gori corönasha, lïnupita murädu jacun jacusha. Llapan Susa siudächo tiyajcuna cushicuypita gaparparan.

Proverbios 31:22

Quiquinmi gatancunatapis awacun. Alli röpacunallatami jaticunpis.

Isaías 3:18

Chay junäga Tayta Diosmi ushajpaj illgächenga warmicuna camaränanpaj jaticunancunata: chaquincho camarächinanpaj caj shall-shallyajcunata, vinchancunata, coröna-niraj adurnuncunatapis,

Jeremías 10:9

Paycunapa ïduluncunaga caycan Tarsispita apamushan guellaywan chapyashallami, Ufazpita apamushan goriwan chapyashallami. Chay ïdulucunataga llagllay yachajcunallami, ruray yachajcunallami rurasha. Murädupitawan puca tëlapita jirasha röpacunata jatiraycan. Chay ïdulucunaga llapanpis caycan yachaj runa rurashallanmi.

Ezequiel 27:7

Wayra tangar apananpaj shucullpipis casha Egiptucho burdashan lïnupitami. Chay tëlanami bandërayquino caycaran. Tolduyquicuna caran murädu tëlacunapita, puca tëlacunapitapis. Chay tëlacunataga Elisa partipa lädun lamar cantunpitami apamuran.

Lucas 16:19

Mastapis Jesús willaparan: «Juc rïcu runashi casha fiyupa cuestaj röpacunallata jaticoj. Payga waran-waranshi rejsinacushancunawan fistata rurashpan alli micuycunallata micur goyaj.

Juan 19:2

Suldärucunana cashapita corönata awarcur Jesuspa umanman jatiparan. Chaynöpis mandaj jacurashantano puca püru jacuta jacuparan.

Juan 19:5

Chayno nirmi Jesusta jorgamuran cashapita corönan jatishata, puca püru jacun jacushata. Chaura Pilato niran: «¡Caymi chay runa!»

Apocalipsis 17:4

Warmipa röpanmi caran rïcucuna jaticushanno fïnu tëlapita puca-püru. Payga goriwan, cuyayllapaj rumicunawan, perlascunawanpis adurnasha caycaran. Chararashan gori bäsuchönami caycaran melanaypaj llapan jucha rurashancuna.

Apocalipsis 18:12

Chay nigusyanticunaga ranticunanpaj apaj gorita, guellayta, cuyayllapaj rumicunatapis, lïnupita tëlata, sëdapita tëlata, puca chicnu tëlata, cuestaj guerupita tucuy-niraj tablacunata, cuyayllapaj marfilpita, runsipita, fyërrupita, marmolpita rurasha cajcunata,

Apocalipsis 18:16

«¡Ay jatuncaray siudä! Cuyayllapaj car lïnupita rurasha puca chicnu alli röpashami caran. Goriwan, perlascunawan, cuyayllapaj rumicunawan adurnashami caran.

Jueces 8:21

Chaura Zebawan Zalmunaga Gedeonta niran: «Quiquiqui wañurachimay jinyu cashpayquega.» Niptinmi quiquin Gedeón wañurachiran. Nircur Zebapawan Zalmunapa camëlluncunapa cuyayllapaj wallgancunata jorgucuriran.

Jueces 8:25

Chaura Israelcunaga guechushan surtïjacunata jacuta mashtaycur gotuparan. Nircur Gedeonta niran: «Caychömi caycan.»

Jueces 8:27

Chay goripita Gedeonga rurachiran juc pichërata. Nircur siudänin Oframan churaran. Israelcunaga pichërata adurar Tayta Diosta mana wiyacurannachu. Chay pichërami Gedeonpäpis famillyancunapäpis trampano caran.