Jueces 18:28 - Tayta Diosninchi Isquirbichishan

²⁸ Sidón siudäpitaga caruchömi caycaran. Chay runacunaga manami piwanpis chayanacuranchu. Chaynöpami pipis mana washaranchu. Jinachöpis paycunaga tiyaran ragran pampa Bet-rehob particho. Nircorga Dan runacunana siudäta yapay jatarachiran. Chaychöna tiyaran.

Jueces 18:28 ပူးပေါင်းရင်းမြစ်များ

2 Samuel 10:6

Chayta rurariycur Amón runacunaga cuentata gocuran Davidta fiyupa rabyachishanta. Chaymi pägaypa pushamuran ishcay chunca waranga (20,000) suldärucunata Siria nasyunpita, Bet-rehob partipita, Soba partipita. Maacapa raynin aywaran waranga (1,000) runacunawan. Chunca ishcay waranga (12,000) aywaran Is-tob runacunapis.

2 Samuel 14:6

Tayta mandaj, nogapaga ishcaymi wamrä casha. Chaycunami pillyasha jircacho. Mana pipis raquinanpaj captinmi jucnin cäga jucajta wañuycachisha.

2 Samuel 24:6

Chaypitana Galaad partipa y Het runacuna tiyashan Cades marcapa sinsuraycar päsashpan Dan trïbu runacuna tiyashanman chayaran. Chaypita päsarnami sinsuraycar tumaran Sidón siudäpa.

Salmos 50:22

«Nogata mana yarpämajcuna, sumaj tantiyacuy. Illajpitami gamcunataga ichic-ichicllaman rurarishayqui. Chauraga manami pipis salbashunquipächu.

Salmos 7:2

Liyuncunanömi carcaycan. Capaschari rachir-usharamanmanpis. Gam mana salbamaptiqui jucga manami salbamangachu.

Isaías 23:12

Sidontanami niran: «Fistayquicunapis manami cannachu. Charipacusha jipashnönami caycanqui. Chipriman gueshpirpis manami chaychöpis jamayta tarinquipächu.»

Isaías 23:4

Lamar cantuncho caycaj Sidón fiyupa pengacuy ari. Tiro manana captinmi lamarga llaquicur nenga: «Ollgu wamracunata mana uywashanömi caycä. Warmi wamracunatapis mana uywashanömi caycä. Nanayta mana musyaj, mana gueshyacushanönami caycä.»

Números 13:21

Moisés cachashancuna aywar Canaán partitaga intëruta ricapacuran chunyaj Zinpita-pacha Hamatpa ñaupancho caycaj Rehobcama. Rehobga caycan Hamat yaycunachömi.

Josué 11:8

Tayta Diosmi Israel runacunapa munayninmanna cachaycuran. Chaynöpami gaticachar chayachiran Sidoncho caj siudäcunaman, Misrefot-maimman. Inti yagamunan cajpana chayachiran Mizpa pampacama. Chayno pillyar manami jucnayllatapis cawaycajtaga cacharanchu.

Josué 19:28

Chaypita päsaraycaran Abdonman, Rehobman, Hamonman, Canäman, asta jatuncaray Sidón siudäman chayanancama.

Jueces 18:1

Chay wichan Israelcunachöga manami ray caranrächu. Dan trïbu runacunapapis quiquincunapaj ricachishan chacranman yaycuyta mana camäpacuranrächu. Chaynöpami maycho tiyananpäpis ricapacur purircaycaran.

Jueces 18:29

Ñaupa caj jutin Lais casha captinpis paycunaga Dan niran, unay caj awilunpa chay jutin casha captin. Danga caran Jacobpa wamranmi.

Jueces 18:7

Chaypita, pichgaj ricapacoj aywajcunaga chayaran Lais siudäman. Chay siudächo tiyajcunaga mana yarpachacuypa tiyarcaycasha Sidón runacuna tiyashanno. Pipis mana rimaparanchu. Allilla goyäcuran. Ima-aycanpis mana pishiranchu. Sidón runacunapitaga caruchömi tiyarcaycaran. Ni piwanpis manami chayanacuranchu.