Jueces 17:13 - Tayta Diosninchi Isquirbichishan

¹³ Leví mösu cüran captinmi Micaiaga yarparan Tayta Diospa bindisyunninwan alli goyashanta.

Jueces 17:13 ပူးပေါင်းရင်းမြစ်များ

Proverbios 14:12

Runataga purishancuna alli-niräpunmi. Ichanga chay caminupa wañuymanmi aywaycan.

Isaías 44:20

Chayga uchpata micojnömi. Chayno ruräga quiquillanmi llutanta yarpar ruraycan. Chay runacunaga manami yarpachacongapischu: «Aptaraycashä ïduluga ¿manachuraj manacajlla?» nir.

Mateo 15:13

Chaura Jesús niran: «Chay fariseucunaga caycan Syëlucho caycaj papänë mana lantashan lantanömi. Chaymi quiquin mana lantashan cajtaga llapanta achurenga.

Mateo 15:9

Paycunaga runa yachachishannöllami aduraycäman. Chaymi aduramashantaga mana chasquëchu.› »

Juan 16:2

Sinagogacunapitapis gargushunquipämi. Waquenga wañuchishushpayquipis yarpangapaj Tayta Diosta sirbiycashantami.

Hechos 26:9

«Ñaupataga nogapis Nazaret Jesusman yäracojcunata fiyupa chiquir gaticacharämi.

Jueces 17:12

Chaynöpis cüra cananpaj Micaía churaptin paypa wasillanchöna tiyaran.

Jueces 18:1

Chay wichan Israelcunachöga manami ray caranrächu. Dan trïbu runacunapapis quiquincunapaj ricachishan chacranman yaycuyta mana camäpacuranrächu. Chaynöpami maycho tiyananpäpis ricapacur purircaycaran.

Jueces 18:24

Chaura Micaía niran: «Gamcunaga apacurcaycanqui ruracushä diosnëcunata. Cürätapis pushacuycanqui. Jinayllatami cachaycämanqui. Chayno ruraycämarpis ‹¿Imanaycanquitaj?› nimanquiraj.»