Jueces 16:28 - Tayta Diosninchi Isquirbichishan

²⁸ Chaymi Sansonga Tayta Diosta mañacur niran: «Tayta Dios fiyupami ruwacö. Juc cutillana yapay yanapaycamay callpä yurinanpaj. Chaynöpami Filistea runacunataga ishcan ñawëta jorgushanpita juclla wañuchishaj.»

Jueces 16:28 ပူးပေါင်းရင်းမြစ်များ

2 Crónicas 20:12

Tayta Dios ¿manachu paycunata castiganquiman? Nogacunapaga callpäcunapis manami canchu aypalla suldäru yaycamur magamaptin ichipänäcunapaj. ¡Manami musyäcunachu imata ruraytapis. Chaymi gamllaman yäracaycämö Tayta Dios!»

Salmos 10:12

¡Tayta Dios apuray ari! ¡Ama wiyaräcuychu! ¡Pobricunataga ama gongaychu!

Salmos 116:4

Chaynöpami Tayta Diosta mañacurä «Tayta Dios wañuypita salbaycamay» nir.

Salmos 143:12

Aunishayquita cumlej cashpayqui, llapan chiquimajcunata illgarachiy. Noga sirbishojniqui caycaptëga llapan conträcunata ushacächiy ari.

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Jeremías 15:15

Tayta Dios, gamga llapantami musyanqui. Nogata yarpäramay ari. Yanapämänayquipaj shaycamuy ari. ¡Gaticachämajcunata ayñita cutichiy! Paycunataga ama cuyapaychu ari. Nogata wañuchimänantaga ama munaycuychu. Tayta Dios, gam-raycumi tucuyta gayapämaptinpis awantacö.

Jonás 2:7

Wañunäpaj caycashächönami gampaj yarpärirä Tayta Dios. Chayno mañacamushätami gamga wiyarayqui. Chaynömi rispitädu Templuyquichöpis wiyamurayqui.

2 Timoteo 4:14

Jirrëru Alejandrumi fiyupa conträ ricacusha. Chayno cashanpita Tayta Diosninchïmi jusganga.

Hebreos 11:32

Tayta Diosman yäracoj runacuna warmicuna maspis carcaycanmi gamcunata willapänäpaj. Ichanga timpumi pishin Gedeonpita, Baracpita, Sansonpita, Jeftëpita, Davidpita, Samuelpita y profëtacunapita willapänäpaj.

Apocalipsis 6:10

Paycunami sinchipa niran: «Llapanpaj munayniyoj Tayta Dios, ¿imaytaj jusganqui wañuchimaj runacunata?»

Jueces 15:18

Nircur Sansonga fiyupa yacunaran. Chaymi Tayta Diosta mañacushpan niran: «Tayta Dios, gammi munashcanqui llapan runata wañuchinäta. Cananga ¿imanirtaj cachaycamashcanqui yacunaypita wañunäpaj? ¿Imanirtaj cachaycamanqui mana yäracushoj runacuna prësu charimänanpaj?»

Jueces 16:27

Chay öra templu rurichöga carcaycaran Filistea runacunapa llapan mandajnincuna. Warmipis ollgupis junta carcaycaran. Templupa altusninchöpis quimsa warangano (3,000) Sansonta asipar ricäcur caycaran.

Jueces 16:29

Chayno Tayta Diosta mañacurcur templuta tucnaraj ishcan pilancuta yatayllapa ashiran. Ishcan pilancuman tucnacurcur

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.