Jueces 15:14 - Tayta Diosninchi Isquirbichishan

¹⁴ Lehiman chayachiptin Filistea runacunaga fiyupa cushicur tariparan. Chaura jinan öra Tayta Diospa Espiritun Sansontaga charicurcuran. Chaymi Sansonga liyaraycashan wascatapis rupasha jïlutanölla rachiriran.

Jueces 15:14 ပူးပေါင်းရင်းမြစ်များ

Job 20:5

Mana alli runacunapaga cushicushanpis rätullapämi. Fiyucunapis rätullami cushicun.

Salmos 118:11

Intërupa curalarmi tumaparaycämaran. Chaypis nogaga Tayta Dios yanapämaptinmi paycunata binsirä.

Salmos 18:34

Paymi pillyapäpis yachachiman. Paymi callpata goman runsipita lëchata chutar illapanäpäpis.

Éxodo 14:3

Chaymi faraonga yarpanga chunyajman chayar pantacasha purircaycashayquita.

Éxodo 14:5

Israelcuna gueshpiycashanta musyaycur faraonga autoridänincunawan pësacuran Israelcunata cachaycushanpita. Chaymi ninacuran: «¿Imatataj ruraycushcanchi? ¿Ima jinanpataj Israelcuna aywacunanpäga cachaycushcanchi? Cananga ¿pitaj arupämäshun?» nir.

Miqueas 7:8

Israelcuna cayno nin: «Nogacunata chiquimaj nasyun runacuna, mana allicho caycajta ricamar ama cushipämaychu. Mana alliman chayasha, tunisha caycarpis jatarishämi. Intëröpami yanauyaycaj chacay caycan. Ichanga Tayta Diosmi achicyajman apamanga.

Zacarías 4:6

Chaura payga cayno nimaran: «Zorobabelpaj Tayta Dios nishan caynömi caycan: ‹Manami suldärucunatarächu, manami callpataräpischu nistan, chaypa ruquenga Espiritullätami. Noga munayniyoj Tayta Diosmi chayno në.

Filipenses 4:3

Willacoj-masë ermänu, paycunata amistaycachillay ari. Paycunaga Clemente y waquin ermänunchicunawanmi yanapämaran Jesucristupa alli willacuyninta willacuptë. Paycunapa jutincunapis isquirbiraycan Tayta Diospa ñaupancho imaycamapis cawananpaj caj libruchömi.

Jueces 14:19

Jinan öra Sansontaga Tayta Diospa Espiritun charicurcuran. Chaymi Ascalón siudäman aywarcur wañuchiran quimsa chunca (30) runata. Chaypa röpan guechushancunatana mösucunataga adibinashanpita pägaran. Nircorga warmin pashtapacushanpita fiyupa rabyasha papäninpa wasinman cuticuran.

Jueces 14:6

Chaura Sansonga Tayta Diospa Espiritun yanapaptinmi liyuntaga cabra-mallwata liyun rachirishan-jina ushariran. Maman-taytanta ichanga mana willaparanchu.

Jueces 15:13

Chaura paycuna aunir niran: «Nogacunaga manami wañuchishayquipächu. Filistea runacunallamanmi entregaycushayqui.» Chayno nircur ishcay mushoj wascawan liyaran. Liyarcärir jorgamuran pacarashan machaypita.

Jueces 15:9

Filistea runacunaga Judá nasyunman yaycuycur tiyacaycäriran Lehi particama.

Jueces 16:12

Chaymi Dalilaga mushoj wascacunawan liyaran. Nircur gayacuran: «¡Sansón Filistea runacuna charishunqui!» Chay örapis Dalilaga runacunata pacaraycächiran. Sansonga jatarcur llanu jïlutanölla llapan wascacunata rachiriran.

Jueces 16:24

Ricashpan runacunapis diosninta adurashpan cantaran. Cantar niran: «Dagonmi munayninchïman churamusha chiquishanchi Sansonta, llapan micuyninchïcuna illgächejta, noganchi castata wañuchejta» nir.

Jueces 16:9

Manaraj watar Dalilaga runacunata mayna pacaran. Watarcur sinchipa niran: «¡Sansón Filistea runacuna charishunqui!» Chaura Sansonga watuta rupasha jïlutano jinan öra rachiriran. Filistea runacuna mana musyaranchu Sansonpa callpan imanöpa yurishantapis.

Jueces 3:10

Tayta Diospa Espiritunmi Otonieltaga yanaparan. Chaymi Israelcunapa mandaj jueznin pay caran. Mandaj jueznin car runacunata pushacurcur Otonielga pillyananpaj aywaran. Tayta Dios yanapaptinmi paycunaga binsiran ray Cusan-risataimta.

Jueces 5:30

‹Pillyar binsishpan imatapis guechushancunatami raquipänacuycanga. Suldärucunaga jucta-camachari ishcayta-camachari uywayninpaj warmita raquipänacuycan. Sisarapäga canga achca culur tëlacuna. Burdasha juc ishcay cuyayllapaj pañuylucunami binsej wallgacunanpaj canga.›

1 Samuel 10:10

Uywayninwan Saúl Gabaaman chayar tincuran profëtacunawan. Saultapis Tayta Diospa Espiritun charicurcuran. Paytapis waquin cajtano rimachiran.

1 Samuel 10:6

Gamtapis Tayta Diospa Espiritun charicurcushunquipaj. Paycunatano Tayta Dios rimachishunquipaj. Chaypitaga manami canancama cashayquinönachu canquipaj.

1 Samuel 11:6

Willapata wiyaycur Saulga fiyupa rabyacurcuran. Tayta Diospa Espiritunpis payta charicurcuran.

1 Samuel 17:35

guepanta aywashpä shiminpitapis guechumoj cä. Nogaman ticramuptenga quijädanpita charej cä. Nircur magaycällar wañurachej cä.

1 Samuel 4:5

Tayta Diospa babulninta Israelcuna pachacarashanman chayaycachiptin llapan cushicuypita gaparparan. Jircacunapis yachaparanraj.