Juan 18:33 - Tayta Diosninchi Isquirbichishan

³³ Despächunman cutirir Pilato Jesusta gayarcur tapuran: «¿Rasunpachu Israelcunapa raynin canqui?» nir.

Juan 18:33 ပူးပေါင်းရင်းမြစ်များ

Jeremías 23:5

«Juc junäga Davidpita lijïtimu mirar aywajnami ray cangapaj. Payga alli yachaj cayninwanmi mandangapaj. Cay nasyunchöga alli cajllatanami rurangapäpis.

Sofonías 3:15

Tayta Diosga manami yapay castigashunquipänachu. Contrayquicunatapis gamcunapitaga carumannami gargusha. Rayniqui Tayta Diosga gamcunachönami caycan. Chaymi manana imapitapis manchacunquinachu.

Zacarías 9:9

«¡Fiyupa cushicuy Sión lömacho caycaj siudä! ¡Cushicuypita cantay Jerusalén siudä! Gamcunamanga allillata ruraj, llapanta binsej, umildi rayniquimi aywaycämun bürrullan muntasha. Cargacuna bürrupa wawan muntashami aywaycämun.

Mateo 27:11

Gobernador Pilatuman Jesusta chayachiptin Pilato cayno tapuran: «¿Rasunpachu canqui Israel runacunapa raynin?» Niptin Jesús niran: «Quiquiquimi nishcanqui.»

Mateo 27:27

Chaypita suldärucuna Jesusta aparan Pilatupa palasyunpa sawanninman. Chaychöna suldäru-masincunawan juntapaycuran.

Marcos 15:2

Chayachiptin Pilatoga Jesusta tapur niran: «¿Gamga rasunpachu Judea runacunapa raynin canqui?» Niptin Jesús niran: «Gam nishayquinömi rasunpa caycä.»

Lucas 23:2

Chaychöna Jesusta jitapashpan paycuna niran: «Cay runatami tarishcä nasyunninchïpa contran jatarinanpaj runacunata shimita goycajta. Manami munanchu impuestuta runacuna Cesarpaj päganantapis. Quiquinpis mandaj-tucur niycan ‹Nogaga cä Tayta Dios cachamushan raymi› nir.»

Juan 1:49

Chayno niptinmi Natanael niran: «Maestru, ¡gamga rasunpa canqui Tayta Diospa Wamranmi. Israelcunapa rayninmi canqui!»

Juan 12:13

Chaymi Pascua fistaman aywaj runacunaga palmërapa rämancunata apacarcärir aywar Jesusta chasquicur niran: «¡Tayta Dios alabasha caycullächun! ¡Tayta Diospita shamoj runaga alabasha caycullächun! ¡Gammi Israelcunapa raynin canqui!»

Juan 12:15

«¡Sión lömacho caycaj siudä ama manchacuychu! Rayniqui aywaycämunnami. Manta bürrullan muntashami aywaycämun.»

Juan 18:34

Chaura Jesús niran: «¿Quiquiquipa yarpaynillayquipitachu chayno nimanqui, u juccho chayno nisha-cashunqui?»

Juan 18:37

Chaura Pilato tapuran: «Chaura gamga ¿rasunpachu ray canqui?» nir. Chaura Jesús niran: «Gam nishayquinömi cä. Rasun cajta willacunäpämi cay pachacho yurishcä. Pipis rasun cajta musyayta munajcunaga willacushäcunata llapantami wiyacun.»

Juan 18:38

Niptin Pilato niran: «¿Imataj chay rasun cäga?» Chayno Jesusta nircur Pilatoga despächunpita yapay llojshirir Israelcunata niran: «Nogaga manami tarëchu cay runapa ima juchantapis.

Juan 19:12

Niptin Jesusta imanöllapapis cachaycuyta Pilato munaran. Mandaj Israelcunawan runacuna ichanga mas fiyuparaj gaparparan: «¡Mandaj-tucurmi Jesusga ray Cesarpa contran caycan! ¡Chaymi Jesusta cacharerga gampis Cesarpa contran ricacunquipaj!» nir.

Juan 19:3

Nircurna Jesusta lagyar asipar niran: «¡Israelcunapa Rayninta ricäcuy!» nir.

Juan 19:4

Despächunpita yapay llojshircur Pilato niran: «Nogaga manami tarëchu apamushayqui runapa ima juchantapis. Chaymi payta jorgamushaj imata rurachishätapis ricanayquipaj.»

Juan 19:9

Chaura despächunman cutiycur Jesusta yapay tapuran: «Gamga ¿maypitataj caycanqui?» nir. Tapuptin Jesusga upällalla cacuran.

1 Timoteo 6:13

Ama gongaychu Jesucristupis wañunancama Tayta Diosninchi munashanno cawashanta. Wañuchinanpaj cashanta musyaycarpis Poncio Pilatupa ñaupancho mana manchacuypami rasun cajta niran. Chaymi llapantapis cawachej Tayta Diosninchi y wamran Jesucristupis ricaycämaptinchi gamta në: